الجمعة، 30 أكتوبر 2009

ياليتني نحلة + تحديييث

تحديييييييث : يا جماعه في واحد لذيذ بيدخل يقول كلام قليل ذوووق مش عارفه اعمل معاه ايه
ومش عايزه انزل تعليقه البايخ
فياريت يحترم نفسو لو سمحت ولو مش عايز يحترم نفسو ياريت ميدخلش هنا تاني ... اوكي ؟





حينما رأيته تذكرت ما قيل لي الحب ما هو الا معزوفه موسيقية
تنسجم معها المعاني والكلمات
ولكن ما هي الا ذكريات
معانيها الحب والامنيات
حب خلق لكي نعشقه
بروحنا
بأجسادنا
بأفواهنا
بعقلنا
بقلبنا
ليس كحب استغلالي
ولكنه حب أبدي
حينما تراه تتذكر زقزقه العصافير في الصباح
تتذكر ضوء القمر في المساء
وهو مخلوق مثلنا من طين
ولكنه يحمل بداخله قلب ذهبي
عيناه تدل على الامان
اسرح فيهما وبداخلي بركان
بركان شوق وحنان
ياليتني كنت نحلة أمص رحيق شفتيه
ياليتني أرسم شعره المنسدل على وجنتيه
ياليتني أداعب خديه
كفيه
ويديه
أبكي ساعات ويضمني الى صدريه
وأكتب أحبك بأصابعي على كتفيه
أستنشق عبيره وانا كالطفله بين زنديه
وفي عيني نظر فجأة بعينـه
وجدهما متلألأن فضمني ونمت كالطفلة على كتفيه
فأقتربت أكثر لملامسته
فأنسجمت رائحتي برائحته
بعيد عني أم قريب أشتاق له
لدفئ صدره لجماله أشتاق له
لعيناه
ليدياه
لكفاه
لشفتاه
لشعره
أشتاق له
بعيدة عنه أم بجانبه أشتاق له

الاثنين، 26 أكتوبر 2009

صور عاريـة

حب الدنيا والتلذذ بهذه الدار الفانيه
ما هيا الا صوره عاريه من الفهم الصحيح لما يجب ان يكون عليه الانسان
نسيان الوالدين وعقوقهم ونسيان طاعتهم ورحمتهم
ما هيا الا صوره عاريه من الاخلاص والود والوفاء
السعي في الفساد ليلا ونهارا واكل حقوق الاخرين
ما هيا الا صوره عاريه من مخافه الله عز وجل والخوف من عقابه
ترك الصلاه وعدم التعبد لله وحده
صوره عاريه من عدم الخوف منه والحذر من عظيم سطوته وشديد انتقامه
تجاهل دمعه طفل بكى على أخذ أصفر وأتفه الاشياء لديه
صوره عاريه من رقه القلب والاحساس بالاخريين
صديق مقرب لك عاتبك في يوم وزعلت منه زعل شديد وقررت عدم مكالمته
صوره عاريه من التسامح والاخلاص والعفو عند المقدره
كلمه من اربع حروف "أحبـــك" قالتها لك حبيبتك وتجاهلتها فكان الفراق هو مصيركم صوره عاريه من رقه القلب والاهتمام والخوف على حبكم
كلمه احبك يا امي تقولها كل يوم 21 مارس
صوره عاريه من رضا الام والرقه في التعامل معها والحنيه عليها
كلمه احبك يا امي تقولها عندما تأخد المال منه
صوره عاريه من رضا الاب والرقه في التعامل معه والحنيه عليه
....
صور عارية من الوفاء ورد الجميل فهل جزاء الإحسان إلا الإحسان !!
فهنيئا لكم هذه الحجارة التي تحملون بين أضلاعكم وتسمونها القلوب!! هنيئا لكم

الأربعاء، 21 أكتوبر 2009

وتاني تاني تاني ورجعنا تاني تاني

وحشتوووووووووووووووووووووني كلكم يا أرق مدونين ومدونات انا اسفه
اني غبت عليكم كل الفتره دي بس بجد ظروفي مكنتش تسمح ادخل
واكتب بوستات وارد عليكم يعني النفسيه كانت في العالي اوي عندي الفتره
اللي فاتت بس الحمدلله بقيت تمام لحد ما
طمنووووووني عليكم كلكم بجد كتيييييييييييييييييييييييير وحشني
خصوصا اللي غايبين عليا كام بوست ومش بيدخلو يسألو ولا يطمنو
ماااااااااااااااشي ماشي ياللي في بالي وهو او هيا عارفين نفسهم يلا مش مشكله
ادعولي لان دراستي السمستر ده صعبه جدا و راح مني اسبوعين تأخير
على الجامعه ولحد دلوقتي بتحمل مسؤوليتهم وبكتب اللي ناقصني وبذاكرهم وطالع عيني
بس بأذن الله كلو هيعدي على خير بس انتو ادعووووولي
هدخل بقى اطمن عليكم واحد واحد وواحده واحده
ومبرووووووووووووووووووووووووووووووووووووووووك لنادي القرن الاهلي
اللي دايما رافع راسنا فوق على فوزه على المنصوره 2-1
وعقبااااااال فوز منتخب مصر على تنزانيا الحمقاء و الجزائر الخضراء
وسلاااااااااااااااااااااااااااااااااااااااااااام كبير ليكم كلكم

السبت، 10 أكتوبر 2009

ورجعنا للنكد تاني

مش عارفه اقول ايه ولا ابتدي منين ولا اعيط ولا اسكت وخلاص بس كل اللي اقدر اقولو انكم بجد
هتوحشووووني جدا
وكل حته فيكي يا بلدي هتوحشني زحمتك ودوشتك وروحك وشعبك وكل حاجه فيكي بجد هتوحشني اوي لحد ما ربنا يسهل واشوفك
في نص السنه او في اخر السنه الجيا بأذن الله :( بجد انا زعلانه اوي وحسا اني خلالالالالالالالالالالالالالالاص
هرتكب جريمه في اي حد اشوفو قدامي كلهم بيقولولي اني بدلع وبحب مصر زياده عن اللزوم
وانها متستحقش الحب ده كلو بس عايزه اقولهم طب لو متستحقش الحب ده كلو مين اللي يستحق بس ؟ :(
انا مسافره في طياره بكره الساعه 11 الصبح بأذن واحد احد وهرجع للدراسه والغم والنكد
وربنا يستر لاني متأخره عل دراسه اسبوعين وشكلي في الضياااااااااااااااااااااااااااااااااااااع خالص
بس هعمل ايه كلو فداكي يلا بلادي وعلى رأي اللي قال يا بلادي يا بلادي يا احلى البلاد يا بلاااااااااااااااااااادي ..
بجد بحبكم جدا جدا جدا ومش عارفه هدخل تاني امتى بس ان شاء الله هدخل من الجامعه اول ما اروح
عشان النت اكيد اتقطع من عندنا يلا بقى طولت عليكم ووجعت دماغكم
بس اعرفو حاجه واحده انكم كلكم في قلبي وكل واحد له مكانه خاصه في قلبي

الأربعاء، 30 سبتمبر 2009

تحشيش المحشش + تحديييث



تحدييييـــــــــــــث : أعذروني بجد لاني مش بزوركم ولا بدخل ازور مدوناتكم ده بسبب نفسيتي اللي في العالي اوي
مش عارفه ايه السبب المقنع لنفسيتي الجامده جدا دي بس ربنا كبييييييييييييييييييييييييييييييييييييييييييييير
هحاول بجد ازوركم كلكم بس أدعولي

يالي واخد في جنابك وتقول معيش شايفها سهلة وسايبها في المضـــــــــــــمون

جرب يمكن يا تيجـي يا متجــــــــيش ما هو الحظ بيجي مع المجنـــــــــــــــون

متكل عل علاوه ولا عل بقشيش مش كل مره الكوره بتيجي في الــــــــــجون

بتحب الطناش وتقول مفيش هتبقى حياتــك خربانـه و في اللــــــــــــــيمون

بطل تحشش وتشرب بانجو وحشيش مين عارف يمكن العشره في ايدك تبقى مليون

مش كل مره تقضيها شارم والعريش فاكـــر نفســـك واد مزه ومفتــــــــــــــون

ده شكلك مدهول واخر تحشيش ومنك يخاف ابليــــــــــــــــــس الملــــعون

وعشان حظك في الدنيا مفيش حياتك كلها من غير لا طـــــعم ولا لــــــون

مش لاقي تاكل ولا عارف تعيش البس حــــــــــــزامك من غير بنطـــــــلون

خلصت حياتك وخلص الحشيش ومش لاقيه حاجه اخرها حرف نــــــــون

الأحد، 20 سبتمبر 2009

كل سنه وانتو دايما حلوين

بجد وحشتووووني اوي اوي اوي والفتره اللي فاتت كانت اسوأ فترات حياتي والحمدلله تخطيت الفتره دي على خير ورجعتلكم
وقربت اسافر الامارات وارجع لدراستي وجامعتي وصحابي وحشتووووووووووووووووووووووووووووووووووني بجد
كل سنه وانتو بألف خير يا حلويييين وحلواااااااااات وعيد سعيد عليكم وعلى كل اسرتكم الطيبه ويارب تحققو كل امانيكم على خير
يلا بقى هروح اقرا بوستات كل واحد فيكم واعذروووني بجد على الفتره اللي ضاعت مني غصب عني
بحبكم اوووووووي

الأربعاء، 5 أغسطس 2009

أزواج مقطوعة عن الخدمة




أزواج نـــص كــم
=================

أعتدت عند دخولي منزل الزوجية على شكله المريح نفسيا والمهدئ للأعصاب كحبوب أنفرانيــل
ولكن لم يستمر الأمر طويلا ... فقد كانت بضعة شهور كفيلة أن تغير زوجي


"ايه اللي انت مهببـو في البيت ده يا محمد وبعدين من امتى بتلبس سلسله في رقبتك ان شاء الله ؟ "
"سيبك من السلسله دلوقتي خالص وبعدين امال انا متجوزك ليه ؟ مش عشان تظبطي وتمسحي وتكنسي وتغسلي وتطبخي
وتنضفي وتلمعي وتأمعي " وتــ وتــ وتــ .....

"ومسكت السلسله من رقبته عشان تشوفها لقت حرف الأس عليها وبدأت بالصراخ لكي يخبرها من هيا التي تبدأ بحرف الاس "
"في ايه يا حبيبتي انتي نسيتي ان أم أم جدتي أسمها سميحه ؟ ولا انتي بتحبي المشاكل والخناق بس !! "

فأنصدمت المسكينه من كلام الزوج الجارح الذي يظن إنه سي السيد وطلباته مجابه سواء رضيتم أم أبيتم
فهمت بالخروج من الغرفه اللعينه التي تجمعهما سوى فتعثرت خطواتها "بكانز بيبسي" فألتقطتها وكملت خطواتها
وتعثرت مرة أخرى "فعلبه سجاير من النوع الردئ "
إلى أن وصل به الأمر برمي جميع ملابسه على الارض "قمصانه و تيشرتاته

و بنطوناته وجينزاته بسلطاته ببابا غنوجه"
وأنتهى الشجار على :


"اصل سميره مرات حازم صحبي مبتقوليش لا ابدا على حاجه بطلبها منها "




الرجاله ماتت في حرب أكتوبر

===================

تفاجئت بكلام أختي عندما قالت لي بأنها رأت أحمد خطيبي في الشارع وهو بصحبة أحد الفتايات ممسكاً بيداها
ظننت في بادئ الامر بأنها تريد أختبار غيرتي على خطيبي وأصطنعت البردو الشديد وقلت لها بكل بساطة :

"هتلاقيه واحد تاني شبهه يا حبيبتي"
فأجابت " بقولك مريت من جمبه وشميت ريحه البرفان التقليديه بتاعتو وشوفت الوحمه اللي طالعاله في جبينه "

فبدأت أشعر بالخيانه والغدر وأمسكت بهاتفي النقال وأتصلت به على الفور لأسأله على صحه الأمر فأجابني "
"مين اللي قلك الكلام الفاضي ده يا سوسو ده انا هنا في البيت بذاكر من اول النهار ما طلع
ده حتى الفطار والغدا والعشا مقومتش من مطرحي عليهم
" ده حتى الصبح و الظهر والعصر والمغرب والعشا مقومتش أصليهم من كتر ما انا مندمج في الكتب "
"ده حتى موبايلي من اول اليوم وانا قافله ويدوب يدوب لسه فاتحه عشان أتصل بسمير صحبي اسأله على حاجه في المقرر"

"ده حتى ... وقطع كلامه صوت صديقته بجواره بقولها :

"الحمدلله يا حماده حجزت أخر تذكرتين سينما موجودين أصل الطابور زحمه اوي"



جوازة الندامة وفي العنوسة السلامة
=======================

ظننت في بدايات زواجي بفتى الأحلام بأن حياتنا ستصبح وردية طوال العمر فقد كان أشبه للملاك

وجميع طلباتي قبل أن أطلبها مجابه تماما


"أما انا شوفت حتت فستان النهارده يا حبيبي في المجله يااااه أمنيتي يكون عندي اخوه "

"واخوه ليه بكره الصبح يكون عندك تؤامه والصبح ليه ما احنا فيها ننزل دلوقتي نجيبو يا حبيبتي"


"أما انا النهارده يا حياتي تعبانه اوي ومطبختش حاجه "

"ولا يهمك يا قلبي يعني كنتاكي وهارديز وماكدونالدز وتشيلز راحو فين"


"أما انا نفسي اخرج على النادي اللي كنت بتقابل في انا وصحابي يا حبيبي اوووي "

"لالا يا قلبي أخاف عليكي تخدي نسمه هوا وتتعبي منها خليكي جمبي املي عيوني من جمالك"


" أما انا ...... أما انا ....... أما أنا ......... "



وبعد مرور ثلاثه أشهر

--------

"مطبختيش ليه النهارده يختي هو أنا اشتغل طول النهار عشان أرجع الاقيكي مش طابخه "

"ما انتي دولابك كله فساتين ولا فالحه تصرفي تصرفي تصرفي اه ما انتي متجوزه البنك اللي ابوكي جبهولك "

"الجو النهارده تلج متروحي تخرجي انتي وصحابك على النادي "

السبت، 25 يوليو 2009

اعتذار

تحدييييييييييييييث جديد :
ولله انا عند كلامي للي عايز يتعزم بس ايه يخف شويه عليا :@:@
والمكان اللي بتاع لقاء المدونين ياريت ياريت يبقى قريب شويه مني من مدينه نصر يعني :@
و 8-8 بعيد اوي خلوها اخر الاسبوع ده ولا اول اللي جي :@:@:@:@
يلا يا جماعه نزلتلكم مصر اوم الدنيا واللي عايز اي خدمه مني انا تحت الامر كلكم على راسي من فوق
انا عايزه اقولكم اني مبسوووطه جدا وبشكر كل واحد قلي حمدلله عل سلامه والناس اللي عايزه تتعزم
معنديش اي مشكله ولله اهم حاجه اني اشوفهم واتعرف على شخصيات حلوة زيهم
يلا بقى شوفو عايزين تتعزمو فين وامتى :d
انا اسسسسسسسسسسسسسسسسفه جدا جدا عل تأخيييييييير بتاااااااااااااعي جداااااا جداااااا
انا وصلت اخيرا ام الدنيا يا جماااااااااعه وحسيت اخيرا بالراحه والطمأنينه اللي مستنياهم بقالي تسع شهووووووور
كل حاجه في مصر وحشاااني بكل ما فيها وحشاااااااااااااااااااااااااااااااااااااااااااااااني
سامحوني بقى عشان بجد كنت مشغووووله جدااا جدا ومش بدخل نت خاللللللللص

الجمعة، 10 يوليو 2009

خايفــــة + تحديييييييث





تحدييييييييث : صحيت امبارح بليل لقيت زوري مقفوووووول وحرارتي 40 وللهي وتعبااااااااااانه اوي
انا بنزل التعليقات من على الموبايل وبجد مش قادره ارد وتعبانه اووووي
ادعوووووووولي اخف لاني ميته بجد :(


خايفه من ايه تعالي صارحيني
خايفه ابعد عن عنيكي
خايفه من كلمه استحمليني
ولا اسيب أيديا من أيديكــــــــــــي
.......
اقتليني سبيني بس أوعي في يوم تنسيني
أوعي في يوم افتح قلبك ويقولي خلاص أبعد وانساني
انت خاين غدار وأنـــــــــــــــــــــاني
.......
دي قصه حب ولازم الناس تحكيها
حبنا هو اللي بدأها و خوفك هو اللي هينهيها
انا ليكي وانتي ليا وخلي اللي يقول يقول
خلينا نعيش مع بعض بأيه هيفدنا القـــــــــــــــول

الاثنين، 29 يونيو 2009

المسني وقربني منك


لمست ايديه حسيت بمعاني حلوة كتير

كان نفسي اخدو لدنيا تانيه نطير

قلي احلى كلام لما سمعتو

حس اللي جوايا وفي قلبي شلت صورتو

رسمت عينيه في خيالي

شوفتها وسرحت فيها ايام وليالي

دي عيون ولا مشاعر حقيقيه


انا بحلم وانا معاه

انا غير عن كل يوم في الليله ديا

ايدي في ايديا حساه

وعينيه قدام عينيا


بصيت في عيونو شوفت احلى كلام

شوفت الحب شفت العشق شفت اجمل غرااااام

يا حبيبي خدني لدينا تانيه



المسني وقربني منك

بس متغيش عني ثانيه

خليني اسرح في حضنك

ضمني وخدني لدنيا تانية ‏



كنت بحلم الاقيك من زماااان

كنت شايفه صورتك في كل مكاااان

كنت اجمل واحد في عينيا

وهتفضل اجمل واحد وانت بين ايدياااا



المسني وقربني منك

بس متغبش عني ثانيه

خليني أسرح في حضنك

ضمني وخدني لدنيا تانية



هعيشلك ايام وسنين وهضمك وقولك كلمتين

اول كلمه حب اتعلمتها وانا بين ايديك

كلمه "بحبَــك" قولتها اول ما شوفت عينيك

تاني كلمه حب عشقتها مش عارفه ازاي وفين

عشقتها من بين شفايفك

كلمه"بحبِــك" يا حبيبي قولها ولو ليومين

خليني احلم بحبك اسرح بقلبك وهو شايفك



ألمسني وقربني منك

بس متغبش عني ثانيه

خليني أسرح في حضنك

ضمني وخدني لدنيا تانية

الأربعاء، 24 يونيو 2009

نرجسية حياتي




صراخ وتمزقات وأشواك .. وقت غابن يحرقنا , جرح الزمن يشتتنا , متاهات الطريق ترشدنا , بالحب تحدثنا وتخبرنا



انطفأت تلك الشموع التي كانت تنير دربي , بركان من الغضب هائج بفقدان خمس زهرات حياتي ..


بناتي وزوجتي على مركبي المتهالك يمرحون معي في عرض البحر , أعتدنا على الصيد جميعنا صباح كل جمعه ومن ثم أذهب للصلاة


داعياً ربـي يسد جوعنا بالنوم والنسيان وأذهب بعدها لحفلة السمك التي اعتادت زوجتي بصنعها لنا ..


ما أطيبه من سمك يا أم البنات .. تقبل يداه حباً له ويكملان غداهما على ضحكات الأربع بنات وشقاوتهم التي أعتادوا عليها بين الحين والأخر ...

يوم مشؤوم يفقد عبير البسمة , انطفاء من أول المساء فخلود وجمود وخوف به يجود

بحرنا جميعا بمركبي الصغير كعادتنا كل شهر لنمرح ونصطاد وإذ فجأه غير كل الفجئات أخذنا الطوفان

ليمرينا على طرقات يحضرها اليأس والبهـتان

أنتكست في مستنقع الكون المشوه بذكرياتي الأليمة


أغلقت ستار هذا العالم الملوث بصرخات الآلام التي أنتحرت في ساحات الوجود المعتم


أقتحمت مسارات عمري فكان عنوان أقتحامي هو الأنكسار



كم أشتقت لنرجسية حياتي التي تظللها الحنين وتشاكسها خيالات السرمدية

أيقنت إلى حقيقة حياتي وما يختبئ خلف قضبانها التي ذرتها الرياح المستعصية


أرتميت بين احضان يأسي أبحث عن حلم رحل كالسراب لعلي أجد هناك مهجعي

الثلاثاء، 16 يونيو 2009

مبرووووووووووك

تحدييييييث :
مبروووووووووووووووووووووووووك
مبرووووووووووووووووووك لكل مصري اهلاوي بيحب مصر وبيحب الكوره واللعب الصح والفن والحرفنه المصريه الاهلاويه
رافعه راسناااااااااا يا مصررررررررررررررر
مبروووووووووووووك فوز مصر على ايطاليا واحد صفر
بوسه كبيررررررررره على راسك يا حمص يا رافع راسنا
حمص حمص حمص كله الليلة هيرقص
>>خدتها من اخويا مانو الجامممممممممممد<<
عايزه اقول لكل مصري ولكل اهلاوي احمر شديييييييييييد مبرووووووووووووووووووووووووووووووووووووووووووووك
على الماتش الانجاز اللي عملناه النهارده انا بعتبرو ده فوز لمصر حتى لو اتقدمو علينا بهدف واحد ويكفي انها لاعبت فرق عربيه وخسرت الفرق ادامها 8 صفر و 5 صفر وارقام كتيرررررررره تانيه ولولا الحكم اللعين كنا بقينا متعادليييييييييييييين لانو حسب البلانتي في الدقيقه الاخيره من الماتش بس انا بعتبرو بجد فوز لكل مصري ويكفي اننا رافعين راسنا وفخووورين وشرفنا الدول العربيه بأنجازنا ومهارتنا وفننا
وعايزه تاني حاجه اشكر كل اللي سألو عليا الحلويييييييييييييييييين انا الحمدلله خلصت امتحانات وطلعت نتيجتي النهارده ونجحت بتفقووووووق الحمدلله وكنت مستنيه افرحكم معايا بالنتيجه عشان تبقى فرحتنا فرحتين فرحه لمصر وفرحه ليا هههههههههههههههههههههه
وحششششششششششششششششتوني اوي بجد

الاثنين، 25 مايو 2009

بوست استثنائي "أهلاويه وأفتخر"


لو لم اكن اهلاويا لوددت ان اكون اهلاويا

مبروك لكل اهلاوي ومبرووووووووووووووك للنادي الاهلي رااافع راسنا وراس ملايين العشاق

مش هقول هارد لك يا اسماعيلي بس هقول "ولله وهعملوها الرجاله ورفعوا راس مصر بلدنا ووقفوا وقفه رجاله مبروك للاهلي ولولادنا"

علمونا في المدرسه اننا لو مبنفهمش في الحاجه اللي فيها يبقى منعملهاش الكلام ده صح ولا ايه نظامو؟؟ الكلام ليكي يا جارة

تحيه كبيره لفاروق جعفر واقولو تعيش وتاخد غيرها يا معلم :p بس خدها بعيد عننا "هنلم يعني !!"


ولكل واحد مأهور مننا بقوله يا عم بطل حقد وكره لنادي القمه اللي فوق راسك وراس خمسه وتمانين مليون


الأربعاء، 13 مايو 2009

هتوحشوني موووت

تحديث سريع عل طاير:
النهارده عيد ميلاد اعز اصحابي "هديييييير"
كل سنه وانتي طيبه يا دييييييدو وعقبال الف ومتين سنه
معرفش ليه 1200 ولله بس طلعت كده
يارب يريح قلبك ويصبرك ويصبرني
عشان انا وهيا فقر
ههههههههههههههههههههه
بحبك يا اجمل هدير


هتوحشوني بس اعمل ايه الدراسه والمذاكره :( :( :(
بجد كلكم هتوحشوني اووووووي وهدخل كل فتره اطمن عليكم وارخم عليكم :p
ادعولي عشان خايفه اوي وقلقانه من الامتحانات عشان عندي ماده بكرها اوي ومحلتش كويس في امتحاناتها وخايفه منها اوي
ادعووووووووووووووولي
بحبكـــــــــــــــــــم
سلاموووووز

الثلاثاء، 5 مايو 2009

علمني الحب يا سيدي




نقشت على شفاهك العديد من الذكريات
فتحت يداك قبلتهما وعاتبت خجل الكلمات
رأيت عيناك في منامي
في احلامي
في ايامي
وتحققت الامنيات
رأيت شجر المدينه يبتسم
فرح معي واعلن سعادته
ولكني عاتبته
وبخجلي اخبرته
عن حبي
حبيبي اللذي طالما انتظرته
أتاني وفي قلبي خبأته
ضممت الى صدري حبيبي الراجع
فحبي ليس له اسباب بل له دافع
ذكرياتنا التي بدأناها في طرقات الشارع
بدأناها بكل حراره الواقع
بكل برد لاذع
بكل كلام رائع
بكل حلم بارع
أريد أن اقبله
المس يده
انظر الى عينه
بحبي اقتله
بقلبي أخبره
انه حبيبي
حبيبي الذي عندما اميل عليه
يطويني ويضمني بيديه
يسحرني بنظرات عنيه
يحييني بعبير شفتيه
هو وحده من علمني الحب وحروف ابجدياتي
علمني العشق في ذكرياتي
علمني كيف يرسم البسمه على شفاتي
علمني الحب وعلمته جنون العشق ونسماته
علمته السعاده في ايامه
علمته كيف أأتي في احلامه












الخميس، 30 أبريل 2009

تعب رئيسة + زياره لدار المسنين


اصعب حاجه في الدنيا انك تتحمل كتير وكل ما بتتحمل اكتر بتتعب اكتر واكتر بس انت مش بأيدك تقول لتعبك لا
بس برغم كل تعبك بتحصل حاجات بتحلي ايامك وتنورلك حياتك ولو لدقيقه واحده
بس اكيد الدقيقه دي هنفضل فاكرنها كتييير
االاسبوع ده تعبت اوي بسبب دكتور هندي ربنا ينتقم منو سحب مني دم "عشان تجديد الاقامه" فلازم تعمل تحاليل عشان الامراض "ايدز التهاب كبد وبائي كوليرا ..."
كان مفروض ياخد من كل واحد سبعتاشر ملي جرام دم و أول ما دخلت انا ومامتي المستشفى بدأت اعيطمن الخوف والقلق
لان ريحه المستشفى بتتعبني اوي فدخلنا عند الدكتور الهندي ده واول ما شفت الحقنه عيطت بزياده بقى
وهدوني ومامتي وقفت جمبي وهدتني حط الحقنه اللي ما يتسمى وبدأ يسحب دم وملى نص الحقنه
وراح شالها وفرحت بقى رغم اني كنتبعيط وخايفه بس قلت خلاص هيييييييييييه اخيرا خلصت
لقيتو بيقلي هيحط الحقنه تاني عشان ياخد دم من مكان تانيده على اساس ان الدم في ايدي من فوق غير اللي تحت
فقلتله وااااااااااااااااااااااااااااااااااااااااااااااااااااااات قلي انو لازم وكده عشان حط الحقنه في مكان غلط في الاول وهيحطها تاني
كان نفسي اقوم اضربو بجد واستسلمت للامر الواقع وسحب دم تاني وملا الحقنه ربنا ينتقم منو
وجي يحطلي البلاستر مكان الحقنه ولقيتو هيبتدي يستظرف دمو فرحت زقيت ايدو قلتلو ثانكس يا بابا
وخليت مامتي تحطهالي ومشينا وفجأأأأأأأأأأأأأأأه وانا ماشيه بقى عشان نروح نودي الورق لمكان تاني
دخت وتعبت وراسي بتلف ومش شايفه ادامي يانهااااار اسود ومنيل ايه ده ياا مااااااااااااااامتي في ايه
عادي عادي يا حبيبتي عشان قلتلك افطري وانتي مسمعتيش الكلام استحملي بقى
لالا الموضوع زاد بجد وفجأأأأه جيا اعد عل كرسي خبطت التلات كراسي مع بعض كده وعملوو صووووووت
وواحد مصري جه يساعدني "بجد المصريين دول اجدع ناس في الدنيا" قلتله وانا مش شايفه بجد لا شكرا
شعور اول مره يجيلي بجد ولله مع اني اتبرعت بدم كتييييير ومش حصلي حاجه بس الهندي ابن ال...... ناس الطيبين
لقيت في الورق اللي ادهولنا انه خد مني تلاته وعشرين ملي
ااااااااااااااه يا ابببببببببببببببن ال "مش قلنا الطيبين "
ومامتي جبتلي عصير وشربتو وبقيت الحمدلله احسن شويه وروحت ولقيت اخويا جي هو وريييييييييون
لالالالالالالالالالالا ده انا لو ميتههقوم العب مع ريووون حبيبي .. وخلص اليوم والحمدلله
تاني يوم رحت الكليه افاجأأأأأأأأأ مديره القسم بتاعتنا بتتصل بيا عل موبايل وبتقلي ريم تعالي عايزينك فقلت اهلاااااااااااااااا
عملتي ايه يا مصيبه ولفيتها في راسي قلت ولله بريئه ما عملت حاجه , رحتلها لقيتها بتقلي البنات رشحتك رئيسه اتحاد الطلبه نعععععععععععععععععععععععععععععععم يا حبيبتي قلتي ايه مسمعتش اتحاد مين وزمالك مين انا اهلاويه اب عن جد ميصحش كده
يا اختي قلتلها طب ليه يعني كده انا ورايا مذاكره ودراسه وبلوج "طبعا المديره اماراتيه ولما قلتلها كده افتكرتني بشتمها "
وقاللتي شنووو قلتلها لا ابدا مفيش بس مينفعش يختارو غيري لان بجد مش هينفع قالتلي لا ده رأي الطالبات فيكي وكده
قلتلها طب ليه اختاروني قالتلي لانك بتساعدي البنات وجدعه وخدومه وشاطره ودي صفات اللي مفروض ياخد المكان ده
قلتلها طب تمام قالتلي واي رأي هتقوليه هيتنفذ على طول قشششششششششطه جتلي عل طبطاااااااااب زي ما بيقولو
كان نفسي اقولها ادونا اجازه ست سنين بس مش من اولها هوريهم الوش ده صبررررررررركم عليا بس
وتلفونات جيا عليا من البنات ريم كذا ريم عايزين رحله ريم عايزين كامبنج ريم عايزين مش عارفه ايه وانا طيب حاضر مينفعش
لالا ميصحش من عيوني اوكي ماشي "
واخر ما زهقت رحت قفلت الموبايل عشان اعرف اذاكر وتاني يوم كتبتلهم ورقه في الجامعه على اوقات محاضراتي
واوقات وجودي في الجامعه عشان محدش يتصل الا للضروره مش دلع هو بقى ,
ورحت للمديره القسم قلتلها عايزين رحله وعايزين تغيير في الجامعه وترخصوا اسعار الاكل والشرب في الكافتيريات
عشان البنات مستغليين الاسعار وكده والحمدلله وافقت على كل حاجه الا الترخيص دي مرخمه فيها شويه بس على ميييييين
هيتنفذ يعني هيتنفذ .و كنت مقترحه عليهم قبلها بكام يوم زياره "لدار المسنين" انا وكل البنات
ووافقوا وطلعنا يوم الاربع نزورهم عيطت بردو اول ما شفتهم لان حالهم يصعب عل كافر واهلهم رميينهم
ولله العظيم حرام عليكم هتتحاسبو على كده ولله واتكلمت معاهم ووسيتهم ودعيتلهم وشفت مشاكلهم ودعولنا كمان
وفي واحد منهم كان شاعر واعد يقولنا شعر رغم انه تجاوز التسعين سنه بجد يا جماعه لازم نزور الناس دي انا بزورهم في مصر كتير جدا وبعد معاهم كتيييير لان في جمبنا دار ايتام متصدقوش فرحو اد ايه بينا وقالولنا تعالو تاني
طبعا سبعين في الميه نايم مش بيتحرك ولا بيتكلم مجرد انه بس بيسمعنا وبيفتح عينو دليل على انو سامعنا سبت كل البنات في الاوضه اللي كانو فيها "كانو عشر اوض رجال وتسعه نساء مفصولين عن بعض"
ورحت عند واحد مريض اعدت جمبه ولقيت نفسي بحكيلو حااجات كتييير عن نفسي وعن دراستي وحياتي ونفسيتي واهلي
اعدت اتكلم يمكن ربع ساعه وهو نايم طول الوقت مش بيتكلم ولا حاسس بيا فمشيت وخدت ايدو بوستها ودعيتلو وغطيتو
فلقيتو وانا لسه كنت همشي مسك ايدي وفتح عينو وابتسم ياااااااااااه شعور بجد حرك كل حاجه فيا وخلاني اعيط اكتر واكتر
ده دليل انو سامعني بجد ومبسوط بكل اللي قلتهوله
واول ما رجعنا الجامعه طلبت منهم زياره دوريه كل اسبوعين تلاته عشان نطمن عليهم ونعد معاهم ووافقوا الحمدلله
بجد الزياره دي أثرت فيا اوي وخلتني حساسه عن الاول معرفش ليه بقيت كل ما اشوف رجل كبير او ست
ابقى نفسي اعملهم كل حاجه في الدنيا واساعدهم واضحكهم ولو بضحكه او ابتسامه صغيره
ادعولهم ربنا يرحمهم ويشفيهم يارب يا كريم ..
ودي صور للي كانو موجودين
ده الانسان الجميل اللي كنت بحكيلو وسامعني بقلبه

ده الشاعر اللي كان بيقلنا شعر وكانت حالتو من احسن الحالات الحمدلله

ربنا يبعد اي مرض عن اي انسان يارب يا كريم ده كان مريض نفسي ربنا يشفيهم كلهم يارب




بجد لازم كلنا ندعلهم بالشفاء ويصبر قلوبهم

الثلاثاء، 28 أبريل 2009

نغمات عشقي



نغمات عشقي عذفتها

سهرت وبحبي رويتها

لحبيبي لفارس احلامي

اللذي يمسح معنى لكل الامي

حبيبي الذي تخيلته وأتاني

في ذكرياتي

في منامي

في لحظاتي وحياتي

اعشق كلمه احبك من بين شفاته

يقولها حينها اسرح في نظراته

يأخذني بين يديه

اسرح مجددا في عينيه

اتأمل شفتيه

اطبع قبله رقيقه على خديه

لأقول له ذات الكلمات

تلك اللحظات

اسمعته اجمل العبارات

تركت كوب قهوتي على الطاوله العتيقة

أخذه من مكانه وقربه من شفاتي الى ان انهيته

ولازلت بين يديه بالحب والعشق احتويته

تأمل فنجاني واخبرني حظي وعنواني

للحب عنوان كبير لديّ

نظرت عيناه الى عينيا

واغمضناهما على دقات قلبي ولمسات يديّ

الخميس، 9 أبريل 2009

الخميس تسعه ابريل

تحديييييييييييييييييييييييث : "شكر وعتاب تحذير ونداء "
يا جمااااااااااااعه اولا كل اللي سأل عليا ومقدرتش انزل تعليقاتهم الف الف شكربجد لسؤالكم واهتمامكم الجميل ده
انا الحمدلله خفيت وبقيت تمام الحمدلله وربنا عافاني
كنت في فتره صعبه شويه بس فقت منها على خير الحمدلله فقت منها على حاجه كده بضحك
خير اللهم اجعله خير صحيت بفتح البلوج المتعوس بتاعي لقيت حد زارني منيييييييييييين؟؟
من الرسيفر ههههههههههههههههههه
بقيت ميلودي اوعى وشك
اللي مش مصدقني يبص عل يمين وهيشوف "ستالايات برفايدور"
هو الستالايت ده مش الرسيفر بتاعنا ولا ايه النظام هههههههههههههههههه
حد يفهمني طيب حاجه عشان انا مش فاهمه
بس نداء اخير وتحذير للمش ناويه تجيبها لبر ابدا دي اللي اسمها "اليكسا" استحي على دمك
وبدل ما انتي بقالك شهر في اربعه مليون خليني تلاته مليون دنا ناس بتدخل عليا من الرسيفر
يعني اعملك ايه اكتر من كده الطططططططططططططم يمااااااااااااااااااااا
طب مش حد يقلي اننا بقينا في نص شهر ابريل ياااااااه مر الوقت بالسرعه دي
بقالي نص سنة في اجمل عالم "عالم التدوين"
عرفت ناس كتيره وحبيت ناس اكتر بجد كل حد علق عندي له مكانه خاصه في قلبي

"صدى الصمت اختي وصحبتي لما بضايق بروحلها على طول لانها بتنصحني وتشجعني وبجد بحبها في الله ونفسي اديها عيني"
"يا مراكبي راجل محترم اوي بس مشغول اوي اوي في الشغل ربنا يعينو على حر السعوديه"
"دردشه على الماشي دي بقى حبيبتي وروح قلبي مش هكبرها واقول زي والدتي بس احترامي ليها زي احترامي لوالدتي بجد"
"ميمي اختي وحبيبتي نفس دماغي حد فاهمني وبيحبني زي ما بحبها ربنا يخالهالي"
"عمي فشكول يااااااه بيفكرني بجدي اوي نفس الوقار والشعر الابيض وخفه الدم بالرغم ان جدي كان بيعشق عبد الناصر ده بس الاختلاف اللي مابنهم بس حقيقي عمي فشكول راجل طيب اووووووووووووووي "
"رومانسي حد جميل اوي بيفكرني باخويا الكبير تامر صاحي نايم بيحب على روحه وقلبه كبير مش بيزعل من حد خاااااااااالص وده دليل انه راجل ميه ميه يارب يابني تتجوز بس اعملو في الصيف عشان ابقى اجي ومتنساش تحط في البوفيه حمام او جمبري بس انا رخمه وهدبسو يعني هدبسو في عزومه "اما ورييييييييتك" "

"ريمان مصممه تخربها وبوستاتها تودي المريخ يا بت اتكني وبطلي تحشري نفسك في حد لا لازم احشر مناخيري بقققققققققققى بس بنوته سكره وطيبتها تشفعلها ولله"
"أزهري اول ما عرفتو حسيت بقى انه ازهري وقال الله وقال الرسول وخفت بقققققققققى بس طلع حد طيب اوي ودمه خفيف بس بحسو مش معانا معرفش ليه شكلو طب وادبس في حب ههههههههه ربنا يعينك"


"أحمد غردقاوي راجل بجد مي هميه وقليل اوي وجوده في الزمن ده كلامه محترم وشخصيته جميله واسولبه حلو اوي ربنا يوفقه يارب ويسعده دايما لانه حد عزيز اوي اوي"

"محاسن صابر طب انا اقول عليها ايه ولا ايه؟؟ الكلام بيخلص اول ما اتكلم عليها انسااااااانه بجد طيبه اوي بتحب كل الناس وقلبها كبييييييييير نفسها تفرح بس بتتلكك عشان تتنكد معرفش ليه بحبها بجنون لان قلبها قلب طفله صغيره"
"ويسبر اختي وصحبتي وحبيبتي تلاته في واحد انسانه مخها جميل وجدعه وتفكيرها حلو اوي"

"عاشقه الرومانسيه واقعه من طولها من الحب وسنينه تخلص البوست من هنا عن الحب وتبدي واحد عن العشق تخلص العشق تبدي في الغرام حساسه اوي اوي بس قلبها طيب اوي اوي اوي"

"غربتي مهما اقول مش هعرف اوافيها حقها انسانه مؤمنه بالله وبتعرف ربنا كويس اوي قلبها رقيق ومشاعرها ارق واجمل"

"محمد غاليه بجد شاب في منتهى الاخلاق حقيقي هو ده الشعب المصري متعاملتش معاه قبل كده في الحقيقه بس اكيد وباين جدا انه حد جدع اوي وطيب اوي اوي ربنا يوفقه ويلاقي نصه التاني"

"بسمه صلاح بت مخها ضارب عايزلها عود كبريت وشويه بنزين وتبقى ميه ميه ههههههههههه اعذريني يا بووووسي الصراحه راحه بقى
لا بس بجد صحبتي وحبيبتي وسبحان الله معرفهاش الا من وقت قليل اوي بس انسانه رهيبه فنانه وموهوبه ورسامه ربنا يحفظها يارب"

"زوزو دي بقى عسوله وسكره وحد محترم اوي اوي وطيب جداااااا ربنا يهديها ويبعد عنها اي خنقه ونكد وحشتني اوي ولله"
"في كتيييييير اوي اوي بحبهم بجد وبحترمهم اوي "سمكه واحده سمووووووكتي حبيبتي" "دكتووووره سمووووره" "حسااااااااام الولد الجميل ده" "دكتور عمرو الطيب"
"ولد مصري " "حازم سويلم" "أعشق في الليل ضوء القمر قال انو مش هيدخل عندي تاني ماشي يا اعشق كلك فهم وذوق " "زمن الشيكابالا " " كيارا" "عمرو" "نهار" " أقصوصه" "شوشو" " اسلام ديو " خايفه انسى حد بجد كتييييييير اوي ليهم اجمل تحيه مني
بجد بحب تفكيرهم وارائهم ودماغهم بحب مشاغبتهم وأسلوبهم في تعليقاتهم
"الخميس 9 ابريل 2009 "اتنين ونص صباحا"

صدى الصمت :
الله عليكي يا مرمر وحشتيني اوي ووحشني كلامك الرائع الكلام الحلو ده يا مرمر يبختك يا "....." خبيييييثه انا عارفه كل سنه وانتي طيبه يا حبيبتي ويارب يفرح قلبك ويبعد عنك النكد والهم وسلام كبير للناس النايمه فهماني طبعا "الخميس 9 ابريل تلاته ونص"

رومانسي :
في كتير قالوها كتير حسوها وسمعوها
وهيا بتقول اجمل الكلام
عايشه في حاله حب وهيام
الكل وهيا بتتكلم شافوها
ومن كلامها وشعرها عرفوها
في كتير قالوها وكتير حسوها وسمعوها
"الخميس 9 ابريل اتنين ونص وخمسه صباحا"




Mohamed ghalia:
بجد هايل
كل سنه وانتي طيبه
دمتي في سعادة
"الخميس 9 ابريل اربعه صباحا"


ريمان:
السلام عليكم
مرمر القمرررررر
ازيك يا حبيبتي
معلش اعذريني اتأخرت عليكي شويه
كنت تعبانه معلش اعذريني بقى
ممكن اسأل سؤؤؤؤؤؤؤؤال ؟
انتي بتجيبي الكلام ده منييييييييييييييييييييييييييييييين
مش ممكن بجد
كل سنه وانتي طيبه يا حبيبتي ويارب يبقوا الف سنه
كلماتك جميله
لا بجد روعه مشاء الله
وماااااشي يا ستي بطلت اكتب حاجه في الموضوع ده تاني
ولا يهمك يا قمر ادعيلي بس اشوف النبي في منامي واحلم بيه
سلام يا قمرررررررر
"الخميس 9 ابريل خمسه ونص صباحا"
Blue-wave:
كل سنه وانتي طيبه يا ريم
تحياتي
"الخميس 9 ابريل سته صباحا"


Soul.o0o.whisper:
مرمرتي
حبيييييييييييييييييبتي
وحشتيني اوي يا مرمرتي الجميله
كل سنه وانتي يا حبيبتي
واوعي تيجي في بالك فكره قفل لمدون هدي تاااااااني
انا مش موووووووووووووفقه ابدااااااا
سلام يا قمري

"الخميس 9 ابريل واحده مساء"


وعجبي...!
كل سنه وانتي طيبه يا مرمر وعقبال يجي الف ومتين سنه بوست رائع وجميل
يارب يدوم عليكي نعمه التدوين
سلام ومفيش سلام لميمي
"الخميس 9 ابريل تلاته مساء"


Mimi :
حبيبتي مرمر وحشتيني موووووووووووووووووت عامله ايه يا حبيبتي
كل سنه وانتي طيبه يا قمر ويارب تنوري مصر بسرعه عشان اعمل معاكي احلى واجب
طمنيني عليكي وعلى دراستك عامله ايه انا كويسه الحمدلله والامتحانات سهله ادعيلي يا مرمر
معلش بقى صدعتك وخنقتك وقرفتك وزهقتك
بس عجبك كده ابن عمي وخطيبي يدخل عندك وميسلمش عليا حتى اتصررررفي بقى
سلام يا قمر
"الخميس 9 ابريل تلاته
وربع ثانيه مساء"


بسمـــــــــــه صلاح :
اعذريني يا ململ انتي عارفه الثانويه العامه بتاعتي والمذاكره والتعب النفسي هبقى اضيفك عندي عشان نرغي نرغي نرغي
وحشتيني اووووي يا روح ذئبه الكبننه
كل سنه وانتي طيبه يا عسل يا سكر يا قشطه يا مربى يا زبادي
يلا يا بت كفايه عليكي كده سلملم

ومتنسيش تبقى تضفيني انتي عارفه اني بنسى عشان المذاكره والامتحانات دي ثانووووووووووووووووووويه عامه يا نااااااااااس

"الخميس 10 ابريل خمسه صباحا"


Ahmed_k:
المشكله ان ثقافه التدوين سلاح ذو حدين فيه الخير وفيه الشر ناس بتأثر على ناس وناس بتنصح ناس لازم تعرفي فين الطريق الصح اللي هتقرري تمشي فيه
مع اني واثق انك هتختاري الطريق الصح دايما هههههه
دمتي متألقه كعادتك ياريم

"الخميس 10 ابريل سبعه صباحا"


يا مراكبي:
طب مش حد يقلي ان كل ده حصل وانا مش موجود عشان اجي ابارك طيب هههه
كل سنه وانتي طيبه ياريم
تحياتي
"الخميس 10 ابريل عشره ونص صباحا"


كيـــــــــــــــــــــــــارا :
عرفت ناس كتيره وحبيت ناس اكتر بحب تفكيرهم وارائهم ودماغهم بحب مشاغبتهم وأسلوبهم و تعليقاتهم
فعلا التدوين حاجه جميله
مبروك
"الخميس 11 ابريل واحده ضهرا"




Fashkool :
مرمر الجميله تحياتي
انتي دايما كده يا بنت يا عسل منوره التدوين
شوفتي اهو في الست شهور دول خطفتي قلب الراجل طب هو يعمل ايه دلوقتي
انا مش هقول حاجه غير انه سعيد الحظ بالكلام الحلو ده
كل سنه وانتي طيبه يا مرمر
"الخميس 11 ابريل 8 مساء "


دردشه على الماشي :
ازيك يا مرمر عامله ايه؟ وحشاني
اعذريني معلش اتأخرت عليكي بدايه الترم التالت مع العيال والمذاكره وتجهيز الكتب والكراسات واللبس والطبيخ والبيت والشغل والخروجات ده حتى مفيش اجازات خالص مش حرام كده كل الناس وخدا شهر اجازه واحنا بنداوم فيه مش حرام طب ده يرضي مين بس
بس اول ما فضيت قلت اجي اباركلك يا حبيبتي
كل سنه وانتي طيبه يا قمره
سلام
"الاحد 19 ابريل تسعه مساء"




Mahasen saber:
ياربي انا وحشه انا عارفه وندله كمان ممكن تضربيني بأي حاجه في أيدك
انا فات عليا كل ده معلش يا مرمر سامحيني حقك عليا
بس وعد وعد المره الجيا هرد على البوست في وقتو انتي ملاك مستحيل يعرف يزعل من حد
هعزمك على فنجان قهوة بن تقيل عشان تسامحيني المرا دي
"الجمعه 28 أغسطس 8 مساء"


Mahasen saber:
كل سنه وانتي طيبه يا حبيبه قلبي ويارب يبقو ست الاف سنه في التدوين واوعي اوعي تسيبيه لانه عالم جميل اوي وناس جميله اوي وطيبه بتحبك لانك مش بشر يا نااااااااااس انتي ملاك
واعذريني على النت بتاعي اللي بايظ من 1890 بس هصلحو بأذن الله قريب
اول ما ارد بدري عليكي اعرفي اني صلحتو يا حبيبتي
بحبك يا جميله يا مرمر
"الجمعه 28 أغسطس 8 ودقيقه مساء "

الاثنين، 6 أبريل 2009

اول تاج

التاج ده وصلني من حبيبتي ويسبر حبيبتي قلبي العسوله وبما انو اول تاج في مدونتي "لاني كنت ضد فكره التاج بس عشان زعلت
ناس كتييييييييير مني في موضوع التاج ده منهم روح قلبي صدى الصمت ودردشه على الماشي اعز اختين عندي "
فهاخد حبوب صراحه قبل ما اجاوب عل تاج واللي هيزعل ذنبه على جمبه بقى
بسم الله
اسمـــــك؟
ريم

المشهور بيه وسط اصحابك؟ولله انا كل واحده من صحابي بتقلي اسم شكل واهلي بيقولولي اسماء غير يعني على سبيل المثال :
"مرمر "بتاعت حد عزيز على قلبي اوي" , روما , ريما "والدي العزيز بيقلي كده" , ريمو , ريمي , مرمريه , ميرا , ميرو "حبيبه قلبي صدى الصمت" , ميمو , ميما , ريموتي , مرمرتي , ريري
منوسي "امي الغاليه " , بطوط "حبيبي اخويا" , دلعووو , طقة , دينمو "صحابي"

سنــــــك؟
تميت في 18 مارس تسعتاشر سنه بالتمام والكمال
اســــم مدونتــــك؟
life is still smiling on you


الصورة الرمزيه لمدونتك بتعبر عن ايه؟
ياااااااااااه اجمل تعبير في الدنيا الابتسامه على وشوش ناس حسيت انهم مبتسمين بجد من قلبهم عندهم امل في الحياه وفي بكره وبعدو وكل يوم , مفيش اجمل من الست الكبيره او الراجل الكبير اللي بيبتسم عشان حياتو تبتسملو اكتر مع انو عندو هموم الدنيا بس قلبه بيضحك وعينو بتبتسم لكل حاجه حلوة في حياتو بجد شعور جميل اوي

ايه ردة فعلك لو حد قل ادبه عليك في التعليق؟
امه تبقى دعيا عليه اصل انا دماغي نشفا ولو حد قالي كلمه مش بستحمل وممكن ارد عليه بعشره بس بأدب وبأحترام
يعني لو قله ادبو وصلت لحد الخط الاحمر "اهلي وحبيبي" يبقى عند امو يا ادهم لو شفتو عايش على وش الارض بعد اللحظه دي


اسوأ مدونه ؟
واد كده معرفش فاكر نفسو الباتشينو ولا جاكي شان ولا زويل وهو ميسواش ربع جنيه مخروم مش ورق كمان اسمو "وائل عباس"
وبت كده معرفش جيا من اي مصيبه بتتكلم في مدونتها عن حقوق الشاذات في المجتمعات
ولله بقت كوووووووووسه الله يرحم جدك كان بيبيع ترمس وفول سوداني
حقوق مين يا ام حقوق روحي بس استحمي الاول جتكم القرف مليتو البلد


السفر بالنسبالك ايه؟
بما اني عايشه في الامارات وبسافر كل سنة لمصر حبيبتي بالطياره فبقى شعور طبيعي جدااا حلو اه وجميل وتحفه اني سيبا الامارات بقرفها وراجعا لبلدي حبيبتي اللي نفسي اعيش فيها ومطلعش منها ابدااااااااااااا


المــود بتاعك؟
حار دافئ صيفا بارد ممطر شتاء
ولله بقالي يجي اسبوعين تلاته وخدا عين من حد خير اللهم اجعله خير وحالي متشقلب شقلبه وما يعلم بيها الا ربنا
بس الحمدلله مع فنجان القهوه كلو بيتعدل وبيروق


بتعمل ايه في وقت فراغك؟
بعد عل لاب بتاعي او بلعب جيمز عل موبايل او بتكلم في التلفون مع صحباتي او بخرج مع والدتي او برسم او بكتب شعر وخواطر عل موب او بنااااااااااااااام والنوم ده في اضعف الحالات


الأكلــه المفضلة؟
بصراحه بزن على اهلي في البيت من بعد ما رجعنا من مصر عشان اكل حمام وبما ان الامرات مفهاش الاختراع العبقري ده فهضطر استنى لحد شعر سبعه اول ما انزل القاهره واكل الحمام وبحب بردو الجمبري المقلي او مشوي او بالصوص


أكتر ست حاجات بتحبها؟
ربنا يرضى عني
اشوف والدي ووالدتي مرتاحين
ضحكه ست او راجل عجوز
ضحكه طفل
ريان ابن اخويا
موبايلي الجديد ولابتوبي
القهوة بن زياده


شخصيتك نوعها ايه؟
بحب كل الناس بحب اهلي وصحابي وحبيبي جدا ربنا يخلهوملي , طيبه بجنون وطيبتي بتسببلي مشاكل بس ربنا بيعوضني خير
متقلبه المزاج وده من صفات برج الحوت بس برضى بسرعه رهيبه يعني كلمه حلوة بنسى اللي حصل
مجنونه جدا وعاقله جدا جدا ..


لماذا دخلت عالم التدوين؟
بحب الكتابه جدا جدا وبحب احكي وافضفض باللي جوايا ومفيش غيركم هيستحملني


أجمل كلمه اتقالتلك في وصف مدونتك؟
رقيقه وحساسه وصادقه


أهمية التعليق بالنسبه ليك؟
بحبها جدا وبحب النقد الصادق مش كلمه والسلام وخلاص بخخخخ


أحسن بوست وضعته؟ وضع اللينك
"على أوتار قيثارتي "
http://showmeursmile.blogspot.com/2008/11/blog-post_18.html
بحبو جدا لانو كان يعتبر بدايه اختلاطي بعالم التدوين والمدونين والمدونات
" على نغمات حبات المطر"
http://showmeursmile.blogspot.com/2009/02/blog-post.html




أفضل بوست قرأتة وأفضل مدونة؟
كتير جدا بس بحب مدونه " وصدى الصمت "اجدع اخت وام وصحبه" واحمد غردقه "دايما مسافر " ومحاسن صابر "بتحب كل الناس" ورومانسي "دايما زعلان مني معرفش ليه"
عاشقه الرومانسيه "بتحب اسكندريه اوي وانا بالعند فيها مش هحبلها اسكندريه " ويسبر " حد جميل اوي اوي"
محمد غاليه "انسان طيب جدا جدا ربنا يوفقه ويتجوز" دكتور عمرو "هيزورني في السجن عشان البوست اللي فات بس هندل معاه وهقولهم هو اللي حرضني اكتب كده" دردشه على الماشي " دايما مشغوله بقمراتها " عمي فشكول " مسافر في شغل دايما "
كيارا " مش هتكبر ابدا وتسيب المصاصه " بوسي "ذئبه الكبننه بتمص دم الناس" زوزو "يااااااااااه ليها وحشه بجد"
ضد التيار "مختفيه بقالها كتييييييييييييير" دكتورة سموووره " دكتورة ومش فاضيلنا حجج حجج "وازهري باشا "دايما ناسي ومتلخبط وتعبان من السفر" ومراكبي "خايف من الحكومة بس هورطو هورطو"
حسونه "حسونه ومسمهوش حسونه "فزوره" اسمه محمد" وكتيييييييييير اوي بحبهم بجد
تمرر التاج لمين؟
لكل اللي فوق "اقطع ايدي لو حد جاوب عليه هههههههههههههههه" عشان طويل اوي اوي اوي
وبحبكم اوي اوي اوي

الخميس، 2 أبريل 2009

في ناس بتحب تاخد كل حاجة مع انها مش محتاجه

في ناس بتحب تاخد كل حاجة مع انها مش محتاجه

إن ما شردتكم يا شعبي مبقاش انا حسني ابن ام حسني

ولعها ولعها دوسها بالجزمه واحقرها

طب وبعدين في الشعب اللي مش بيقدر دنا راجل كبير وتعبان


ورووووني هتعملو ايه في اللي هيحصلكم مني دنا قاعد على قلوبكم



فلننتقم جميعا من هذا العدو اللدود


وبعديييييين بقى بيعكرو مزاجي كل شوية


اقولك على فكره يا حج وتريح دماغك من الناس دي !! هااا قول ؟ اعمل زي صدام وخليك بطل



اما نشوف هيحبوني ولا لا بعد ما يفتكرو اني مت!!!

السبت، 21 مارس 2009

ادعولي

تحديييييييييث تالت والتالته تابته :
يااااااه بجد مكنتش اعرف ان في ناس بتوحشني وبحبها الحب ده كلو بجد
ناس كتير سالت عليا وانا بطمنها عليا اني بقيت كويسه الحمدلله وروحي رجعتلي تاني
وهبتدي ارد عليكم فرد فرد في المدونه
وحشتتتتتتتتتتتتتتتتتتتتتتتتتتتتتتوني اوي
تحدييييييييييييييييييييييييييييييييييييييييييث أجد :
مخنوقه وتعبانه وروحي هتطلع قريب وحسا اني قرفانه من كل اللي حواليا وكرها نفسي اوي معرفش ليه
هو انا وحشه اوي كده ولا انا اللي مخي وحش وحساسة؟ بجد معرفش
انا قررت اقفل المدونه اسبوع كامل او يمكن تطول المده اكتر عن كده كمان
واقفلها خالص بس بجد في ناس كتيييير هيوحشوني صدى الصمت ميمي مراكبي رومانسي احمد غردقه فشكول محاسن عاشقه ويسبر ضد محمد عمرو كتيييييييييير بجد
ادعوووولي عشان محتاجه دعائكم اوي بجد لاني تعبانه حقيقي
هحاول اتابعكم بأذن الله
ملحوظة : اجابه السؤال الاول اورينت
واجابه السؤال التاني حرف الياء
تحديييييييييث :
على فكره يا جماعه محدش عرف الاجابه لحد دلوقتي ولا حد جاوب عل سؤالين صح


لدواعي التجديد هنعمل فكره بوست جديد اكيد يعني مش لدواعي السفر ليه بعمل اعلان في الوسيط مثلا

ركزوا كده وصحصحوا معايااااا

ايوة اومااااااااااااااال

اليوم السبت الموافق 21 مارس 2009

ان ان ان

دجججججججج

موسيقى تصويريه

مسابقة الموسم الجديد

"مسابقة ترفيهيه ثقافية منوعة وكوموديه"

هنبتديها بجوايز بسيطة عشان نجيب رجل الزبوووون "وش فطسان من الضحك"

هعلن عن تلات جوايز والفايز اللي هيفوز في المسابقه له كامل الحريه في اختيار جايزتو من التلات جوايز

وهعمل سحب على كل اللي شاركو في المسابقه وهسحب فايز واحد بس

راجل ست طفل عجوز اي حد يقدر يشارك واخر موعد لأستلام الاجابات يوم الأربع الموافق 21 مارس

قابل للتغيير

التلات جوايز هما :

1- تحويل رصيد من اي شركه "اتصالات موبينيل فودافون"

مش هنعلن عن المبلغ المحول هشوقكم شوية

2 - تظبيط البلوج بتاع الفايز "تيمبليت جديد تظبيط جامد مش اي كلام"

3 - هيدر او بانر بالشكل المطلوب واللي يختارو الفايز

و الفايز له حق يختار اي جايزة من اللي فاتو حسب الرغبه يعني

نيجي بقى لأهم نقطه

السؤال يتكون من جزئين اول جزء ثقافي تاني جزء لغز

السؤال الأول :

ما أسم سفينه نابليون اللي استخدمها في الحمله الفرنسيه ؟



السؤال التاني :
ياكل الحجر ، وينام في النهار، ويصحى طول الليل ، ويتوضأ مرتين ، وتشوفه مرة بحياتك أو مرتين


ملحوظه : لازم تجاوبو عل سؤالين صح عشان اسمكم ينزل في السحب صح مين عارف بعد كده الجوايز هتبقى ايه

انتوااااااااااااااااا وشطارتككككككككككككككككككم

About Me

صورتي
تقدروا تقولوا بنوتة متواضعه بحب كل الناس مجنونه و عاقله حزينه وفرحانة طفله وكبيرة طيبه وشريرة فيا كل الصفات بس اولهم واخرهم رومانسية وحالمة وده عشان بحب ابتسامه كل حد. وبحب اشوف ضحكه اي طفل وفرحتو على وشوا وضحكه اي ست على وشها بحب اشوف الفرحه في عيون الناس بحب اضحك اي حد مضايق واسمع همومه يحكيلي واحكيلو .