السبت، 10 أكتوبر، 2009

ورجعنا للنكد تاني

مش عارفه اقول ايه ولا ابتدي منين ولا اعيط ولا اسكت وخلاص بس كل اللي اقدر اقولو انكم بجد
هتوحشووووني جدا
وكل حته فيكي يا بلدي هتوحشني زحمتك ودوشتك وروحك وشعبك وكل حاجه فيكي بجد هتوحشني اوي لحد ما ربنا يسهل واشوفك
في نص السنه او في اخر السنه الجيا بأذن الله :( بجد انا زعلانه اوي وحسا اني خلالالالالالالالالالالالالالالاص
هرتكب جريمه في اي حد اشوفو قدامي كلهم بيقولولي اني بدلع وبحب مصر زياده عن اللزوم
وانها متستحقش الحب ده كلو بس عايزه اقولهم طب لو متستحقش الحب ده كلو مين اللي يستحق بس ؟ :(
انا مسافره في طياره بكره الساعه 11 الصبح بأذن واحد احد وهرجع للدراسه والغم والنكد
وربنا يستر لاني متأخره عل دراسه اسبوعين وشكلي في الضياااااااااااااااااااااااااااااااااااااع خالص
بس هعمل ايه كلو فداكي يلا بلادي وعلى رأي اللي قال يا بلادي يا بلادي يا احلى البلاد يا بلاااااااااااااااااااادي ..
بجد بحبكم جدا جدا جدا ومش عارفه هدخل تاني امتى بس ان شاء الله هدخل من الجامعه اول ما اروح
عشان النت اكيد اتقطع من عندنا يلا بقى طولت عليكم ووجعت دماغكم
بس اعرفو حاجه واحده انكم كلكم في قلبي وكل واحد له مكانه خاصه في قلبي

هناك 8 تعليقات:

الازهرى يقول...

ترجعى بالف سلامه للدراسه
وبإذن الله تعالى نفرح كلنا بالنتيجه
ويبقى احلى تقدير

romansy يقول...

مش بحب لحظه الوداع بس اللى اقدر اقوله
توصلى بالسلامه يا ريمووووووو

dramaqueen يقول...

لا نكد ولا حاجة
ربنا يسعد ايامك كلها يا قمر
وهتبقى حلوة ان شاء الله
ترجعى بالسلامة وخليكى متأكدة انك فى بالى وقلبى
هتوحشينى لحد ما تيجى

اتمنى لك ايام سعيدة

صدى الصمت - عاشقة الورد - يقول...

يا حبيبة قلبى يا قمراية هتوحشينى موووووووووت يا شقية
هستناكى تدخلى نت تانى أول ما تسمح ظروفك وإنشاءالله ترجعى مصر تانى السنة الجاية بألف سلامة

MaNoO يقول...

لا لا متفكريش فى الوداع فكرى انك ان شاء الله ترجعى السنة الجاية وبالنجاح كمان وحبك لبلدك عكره ماكان عيب انتى روحك مصرية وهو دا اللى بقيلنا منا لبلد الروح نفسها شدى حيلك فى المذاكرة ونتقابل فى نجاحك بقى ان شاء الله

Sweet Violet يقول...

طيب بما انى متأخرة
يبقى اقول طمنينى عليك و يارب تكونى بخير
^_^

وحشانى قوى على فكرة و وحشانى الرخامه بقى مش فى حد ارخم عليه ولا يرخم عليا
عاااااااااااااااا

اتصرفى بقى و تعالى تانى معانا ياوحشة انتى بقالك كتير قوى مش موجوده
v_v

mahasen saber يقول...

تروحى وترجعى بالف سلامه يا مرمر والامارات بلد عربى جميل واهله طيبين ومن اقرب الشعوب فى طيبيتها للمصريين يعنى انتى مش متغربه جامد برضه


بس انا زعلانه منك جدا جدا وبجد فعلا زعلانه نزلتى مصر ولاا عرفتينى ولاا قولتيلى عشان ااقابلك
مش كنا متفقين اشوفك لما تنزلى كدا يا مرمر حد قالك عليا بعض ولاا ايه

انا زعلاننننننننننننننننننننه جدا جدا جدا وبس

أمير الرومانسية يقول...

هلا بالبنوتة الرقيقة وعاشقة بلادي
أولا شكرا بجد علي زيارتك لمدونتي
وأتمني خواطري اللي كاتبها تعجبك يا مرمر
وبالنسبة لتعليقك
فراق الخديعة أو الخيانة أو النفاق هو ده اللي ممكن فعلا مش نزعل عليه
لكن فراق القدر زي ما في خاطرتي هو ده بجد اللي نزعل ونفضل في حزن عشانه
ومرة تانية بشكرك علي زيارتك وأتمني دوام الصداقة

About Me

صورتي
تقدروا تقولوا بنوتة متواضعه بحب كل الناس مجنونه و عاقله حزينه وفرحانة طفله وكبيرة طيبه وشريرة فيا كل الصفات بس اولهم واخرهم رومانسية وحالمة وده عشان بحب ابتسامه كل حد. وبحب اشوف ضحكه اي طفل وفرحتو على وشوا وضحكه اي ست على وشها بحب اشوف الفرحه في عيون الناس بحب اضحك اي حد مضايق واسمع همومه يحكيلي واحكيلو .