كحلم يدغدغ مشاعرنا
يلهينا عن ماضينا وحاضرنا
يجذبنا لعالمنا
كسفينة بلا شراع رست على شاطئ الأمان
تزلزل الروح والكيان
تفجر الحب كالبركان
عذوبة في مرارته كحبـة الرمان
بحر شاسع تسبح فيه الاسماك والحيتان
حب رائع منقوش على فمينا
محفور في يدينا
مطبوع على رئتينا
وحدك أنت كسريري
دافئـاً مجنونـاً
حانيـاً مهمومـاً
رقيقـاً معزوفـاً
أتحدى كلماتي من بين السطور
أتحدى مفردات حبي في شتى العصور
على صفحات أوراقي البيضاوية
بلهجة بدائية
تكوم فوق شمس استوائية
تشع عشـقٍ حراريـة
كخيوط حبـاً ذهبية
ترسم بها جسر مخملي
يتبعه إدمان علني
أحتاجك منذ مئات العصور
لتضمني إليك مثل العصفور
لتجمعني كطبقٍ مكسور
وتغمرني بكلام معسول
يحسدني عليه السيدات
أقبل وجهك ألاف المرات
أسمع حبك وأنا في الطرقات
وسط الأمطار وأضواء السيارات
أذهب وأحتسي القهوة أراك وسط ورق الاعلانات
أمشي ساعات وأراك ثانيةً على اللوحات
ترمقني بنظراتهم الفتيـات
يعرفوا حبي ويسمعوا سرعة الدقات
أرسم وجهك على كل الحيطان
أمساً اليوم غداً وفي كل الأزمان
أشعر بدوران
بهذيان
بحنان
بهيمان
بسرحان
أحتسي كوبـاً اخر من القهوة
أرى عيناك كصفاء ماء الخلجان
أشعر بشفتاك كشفاء زهر الرمان
ألمس اصابعك ويداك كحبات اللـؤلـؤ والمرجان
أجلس على أريكتي في الأمطار
أرى أوراق الشجر الصفراء
على نغمات حبات المطر في الأنواء
أشرب قهوتي السوداء
أحلق في أعالي السمـاء
أحلق بأجنحـة طائر عتيق
أبحر في الأعماق ولا أخاف الغريق
أسافر بلا خارطه طريق
أتباهى بحبك العريق
أنحت للرومانسية عنوان
أجعل من خمرك هذيان حتى الأدمان
أشرب من كأسك وأرتوي الحب والحنان
أقبل ملابسك صورتك ذكرياتك بسرحان
أحبك ... فوق السحاب أكتبهـا
أحبك ... على حبات الرمال أنقشهـا
أحبك ... على الأمواج أرسمها
أحبك ... وسط الأمطار أحكيهـا
أحبك ... يا من أجله أبيع الدنيا وما فيها
أحبك ... وأمضي في تحديهـا
هناك 71 تعليقًا:
يا من حميتك بالصدر من حبات المطر
اتذكرينى بعد ما فات
اتذكرى حبك والذكريات
فانا استحق ان ابحث عنكى طوال حياتى لتكونى دائما بجوارى
مرموره
بصى يا ستى انا عجبنى قوى الكلمات دى
جمييييييييييييييييله
أتحدى كلماتي من بين السطور
أتحدى مفردات حبي في شتى العصور
على صفحات أوراقي البيضاوية
بلهجة بدائية
تكوم فوق شمس استوائية
تشع عشـقٍ حراريـة
كخيوط حبـاً ذهبية
ترسم بها جسر مخملي
يتبعه إدمان علني
تحياتى يا قمر
زوزو
سيدي يا سييييدي
أيه الجمال ده
بصي مادامت القهوه تأثيراتها بهذا الشكل
فقصيدتك تعتبر دعايه ممتازه للإكثار من تناولها
وأيه اللي دخل خارطة الطريق في الموضوع
مراحت خلاص وراح أيامها
وبطلنا نسمع كلام عنها
ههههه جميله يا ريم
دمتي بكل خير
السلام عليكم
أحيك علي كلماتك
رائعة كلماتك
حين تدنو منها الجفون
ويبقي الحب يتحدي كل السطور
ويعيش بالقوة ويئن من الفتور
ويسري بين البحور
مولود منذ عصور
،،،
لم يرتبط حبك بالشتاء ومطره فقط
بل تعداه الي حرارة الشمس الاستوائية
ولم تختفي بين خرير الماء وهطول المطر
ذابت الكلمات بين شفتيك
وانصهرت المعاني بين يديك
وليته يعلم
فكل هذا يصل اليه كرسول
أحبك ... فوق السحاب أكتبهـا
أحبك ... على حبات الرمال أنقشهـا
أحبك ... على الأمواج أرسمها
أحبك ... وسط الأمطار أحكيهـا
أحبك ... يا من أجله أبيع الدنيا وما فيها
أحبك ... وأمضي في تحديهـا
رائعة
تحياتي
romansy :
كلماتك جميلة ورقيقه زي مدونتك بالظبط
ربنا يوفقك يا رومانسي ونسمع اخبار حلوة عنك قريبااااا
ونسبنا من الي فات ونفتح مع نفسنا صفحه جديده نسميها صفحه
"زعل بعد النهارده مفيش" هههههههه
نورتني
***********************************
zainab :
امال انا معجبتنيش ليه !! هههههه
نورتيني يا زوزو وعايزاكي انتي كمان تتحدي نفسك وحبك وتبدي حياة جديده
تحياتي
ahmed_k :
طب تاخدلك ماج معايا ؟؟ ههههههههههه
شفت الناس اللي بتشرب قهوة بن زياده في ماج دي
هقولك ليه خارطه الطرق استخدمتها في الخاطره دي
عشان انا وصفت نفسي بوصف عديد اوي
سرحان هيمان ادمان
وكل دول أثروا عليا ومخلونيش اعرف
اميز بين اي كلمة وكلمه تانيه
فأكيد مش هعرف اميز الطرقات والشوارع
فحبيت استخدم الخارطة عشان اثبات مقنع اني بجد سرحانة
اعملك ماج ولا ايه ؟
مع ريم هتسمع اللي عمرك ما سمعتوا بس اوعى تغير البلوج ههههههههههههه
وادي تاني دعايه لروتانا
هبطل التدوين وادخل مجال الدعايه واييييييييييييه
تالت دعايه لشعبولا
خلاص نبطل دعايات واشكرك على كلامك الجميل يا احمد ولله
نورتني كعادتك
hasona :
طب انا اشيل البوست واحط تعليقك مكانه بجد
تعليقك شرح كل البوست من اوله لاخره بس نسيت حاجة صغيره
احيانا كتير الحلم اللي بنتخيله ونكتبه بيبقى حقيقه وبيرسو زي السفينه على شاطئ قلوبنا وحبنا
تعليقك جميل وكلامه وشرحه اجمل
نفسي اعرف انت ليه مش عامل بلوج انا بشجعك على الخطوة دي لانه هيبقى بلوج ناجح جداااااا
تمنياتي لك بالتوفيق
اقبل وجهك الالاف المرا
وارى وجهك فى الطرقات
يا ربى يا ربى ايه ده
اتنا حبيت على روحى من عذوبة وجمال كلماتك يا مرمر
القصيده من اروع واجمل وارق ما يكون
مرمر بجد انا استمتعت استمتعت فعلا وانا بقرا الكلمات الجميله دى
لا انا دوبت مش استمتعت بس
ده انتى مبدعه يا مرموره
يا حبيبتى تسلم روحك ودايما مبدعه كده علطول
أحبك ... يا من أجله أبيع الدنيا وما فيها
أحبك ... وأمضي في تحديهـا
انه اقصى الحب
ان نتحدى العالم من اجل من نحب
حين نجد ان الحب يغنينا عن ما سواه من ما حولنا
فهو اجمل الحب
تحياتى دوما
ياه
السطور كلها متسارعة ومتدفقة ومتتالية بشكل بيدل على إن للي بيكتب كن جواه شحنة كبيرة جدا وبالتالي ظهر ده في تصاعد الأبيات من أول البوست لآخره
أنا حتى توقعت إن الخاتمة يكون فيها هدوء لكنها برضه كانت متصاعدة .. أخدت 6 سطور لوحدها
انتى يا حبيبتى جوه قلبى غلاوتك وربنا عالم ..يعنى يا مرمر..
..هل جزاء الاحسان الا الاحسان..
واحده بتحبنى الحب ده كله فى الله ومبادلهاش حب واهتمام وغلاوه اكتر من ما بتكنهالى
والله يا مرمر انا بترعش من كلامك الجميل ليا وحبك الواضح فيه وبقول يا ربى انا عملت ايه عشان بنوته رقيقه زى مرمر تحبنى كده
بس بحمد ربنا على حبك وعلى معرفتك ولعلمك اى لقاء قريب هدخل ادعيكى ليه وسواء دراسه او غيرها لازم تحضرى لانى نفسى اشوفك وانا يا ستى اليى هوصلك لحد باب البيت كمان
ربنا يديم الحب فيه يا مرموره وميحرمنيش من حبك الصادق واشوفك على خير وتدوم محبتنا لما نعجز ولو مت قبلك تترحمى عليا وتقريلى الفاتحه
والله العظيم بحبك يشكل اكتر مما بتحبينى كمان
إيه القوه الموجوده ديه مشاعر جياشه شكلها كانت محبوسه من زمــــان وإتفتح لها الخروج
ربطى حياة الطبيعه مع حياتنا أو حياتك و.....
بجد مش عارف أقول إيه بس مينفعش نغير القهوله لنسكافيه علشان بحبه
السلام عليكم
ما اجمل الحب في عالمنا هذا فهو متعة المخلوقات الادمية
كلام جميل ...بس يا ريت تغيرى الصورة اللى موجوده فى كل ردودك
أحبك ... فوق السحاب أكتبهـا
أحبك ... على حبات الرمال أنقشهـا
أحبك ... على الأمواج أرسمها
أحبك ... وسط الأمطار أحكيهـا
أحبك ... يا من أجله أبيع الدنيا وما فيها
أحبك ... وأمضي في تحديهـا
************
الله الله اللله ابدعتىىىىىىىىىىىى
طب يعنى وبعدين معاكى ؟؟؟
طب أنا أعمل ايه وأقول ايه بعد كلامك الرائع الحالم الملىء بالحب دة ؟؟؟
مش هأقول جميلة ومش هأقول تحفة ومش هأقول تجنن
بس هأقول انها مشاعر حقيقية وصادقة وحساسة قوى
وحشتينى يا قمرة ، باى
كلمات جميلة ودافئة
معنديش حاجة أقولها غير إن فعلا إحساس راقي وترجمتيه لمعاني وكلمات هايلة
سلمت يداكي
تحياتي
mahasen saber :
سنسن القمرررررر هناااا وانا اقول ايه النور اللي جه ده اول ما دخلت المدونه يا حبيبة قلبي يا ميسووو يا قمر انتي القصيده كلها تحت امرك هيا والبلوج بحاله ويارب بجد تكون الكلمات البسيطه دي فرحت قلبك الجميل اللي بيحب كل الناس لانه قلب طاهر ونضيف وطيب يا احلى ميسو ولله بجد
كفايه وجودك هنا عليا بيخليني اكتب اكتر عشان تيجي بيتك التاني "مدونتي" كتيييييير
خلي بالك من نفسك يا اجمل ميسوو في الدنيا
لا اله الا الله
الازهري :
الحب اجمل شعور في الدنيا كلها بيخلينا اسعد ناس مع كل اللي حوالينا وبنتحدى نفسنا وبنتحدى حياتنا اننا هنعمل كل حاجة للحبيب ولكل اللي بنحبهم في حياتنا
نورتني واسعدني تواصلك الطيب
دمت في حفظ الرحمن
*********************************
المراكبي :
يمكن عشان كان نفسي اطلع كل اللي في قلبي من كلام ومشاعر واحاسيس بسرعه خياليه وكان في كلام كتير نفسي اكتبه بس لقيت ان الموضوع هيطول والطول من اهم العناصر اللي بيفقد النص بريقه ولمعانه والخاتمه لو كنت اقدر اخليها ستين سطر مكنتش هقصر بجد
نورتني كعادتك يا مراكبي
تحياتي
mahasen saber :
الكلام الحلو ده كله ليا ؟؟!
راجعي كده الكلام يمكن ميكونش ليا وغلطتي يا ميسو بصي انا هستعبط واعمل نفسي عبيطه واعتبره ليا
انتي عملتي كل حاجة يا ميسو ولله عشان تخليني احبك واحترمك واكنلك كل المشاعر الطيبه الرقيقه زي قلبك وجرأتك وشجاعتك وطيبة قلبك واحترامك وحبك لكل الناس وجدعنتك مع كل الناس
انتي اللي ملاك ولله يا ميسووو وقلبك اطيب قلب قابلته وعرفته وكلامك انتي اللي بيخليني اترعش من نقاوته واخلاصه ورقته زي قلبك وزيك بجد ولله العظيم وانا اول ما هنزل مصر ان شاء الله هزن عليكي عشان تيجي ونتقابل واسهرك في اجمل مناطق القاهره واخليكي تنسى اي معاناه مريتي بيها وعيشتها حتى لو كانت لثواني كده ورميناها ورا ضهرنا
ومش هنسى بيرو حبيب قلبي احلى المصاصات والشوكولاتات اللي هنا
ويارب يديكي العمر كله يا ميسو لحد ما تبقى احلى جده زي ما انتي احلى ام
امال مين اللي هيجوز بيرو وعيال بيرو غيرك يا ميسو يعني
ربنا يخليكي ليا يا اجمل بنوته في الدنيا يا ام قلب طيب يا عسل انتي
انا مش بعاكس خالص هههههههههههه
انا بوصفك وبوصف قلبك ولله
خلي بالك من نفسك
لا اله الا الله
أعشق في الليل ضوء القمر :
كل انسان مننا في مشاعر جواه محبوسه والوقت المانسب بس اللي بيحاول يطلع جزء منها ولو حتى جزء بسيط بس عشان يريح قلبه وحبه من الكتمان
نغير القهوة والنسكافيه ونخليهم شاي احسن عشان الصحة
تشرب شاي بالياسمين ؟؟ :d
دمت بخير
***********************************
son's egypt :
وعليكم السلام ورحمه الله وبركاته
الحب سلاح ذو حدين يجعلنا عمي البصيره احيانا ليتنا نستخدم هذا الشعور في كل ما هو طيب فيما حولنا
تحياتي
*********************************
kalamfady :
اسمحلي اعلق على تعليقك رغم طوله اللامعقول انا اقدر اغير البلوج كله بما فيه واغير دمي واغير دنيتي بس الصورة متهيألي صعب شوية او شويتين تلاته لارتباطي بها ارتباط غير معقول
تحياتي
كيــــــارا :
ياريت كلنا نحب بعض ونحب اللي حوالينا ونحب نفسنا عشان نقدر نحب ونخلص ونعيش حياتنا في اخلاص وطيبه
نورتيني يا كيارا
**********************************
صدى الصمت :
حبيبتي واختي الكبيره اللي مطنشاني ومش بتسأل عليا رورو القمر
اعمل ايه انا فيكي قوليلي انتي ؟
مش عارفه تفضيلي يا سكرة كده شوية ميروو واخداكي مننا ولا ايه ههههههههههه الف الف مبروك على نجاحها ويارب عقبال الفستان الابيض
كلامك انتي اللي حلو يا قمر ولله
الانسان يا رورو من غير حب زي الشجر من غير ميا بيبقى دبلان وميت
ياريت نقدر نحب صح ونخلص في حبنا ومشاعرنا عشان نعيش اجمل حياه
وحشاني اكترر بكتير يا جميلة
خلي بالك من نفسك وسلميلي على ميروو وقوليلها مبروووك يا ست البنات
لا اله الا الله
**********************************
ولد مصري :
تسلم انت على تعليقك الجميل ورأيك الاجمل يا مصري وياريت تفهم معنى كلامي في مدونتك صح وبلاش الحساسيه دي
نورتني يا مصري يا ابن بلدي
دمت في حفظ الرحمن .
هو مين المحظوظ دا
كلمات جميله ومعبره
تسلم ايدك يا مرمر
غربتي
مرموره....
كلماتك جميله عزيزتي..
...
دمتي بخير
أحبك ... وأمضي في تحديهـا
أهم حاجة دى يا مرمر
انك تتحدى الدنيا كلها علشان حبك
و اللى هيكون حبه أضعف من انه يتحدى
يبقى ماحبش
جميلة أوى أوى القصيدة
تحياتى :)
ghorbty :
حياتنا واخلاصنا ونفسنا وقلبنا هما المحظوظين لو حبينا في الله واخلصنا في حبنا للانسان اللي حبيناه بجد
ساعتها هنكون احنا المحظوظين
تحياتي ليكي
***********************************
نهــــار :
ربنا يخليكي يا جميله على ذوقك العالي وكلامك وتعليقك
نورتيني
***********************************
dr_samarmar :
لو تحدينا العالم كله عشان انسان اكيد هنوصله ونوصل لحبه لازم يكون في تحدي واخلاص في حبنا عشان ربنا يكرمنا
نورتيني
دمتي بخير
معلش انا قولت كلام جميل ايون تعليق قصير بس عبر عن كل اللى حسيته ما بعرفش اتكلم كتير..على العموم الكلام جامد
kalamfady :
لا ولا يهمك البلوج بلوجك والبيت بيتك بس مش البرنامج لا البلوج ههههههههه
نورتني
Oh my god
بجد مش عارف اعلق الكملمات وهمية ومع اغنية فيروز
جو رومانسى وشاعرى بطريقة فظيعة انا كل شوية اقرا وكل اما الاغنية تسكت بسيبها تشتغل تانى
بوست رائع
تحياتى
اول زيارة ليه بمدونتك
بس بجد تدوينتة جميلة والبوست الحلو لان اسلوبك كويس جدا
دومتى بخير يا مرمر
hossam :
اهلا بحسام اخويا الصغير ربنا يخليك على كلامك الجميل وذوقك الاجمل
البلوج والبوست كله تحت امرك يا باشا
دورت ملقتش اجمل من صوت فيروز احطه في البلوج كنت هحط تامر حسني بس كتير قالولي لا بلاش قرف هههههههههه
نورتني يا جميل
*********************************
Heba Sayed :
اهلا بهبه الجميله يارب متكونش اخر مره زياره ومرسي على كلامك الجميل
دمتي بكل خير
حسنا.. تأثرك بنزار قبانى لا تخطئه عين يا صديقتى, كما ان الشعر أكثر قليلا من محاولات جعل القصيدة موزونة عن طريق السجع فى الكلمات
أعتقد انك بحاجة لقراءة المزيد والمزيد, وايضا للمزيد من الكتابة, فى الحقيقة لم اشعر بها اطلاقا
حازم سويلم :
في الحقيقه نقدك اللاذع ادهشني ليس غرورا لا لسمح الله ولكن جميع اراء المدونين ومنهم الكثير عمالقه في الكتابه اشادوا بالثناء وأبدوا اعجابهم على تلك المدونه
حسنا .. أفهم من رأيك أنك لم تشعر بكلمات الخاطره
"للناس اراء واذواق"
أعدك بكتابه نص فني المره المقبله تكون بطلته فتاه جميله لعلك تشعر به هذه المره
وإن لم ,, فهذا هو رأيك وقد تقبلته بسعه صدر والمره القادمه سوف اكثر من اضافه التوابل والليمون لخاطرتي حتى تشعر به هههه
مرمر يا حبيبتى
الله يبارك فيكى و عقبالك يا قلبى
روحى المدونه بتاعتى هتلاقى البوست مامسحتوش ولا حاجه حتى هتلاقى ناس علقت
تحياتى
سيدى يا سيدى
يا مرمر والله انت ييجى منك وممكن تكون شاعره كويسه
كلمات حالمه رومانسيه
ماشى يا ستى
على حبات الرمال ماشى
على الشواطئ برضه ماشه
والانهار كمان ما فيش مشكله
ربنا يرزقك بالحبيب اللى يقدر العواطف دى كلهاوالاحساسيس دى كمان
تحياتى
بجد روووووووووووووووووووووووووووووووووووووووووعة موت
واحساسك عالى قوى
انا مش عارفة اعلق بحاجة لانى غرقانة فى كلماتك الجميلة
تقبلى تحياتى
دمتى مبدعة ياقمر
لو ده التنفيس
هيكون الوصف شكله إيه
بجد بتشوقينى كلامك وتعليقك
يا الله عليكى
المشكلة إنى مابأقدرش أمسك لسانى عن إنى أعاكسك دايماً وبتلاقينى بأغمز وأحط نقط وحركات كدة ههههههه
ميرسى قوى يا مرمر يا حبيبتى على أحلى وأول تهنئة فى عيد الحب يارب يديم المحبة بينا على طول
ومعلش التحية جت متأخرة عشان المدارس بدأت ومرمر الصغيرة بتاخدنى منك غصب عنى
لما ربنا يكرمك وتجيبى أطفال هتحسى قد ايه أنا مشغولة وهتقدرى ليه أنا بأتأخر دايماً عليكى
تحياتى يا قمرة
zainab :
الف الف الف مبرووووك يا جميله التدوين يارب يكملك فرحتك على خير وعقبال الفرح يارب واكون جمبك عشان اخد الورد بس نياهاهاهاهااااا
اصلي مخلصه ورد البلد خدت ورد اختي في فرحها وخدت ورد مرات بنت عمي ههههههههههههههههه
مبرووووك تاني وتالت والف يا قمررره
تصدقي يوم جميل الفلانتين وخطوبة بجد
احلى مناسبتين
ربنا يتمم على خير
عمي فيشو الجميل
ربنا يخليك ليا على كلام حضرتك الكتييير اوي عليا
واعرف حاجة صغنتوته يا عمي لو نزلت كتاب او فكرت جد في الموضوع صدقني هيكون ردك الجميل ده من اولى الاسباب لانك طيب جدا وكلامك اطيب من حضرتك
شوفت بقى الرومانسيه يا عمي ههههههههههههههه
رمل ونهر وامطار وتلج وشمس وحراره
يعني من الصيف للشتا هههههههههه
نورتني يا استاذ التدوين
**********************************
أميره الجنه:
صدقتي في اختيار اسم لك لانك بالفعل أميره على عرش التدوين في كلماتك واحاسيسك وتعليقاتك ومشاعرك أميره
كلامك حلو يا ميرووو اوي
دمتي راقيه يا حبيبتي
مرمر
مرموووور
أولا آسفة على التأخير
ثانيا بجد رااااااااائعة يا مرمرتى
احساس صادق
مشاعر فياضة
أتمنى أن تسعدى بقرب من اخترتيه
وان تكون حياتكما مليئة بالصفاء و التفاهم و الحب و الرضا
دمتى بود
بجد كلمات عجبتنى جدا سلمت يداك
تحياتى
احمد الشاعر
ايه ده
ممكن اسال سؤال
انتى بتجيبى الكلام ده منييييييييين
مش ممكن بجد
قصيده طويله بس جميله اوى اوى اوى اوى
خيالك واسع اوى ايه ده
انطقى
قولى
اتكلمى
ازاى بتعرفى تكتبى الكلام ده
مش بقولك انا هعتزل التدوين زى ما اعتزلت الحب
ههههههههههه
تحياتى ليكى يا سكر
Soul.o0o.Whisper :
حبيبتي الرقيقه اهلا بيكي في أي وقتك بيتك التاني مفتوحلك دايما
ربنا يخليكي على كلامك الرقيق ومشاعرك الارق وتعليقك الجميل يا حبيبتي
صدقيني الاهم من الحب هو الاخلاص الاحترام يكون عنوان حياتنا وحبنا
نورتيني كالعاده
تحياتي
**********************************
elsha3er :
تسلم على التعليق الجميل يا شاعرنا
منور البلوج
دمت في حفظ الله
ريمان :
ايه يا بت مالك ؟؟
كلام ايه يا عسسسل هههههههههههههههه
الخاطره جننتك ولا ايه يا بت
هقولك بجيب الكلام منين بس سر بيني وبينك قربي قربي ودنك عشان محدش يسمع
"من قلبي ولله ولله" هووووووش
اوعى حد يكون سمعنا هههههههههههههههه
يا ريمان يا سكرة التدوين الكلام لما بيطلع من القلب بيوصل للقلب اهم حاجة تكتبي الكلام من قلبك ومشاعرك واحساسك وتكتبي كل اللي بتحسي بيه عشان الكل يحسوا بيه
صدقيني هو ده المكان اللي بجيب منه الكلام من قلبي وبس
صحيح نسيتيني ابهدلك شوية
تسمحيلي؟؟
اياكي ثم اياكي ثم اياكي
اياكي الرابعه هطلقك
تكتبي حاجة كده ولا كده هه هه هه
فهمااااااني يا منيله
اكتبي كلام حب ورومانسيه عشان متعتزليش الحب تاني لانك لو اعتزلتي الحب هتعتزلي حياتك وهتبقى جحيم بجد
تحياتي يا ريمووووووووووووووووووو
انا بس جيت أقولك ان الشكل الجديد للمدونة تحفة بجد
ولو إنك نسيتى تردى على تعليقى الأخير ورديتى على كل الناس
بطلى تسهرى تعدى النجوم عشان عملتلك توهان
سلام يا قمر
أعشق في الليل ضوء القمر :
ربنا يخليك يارب على كلامك وتعليقك الجميل والكتيير عليا بجد
الكلام بيطلع من قلبي وبكتبه زي ما هو من غير اي تذويق او اي حاجة تانيه ولله العظيم
والحمدلله انه وصلكم احساسي والمعنى المقصود عكس ناس قالت انه الكلام مش مفهوم وملهوش معنى وانهم محسوش بيه خالص .. بشكرك جدا على كلامك يا باشا
نورت المدونه
**********************************
صدى الصمت :
رورو الجميله اللي منوراني في كل بوست وبتزيد المدونه جمال بتعليقاتها ومعاكستها ليا ههههههههههههههه
ربنا يخليلك مرمر وتفرحي بيها قريب وانا عارفه بجد اد ايه انتي مشغوله كل سنة وانتي طيبه يا جمييييلة
اية دة التعليقات هنا ببلاش ولا اية؟؟
عموما ياستى مبرووووووووووووووووووك
على الشكل الجديد دة واختيارك للصور
احساسك حلو اوى**
أحبك ... فوق السحاب أكتبهـا
أحبك ... على حبات الرمال أنقشهـا
أحبك ... على الأمواج أرسمها
أحبك ... وسط الأمطار أحكيهـا
أحبك ... يا من أجله أبيع الدنيا وما فيها
أحبك ... وأمضي في تحديهـا
*********************
مش عارفة شكلك عايزة تتحسدى منى؟؟
عوووووووووووووو
وحشتيييييييييييييييييينيييييييي مووووووووووووووووووووووووت
يابت يامرمر تسدئي والله ماكنت بفتح الايميل بتاعي
بس ايه يا عم الكلام الجامد دا
ايه الابداع دا
لا لا لا مش مسدئه مرمر اللي يشوفك وانتي روشه كدا ميقولش البت دي شاعريه وفنانه
~~~~~~
دمت بكل ود وغلاسه
تحياتي(:
الذئبــــــه الكبننــــه
كيكي :
شوفتي بقى عامله عرض تعلقي تعليقين واحصلي على التعليق الرابع مجانا
وبطلي قر وحسد شوية ارحمي نفسك يعني
عينك اشتكت من الحسد
خفي علينا طيب
عموما
الله يبارك فيكي يختي
سلام
ينصحنا الامام محمد متولى الشعراوى بقرأة هذا الدعاء للوقاية من الحسد:-
اللهم انك قد أقدرت بعض خلقك على السحر والشر ولكنك احتفظت لذاتك باذن الضر فأعوذ بما احتفظت به مما أقدرت عليه بحق قولك (وما هم بضارين به من أحد إلا بإذن الله)
بسمـــــــــــة صــــــلاح :
حبيبتي الغلسه وحشااااااني مووووت
الحمدلله مكنتيش بتفتحي الميل اهو نستريح منك شوية ومن رخامتك وغلاستك
"وش بيطلع لسانه" هههههههههههههههههه
شاعريه مين دي يا بت ؟؟ اللي بناكلها في الشوربه اه اه جميله عارفاها شوربه الشعريه جميله هههههههههههههههه
وحشااااني يا بت يا ذئبه الكبننة
وهرد عليكي عندك على حشريتك وسؤال هه هه يا حشريه ياللي مخك بيروح لبعيد واوهام وخيالات ارجعي ارجعي لمذاكرتك احسن هههههههههههههههه
سلام يا عسسسسسسسسسسسل
مممممممممممممممممممممممممم
منزلة بعد تعليقى وقاية للحسد****
مممممممممممممممممممممممم
دة على اساس اية مش فاهمة!!!!دة يعنى بمناسبة الكلام على الحسد يعنى !!
سلااااااااااام
عووووو
دردشة على الماشي:
حبيبة قلبي مس رودي وحشاني ياجميله وانا عذراكي أكيد ربنا يخليلك التلات قمرات وتفرحي فيهم يااااارب
وانا أول واحده بشكرو قبل اي حد وكل حد لأنو اداني احلى هدية ونعمة من ربنا وهيا الحب
بجد اكبر نعمة في الدنيا انك تلاقي الي حواليكي بيحبوكي والاهم من كل ده انه حبيبك يااااه بجد
لا اله الا الله
*************************
كيكي :
ليه خدتي الكلام عليكي هو انتي بتحسدي ؟؟
ده حتى كلامك بعيد عن اي قر وحسد خالص
عوك معاكي ياختي
;)
كم هى جميلة كلماتك
مبارك على التحديث يا مرمر ياقمورة
دمتى بخير
أعشق في الليل ضوء القمر :
نعععععم ؟؟
***********************************
blue-wave :
مرسي لذوقك ونورتني بأول زياره
تحياتي
**********************************
hebaaaaaaaaa:
الله يبارك فيكي يا حبيبتي مرسي ليكي يا جميله ربنا يبارك فيكي
تحياتي
اتأخرتى علينا منتظرينك
تحياتى
احمد الشاعر
مش فاهم نعععععم ؟؟
تدل على إيه
ما فى رأسى
ولا حاجه ثانيه
elsha3er :
معلش ولله ظروف الدراسه والجامعه والكليه مأخرني شوية بس ان شاء الله هنزل البوست اخر الاسبوع ده بأذنه تعالى
اشكرك على السؤال يا شاعرنا
تحياتي لحضرتك
***********************************
اعشق في الليل ضوء القمر :
تصدق وتأمن بالله اعدت يمكن عشر دقايق اترجم "ما قي رأسي دي" عشان قبلها بديت بالعاميه وحاولت افسر السطر بالعامي مظبطش الا لما عرفت انه لغه عربيه بعد عشر دقايق
بس ما في رأسك صحيح يا عاشق
تحياتي ليك
مرمر الجميله.. تحياتى
انت ديما كدا بتنورى عندى وبتشرفينى بتعليقاتك ..
اشكرك على التعليق
تحياتى
بتفكرى صح
على العموم يا بخته
حبك ... فوق السحاب أكتبهـا
أحبك ... على حبات الرمال أنقشهـا
أحبك ... على الأمواج أرسمها
أحبك ... وسط الأمطار أحكيهـا
أحبك ... يا من أجله أبيع الدنيا وما فيها
أحبك ... وأمضي في تحديهـ
ايه الجمال دا كله
كلماتك عذبة بعذوبتك يالغلاا
بهنيكي على مدونتك الرائعة
بالتوفيق حبيبتي
مرمر واليى مبيعرفش يعمل تيمبلت يعمل ايه
وحشششششششششششششششششششششتيييينى يا جميله
اخبارك ايه يا رقيقه
اعتبرينى عملتلك تمبلت اتفقنا
امممممممممممممموه لروحك الحلوه وقلبك الطيب
واليى يعرفك يجيبلك حته من القمر مش تمبلت بس
انتى من ارق واجمل واطيب وارقى البشر نفسا فى الدنيا دى بحالها
ومن اجمل الناس اليى قابلتها روحانيا فى حياتى
ربنا يباركلك فى روحك الجميله دى
ويحبب فيكى خلقه يا بنتى
وضفينى على الميل لو تفضلتى عشان عايزه اتكلم معاكى واتطمن عليكى
عاشقه الرومانسيه :
ما هو انتي ياختي لو متابعه البلوج من زمان كنتي عرفت اني نبهت محدش يقول كده غيرررري انا بس
يلا مش مشكله المرادي انذار المره الجيا طررررررررررررررررد
واحتمال اخليكي تعتزلي الكورة اقصد التدوين "وش بيطلع لسانه"
تحياتي ليكي
**********************************
fashkool:
عمي فيشو الجميل حضرتك اللي بتنورني في المدونة ولله وبتفائل بحضرتك جدا وتعليقاتك ومواضيعك اللي اجمل من بعضها بجد
لك مني خالص التحيات
**********************************
أعشق في الليل ضوء القمر :
اممممممممممممممم
بدينا قرررررر بقى ولا ايه النظام !!
عل عموم
يابختي انا الف مره ومره
يا حظي يا سعيد يا هنايا
°ˆ~*¤®§(*§ نـــوارة §*)§®¤*~ˆ° ° :
اهلا بيكي حبيبتي في أول زياره ليكي
نورتيني في مدونتي المتواضعه واشكرك على تعليقك الجميل يا نواره
وياريت كل الناس ترفع شعار الحب والاخلاص والتحدي من اجل الحبيب
نورتيني
**********************************
mahasen saber :
ميسووووووو الجميله اللي غايبه عني وحششششتيني يا سكره انتي
اللي ميعرفش يعمل تيمبليت يتعمله احلى واجمل تيمبليت أأمري بس يا قمر
وانا اجبلك حاج التيمبليت لحد عندك
يارب تكوني بخير وسعاده يا ارق ميسو
وكلامك ده كتير عليا جدااااااااا ولله
انتي اللي اجمل وارق البشر وكفايه روحك الطيبه وقلبك الابيض الجميل الطاهر ده اللي بيحب كل الناس
انتي فيكي صفات مش موجوده عند اي امرأه في الدنيا دي
قوه اراده عزيمه صبر حب اخلاص موهبه
ذكاء طيبه اخلاق ادب
بجد فيكي كل حاجة جميله يا ميسووو
ومن عيووووني يا ست الكل هضيف الميل عشان ارغي معاكي يا سكره
خلي بالك من نفسك ومن بيرو وسلميلي عليه موووووووت وقوليله ريم اول ما هتيجي هتجبلك شوكولاتات كتيييييييره
لا اله الا الله
السلام عليكم ورحمة الله... وبعد
فقد سعدت بزيارتك لمدونتى.. وأسعد أكثر بدوام التواصل...
أقول بصراحة ...أحب النقد أكثر مما أحب الثناء... فإن النقد يبنى ويصحح أما الثناء فإنه قد يغر ويشعر بالكمال فتبدأ النهاية.
يا سلام لو قليل من الواقعية مع الرومانسية !!
دمت بخير وعافية
السلام عليكم ورحمة الله وبركاته...وبعد
فبرجاء التنبيه... والتنويه....على الزائرين الكرام الذين يكتبون التعليقات القيمة..أنهم عند مخاطبة الإناث يكتبون:
شكرا "لكى"
"دمتى" بخير
"جزاكى" الله خيرا
والصحيح أنها تكتب بغير"ياء".
ويفرق بين خطاب الإناث وخطاب الذكور بالحركات،
فتوضع الفتحة على نهاية الكلمة عند مخاطبة الذكور فنقول: "لكَ"، "دمتَ"، "جزاكَ".. اضغط ضSHIFT+
وتوضع الكسرة على نهاية الكلمة عند مخاطبة الإناث فنقول: "لكِ"، "دمتِ"، "جزاكِ"..اضغط شSHIFT+
هذا من باب حب اللغة العربية والغيرة عليها...
"واللى مش بيغير.. يبقى مش بيحب"
مع الاعتذار للفصحى
وتقبلوا شكرى وتحياتى
إرسال تعليق