الاثنين، 26 أكتوبر، 2009

صور عاريـة

حب الدنيا والتلذذ بهذه الدار الفانيه
ما هيا الا صوره عاريه من الفهم الصحيح لما يجب ان يكون عليه الانسان
نسيان الوالدين وعقوقهم ونسيان طاعتهم ورحمتهم
ما هيا الا صوره عاريه من الاخلاص والود والوفاء
السعي في الفساد ليلا ونهارا واكل حقوق الاخرين
ما هيا الا صوره عاريه من مخافه الله عز وجل والخوف من عقابه
ترك الصلاه وعدم التعبد لله وحده
صوره عاريه من عدم الخوف منه والحذر من عظيم سطوته وشديد انتقامه
تجاهل دمعه طفل بكى على أخذ أصفر وأتفه الاشياء لديه
صوره عاريه من رقه القلب والاحساس بالاخريين
صديق مقرب لك عاتبك في يوم وزعلت منه زعل شديد وقررت عدم مكالمته
صوره عاريه من التسامح والاخلاص والعفو عند المقدره
كلمه من اربع حروف "أحبـــك" قالتها لك حبيبتك وتجاهلتها فكان الفراق هو مصيركم صوره عاريه من رقه القلب والاهتمام والخوف على حبكم
كلمه احبك يا امي تقولها كل يوم 21 مارس
صوره عاريه من رضا الام والرقه في التعامل معها والحنيه عليها
كلمه احبك يا امي تقولها عندما تأخد المال منه
صوره عاريه من رضا الاب والرقه في التعامل معه والحنيه عليه
....
صور عارية من الوفاء ورد الجميل فهل جزاء الإحسان إلا الإحسان !!
فهنيئا لكم هذه الحجارة التي تحملون بين أضلاعكم وتسمونها القلوب!! هنيئا لكم

هناك 8 تعليقات:

romansy يقول...

والله يا ريمووووو كلامك صح
كله
بس نتمنى من ربنا ان يهدينا للطريق المستقيم ويهدينا لما فيه الخير
دايما يارب

mohamed ghalia يقول...

معاكى حق
الدنيا كتير بتشغلنا فعلا
محتاجين وقفة
ربنا يسعدك دايما

ريمان يقول...

السلام عليكم


يالهوى يا مرمر


انا اول ما شوفت عنوان البوست فى الريدر قولت ايه ده البت مرمر جرالها ايه صور عاريه ايه دى اللى حطاها فى البوست

وقعدت افكر وافكر ادخل ولا مدخلش



قولت لاء مرمر بت محترمه اوى وانا عارفاها من زمان مش معقول تكون حاطه فعلا صور عاريه



وفعلا دخلت يا قمر ولاقيت بوست حلو اوى


كنا فعلا كلنا محتاجينه




وجه فى وقته بجد



تحياتى ليكى حبيبتى

mimi يقول...

مرمر القمرة بجد البوست جميل اوي وعندك حق فى الكلام اللى بتقوليه وربنا يصلح احوالنا والمهم طمنينى عليكى عاملة ايه وايه اخبارك في المزاكرة ويارب تكونى بخير دايما مسنياكى تطمنينى عليكى يا قمرة سلام

mahasen saber يقول...

فعلا يا مرمر كل ده صور عاريه لارواح فارغه تتمسك بالهوى وتهوى به الى النهايه

دايما فيه جمل فى كل ما تكتبين يا مرموره

صدى الصمت - عاشقة الورد - يقول...

آآآآآه
قولى كدة يا شيخة
أنا قولت برضة البت مرمر جرى لها إية من بعد مارجعت من السفر
ههههههه
نتكلم جد بقى
فعلاً عندك حق مواقف كتير بنعملها فى حياتنا وبتكون خالية من أى صدق أو حب حقيقى أو إخلاص وبتكون أغلبها تملق أو خداع للآخرين أو مصالح
ياريت نحب من قلبنا ونتمنى الخير لكل الناس
وحشتينى موووووت

miroooo يقول...

السلام عليكم
اول مره ازورك يا مرمر بس مش هتكون اخر مره وبالنسبه للبوست فهو مهم جدا وكمان بيتكلم عن حاجات بتحصل كتير اوى فى الدنيا فى ناس كتير قلوبها ماتت اصلا ربنا يحنن قلوبنا كلنا يارب اتمنى تزورينى دمتى بكل الخير

سمكه واحده يقول...

يارب يهدينا للطريق المستقيم يا مرمر
اذيك ياجميل
اخبراتك
والله ليكي وحشه يابنتي
ربنا يسعدك ويكرمك
جزاكي الله كل خير

About Me

صورتي
تقدروا تقولوا بنوتة متواضعه بحب كل الناس مجنونه و عاقله حزينه وفرحانة طفله وكبيرة طيبه وشريرة فيا كل الصفات بس اولهم واخرهم رومانسية وحالمة وده عشان بحب ابتسامه كل حد. وبحب اشوف ضحكه اي طفل وفرحتو على وشوا وضحكه اي ست على وشها بحب اشوف الفرحه في عيون الناس بحب اضحك اي حد مضايق واسمع همومه يحكيلي واحكيلو .