الأربعاء، 5 أغسطس، 2009

أزواج مقطوعة عن الخدمة




أزواج نـــص كــم
=================

أعتدت عند دخولي منزل الزوجية على شكله المريح نفسيا والمهدئ للأعصاب كحبوب أنفرانيــل
ولكن لم يستمر الأمر طويلا ... فقد كانت بضعة شهور كفيلة أن تغير زوجي


"ايه اللي انت مهببـو في البيت ده يا محمد وبعدين من امتى بتلبس سلسله في رقبتك ان شاء الله ؟ "
"سيبك من السلسله دلوقتي خالص وبعدين امال انا متجوزك ليه ؟ مش عشان تظبطي وتمسحي وتكنسي وتغسلي وتطبخي
وتنضفي وتلمعي وتأمعي " وتــ وتــ وتــ .....

"ومسكت السلسله من رقبته عشان تشوفها لقت حرف الأس عليها وبدأت بالصراخ لكي يخبرها من هيا التي تبدأ بحرف الاس "
"في ايه يا حبيبتي انتي نسيتي ان أم أم جدتي أسمها سميحه ؟ ولا انتي بتحبي المشاكل والخناق بس !! "

فأنصدمت المسكينه من كلام الزوج الجارح الذي يظن إنه سي السيد وطلباته مجابه سواء رضيتم أم أبيتم
فهمت بالخروج من الغرفه اللعينه التي تجمعهما سوى فتعثرت خطواتها "بكانز بيبسي" فألتقطتها وكملت خطواتها
وتعثرت مرة أخرى "فعلبه سجاير من النوع الردئ "
إلى أن وصل به الأمر برمي جميع ملابسه على الارض "قمصانه و تيشرتاته

و بنطوناته وجينزاته بسلطاته ببابا غنوجه"
وأنتهى الشجار على :


"اصل سميره مرات حازم صحبي مبتقوليش لا ابدا على حاجه بطلبها منها "




الرجاله ماتت في حرب أكتوبر

===================

تفاجئت بكلام أختي عندما قالت لي بأنها رأت أحمد خطيبي في الشارع وهو بصحبة أحد الفتايات ممسكاً بيداها
ظننت في بادئ الامر بأنها تريد أختبار غيرتي على خطيبي وأصطنعت البردو الشديد وقلت لها بكل بساطة :

"هتلاقيه واحد تاني شبهه يا حبيبتي"
فأجابت " بقولك مريت من جمبه وشميت ريحه البرفان التقليديه بتاعتو وشوفت الوحمه اللي طالعاله في جبينه "

فبدأت أشعر بالخيانه والغدر وأمسكت بهاتفي النقال وأتصلت به على الفور لأسأله على صحه الأمر فأجابني "
"مين اللي قلك الكلام الفاضي ده يا سوسو ده انا هنا في البيت بذاكر من اول النهار ما طلع
ده حتى الفطار والغدا والعشا مقومتش من مطرحي عليهم
" ده حتى الصبح و الظهر والعصر والمغرب والعشا مقومتش أصليهم من كتر ما انا مندمج في الكتب "
"ده حتى موبايلي من اول اليوم وانا قافله ويدوب يدوب لسه فاتحه عشان أتصل بسمير صحبي اسأله على حاجه في المقرر"

"ده حتى ... وقطع كلامه صوت صديقته بجواره بقولها :

"الحمدلله يا حماده حجزت أخر تذكرتين سينما موجودين أصل الطابور زحمه اوي"



جوازة الندامة وفي العنوسة السلامة
=======================

ظننت في بدايات زواجي بفتى الأحلام بأن حياتنا ستصبح وردية طوال العمر فقد كان أشبه للملاك

وجميع طلباتي قبل أن أطلبها مجابه تماما


"أما انا شوفت حتت فستان النهارده يا حبيبي في المجله يااااه أمنيتي يكون عندي اخوه "

"واخوه ليه بكره الصبح يكون عندك تؤامه والصبح ليه ما احنا فيها ننزل دلوقتي نجيبو يا حبيبتي"


"أما انا النهارده يا حياتي تعبانه اوي ومطبختش حاجه "

"ولا يهمك يا قلبي يعني كنتاكي وهارديز وماكدونالدز وتشيلز راحو فين"


"أما انا نفسي اخرج على النادي اللي كنت بتقابل في انا وصحابي يا حبيبي اوووي "

"لالا يا قلبي أخاف عليكي تخدي نسمه هوا وتتعبي منها خليكي جمبي املي عيوني من جمالك"


" أما انا ...... أما انا ....... أما أنا ......... "



وبعد مرور ثلاثه أشهر

--------

"مطبختيش ليه النهارده يختي هو أنا اشتغل طول النهار عشان أرجع الاقيكي مش طابخه "

"ما انتي دولابك كله فساتين ولا فالحه تصرفي تصرفي تصرفي اه ما انتي متجوزه البنك اللي ابوكي جبهولك "

"الجو النهارده تلج متروحي تخرجي انتي وصحابك على النادي "

هناك 35 تعليقًا:

romansy يقول...

هههههههههههه
ايه الحوارات دى
هو صحيح بيحصل وبيحصل وبيحصل بس برضه ميمنعش ان فيه ناس عايشه حياتها بتفهم بعض وتخاف على بعض
الزوجه لازم تقدر تعب الزوج
والزوج لازم يقدر حب الزوجه وخوفها عليه
الموضوع مشترك بينهم الاتنين

romansy يقول...

ياللى ظلمتوا الحب وقلتوا وعدتوا عليه قلتوا عليه مش عارف إيه
العيب فيكم يا فى حبايبكم أما الحب ياروحى عليه
فى الدنيا ما فيشأبدا أبدا أحلى من الحب
نتعب نغلب نشتكى منه لكن بنحب
ياسلام عالقلب وتنهيده فى وصال وفراق
وشموع الشوق لما يقيدوا ليل المشتاق
يا سلام ع الدنيا وحلاوتها فى عين العشاق
أنا خدنى الحب لقيتنىباحب وأدوب فى الحب وصبح وليل على بابه

يا اللى مليت بالحبحياتى أهدى حياتى إليك
روحى..قلبى..عقلى..حبى كلّى ملك ايديك
صوتك..نظراتك..همساتك شىء مش معقول
شىء خللى الدنيا زهور على طولوشموع على طول
الله ياحبيبى على حبك وهنايا معاك الله يا حبيبى يا حبيبىالله الله
ولا دمعة عين جرحت قلبى ولا قولة آه
ما بقولش فى حبك غيرالله الله يا حبيبى على حبك الله الله
من كتر الحب لقيتنى باحب وأدوب فىالحب وصبح وليل على بابه

لا تـــشـــتــــاق يقول...

ههههههههههههههههههههههههههههههههه
جميل البوست ياقمر تسلم ايدك فعلا دى حقائق بتحصل وجميل طريقتك الكوميديه في سرد الموضوع
دومتى موفقه
تحياتى

طوبة ذهب وطوبة فضة يقول...

a7la 3bara olteha el rgala khlas mato fl7arb ra7o wra7t ayam el gd3na bost gmel tslm aydk bs el lon el akhdar el khafef el anty katba beh awl kol satr msh bayn khals awl zyara wan sha allah msh el akhera

الازهرى يقول...

ياااااه
يا مرمر
انت متفائلة جدا
3 شهور مين بس؟
هم 3 ايام وبالكتير لو الحب واكلهم قوى يبقى 3 أسابيع
إنما أكتر من كده عمرنا ما سمعنا

تحياتى دوما

ريمان يقول...

شر البليه ما يضحك يا مرمر


اه والله بجد


للاسف ده بقى الحال


بس بجد انا عايزه اعرف

هى الناس بتجوز ليه؟


مش عارفه انا والله

بس فعلا هما الرجاله ماتوا فى حرب اكتوبر


بح خلاص معادش فى رجاله


بس يعنى برضه فى قليل جدا شعان مش نظلم الرجاله الكويسين بس هما نادرين اوى فى الزمن ده للاسف

عاشقة الأحزان يقول...

السلام عليكم


حوار تحفه والله معاكى حق يا اختشى ربنا يستر

علينا

هههههههههههههههههه

كل سنه وانتى طيبه ووحشتنى كتير قووى

mohamed ghalia يقول...

ههههههههههههههههههههههه
عقدتتينا فى الجواز يابنتى
ربنا يستر
ههههههههههههههههههههههه

mimi يقول...

مرمر القمر وحشانى كتييييييييير وايه الغيبة الطويلة دى وبجد البوست تحفة ومضحك وطبعا انا معاكى ان فى رجالة مابيقدروش تعب الزوجة وخصوصا فى الزمن ده بس نرجع ونقول مش كلهم صوابعك مش زى بعضهاواكيد في الوحش وفي الكويس وابقى طمنينى عليكى وعلى اخبارك كلها.سلام

فشكووول يقول...

مرموره الحلوه السنيوره

السلام عليكم

فعلا يا مرموره الرجاله خلصوا من ايام حرب اكتوبر ما فاضلش منهم غيرى انا وبس

اصل الحياه لازم تمشى شويه كدا وشويه كدا بس خدى بالك الرجاله بتستغل الزوجات اللى بيغيروا زياده عن اللزوم وبيشتغلوهم

تحياتى مرموره

اعشق فى الليل ضوء القمر يقول...

انا مش فاهم
ايه الكلام الكبير ده صحيح فيه نوعيه من الزيجات بتكون كده
لكن فيه نوعيه تانيه ناجحه وبيكون ليهم تأثير بس احنا مش بنحب نبص إلا لكل ما هو غير طبيعى و بنعممها
الموضوع فى الأول و الأخر بيتوقف على الاختيار صح ولا اختيار خطأ وكله من الجنسين
بس الرجاله بس مش بتحب تتكلم علشان ميكونش شكلها وحش (وش بيغمز)
أنت هتخلينى افكر تانى و ثالث و رابع لو فكرت أتكلم أو أفكر إنى اتجوز تانى
تقبلى مرورى

يا مراكبي يقول...

Before marriage....

He: Yes. At last. It was so hard to wait.

She: Do you want me to leave?

He: No! Don't even think about it.

She: Do you love me?

He: Of course! Over and over!

She: Have you ever cheated on me?

He: No! Why are you even asking?

She: Will you kiss me?

He: Every chance I get.

She: Will you hit me?

He: Are you crazy! I'm not that kind of person!

She: Can I trust you?

He: Yes.

She: Darling!

After marriage....

Simply read from bottom to top!

ههههههه

تصبحوا على خير

صدى الصمت - عاشقة الورد - يقول...

هههههههههه
جميلة قوى القصص دى يا مرمر
بس ربنا يبعد عنا الأنواع دى من الأزواج
***********
تحياتى لأحلى مرمر فى الدنيا

MaNoO يقول...

ههههههههههههه عشان كدا طول عمرى اقول ان الجواز دا صفقة فاشلةواللى يمضى على عقد الجواز يبقى بيمضى على عقد تعاسته وزى ما الرجالة كدا برده بلاش تخلونا نتكلم على اللى بيعملوه الستات وخلو الطابق مستور وبلاش نفتح على بعض
احم احم انا جامد اوى يعنى ولا يهمنا حاجة واعتبروا دا تهديد علنى (مش أوى يعنى

marmar يقول...

رومانسي :
ما هو لو الزوج ربنا اكرمو بعقل نضيف وده طبعا قليل في الزمن ده الزوجه هترتاح من الحوارات والافلامانات اليوميه بينهم
بس ده طبعا زي ما بيقولو "انت بتحلم يا حلمي " :d

marmar يقول...

رومانسي :
ياريت احنا اللي بنظلم الحب لا ولله بالعكس الحب هو اللي بيظلمنا
وظلمو وحش اوي :(

تحياتي ليك يا جميييييييل

marmar يقول...

لا تشتاق :
انا سعيده جدا بالكلام الحلو ده وسعيده اكتر بزياره حضرتك الاولى لمدونتي ويارب متكونش الاخيره
منوووور

marmar يقول...

طوبه ذهب وطوبه فضه :
ان شاء الله هحاول اغير لون الخط دلوقتي
ويارب متكونش اخر زياره ومرررررسي جدا على ذوقك يا جميييييييييل :)
دمت بكل خيرا

marmar يقول...

الازهري :
طب كويس اوي انك معترف اهو بعمايلكم المهببه وزي ما بيقولو شهد شاهدا من اهلها :d
ده اعتراف صريح من الرجاله انهم مطلعين عين الستات ربنا يعينا عليكم

marmar يقول...

ريمان :
احلى ريمي في الدنيا ازيك يا سكررره
هقولك ليه الناس بتتجوز عشان يا اما بيكونو زهقوا من قعده البيت يا اما عايزين يخرجو وينبسطو وخلاص
مظنش ان في اختيار تالت في الزمن ده
حاجه تقرف يا شيخه :d
وحشتييني اوي يا سكررررره

marmar يقول...

عاشقه الاحزان:
كل الف مليون سنه وانتي بخير يا سكره
عامله ايه يا حبيبتي يارب تكوني بخير
يارب يستر علينا من شر الرجاله يا اختشي احسن انا لو في ايدي افجرهم مش هقول لا خالص مالص :d

marmar يقول...

mohamed ghalia :
اعملكم ايه ما انتو اللي مطلعين عينينا ومبهدلينا ربنا يبهدلكم يارب :p
منووووور يا محمد يا غالي

marmar يقول...

mimi :
حبيبتي السكره ميمي عامله ايه يا خاينه :@ وحشتيني اووووي
يبقى كده اسمع اخبار حلوة عنك واكون اخر واحده تعرف :@:@ :(
زعلانه منننننننننننننننننننك :(
ميه الف مليون مليار مبروووووووووووك
يا حبيبه قلبي ويارب كل ايامك تبقى فرح في فرح وعايزاكي تقوليلي امتى ان شاء الله الخطوبه يا قلبي
وانا لسه زعلانه بقى مليش دعوة وكل الرجاله كده بقى هااااااا :(

marmar يقول...

فشكووول :
عمي فيشووو الجميل ازي حضرتك يارب كل ايامك تبقى حلوة دايما
اكيد طبعا حضرتك الراجل الوحيد اللي موجود في الدونيا محدش يقدر يقولك تلت التلاته كاااااااام
بس ميمنعش بردو ان الرجاله في الزمن ده بقو زي الدولار يوم في الارض ويوم في السما حاجه منيله خالص ولله
منور يا احلى عم فيشوووو

كيــــــــــــارا يقول...

يالهوي مش للدرجه دي امال اهالينا عايشين ازاي

هتعقديييييييييني ليه عاااااااااااا

كدا هاخمثك خالث

mimi يقول...

حبيبتى مراميرو اولا الله يبارك فيكى ياسكر بس انتى سمعتى ايه اخبار عنى النجاح ولا الخطوبة انا خطوبتى كانت يوم الجمعة 31/7 لو زعلانة علشان ماقولتلكيش معلش كنت فعلا مشغولة ومش بشغل النت كتير وقولت لرورو تقولك بس الظاهر كدة مكانتش بتلاقيكى حقك عليا ماتزعليش منى وعقبالك ولا انت مش ناوية بعد اللى انت نشرتيه عايزين نفرح بيكى قريب ونسمع عنك اخبار حلوة ودلوقت انا بقى اللى زعلانة ازاى تقولى كل الرجالة وحشين هما طبعا كلهم بس ماعدا واحد انتى عرفاه ههههههه0سلام لأحلى مرمر

مواطن مصرى نايم يقول...

هههههههههههههههههههههه
جديد عليكى الشكل ده فالكتابة
بس بجد جميل يا مرمر
بس عم فشكول بيقول انهم خلصوا فأكتوبر و مش فاضل غير هو بس
نسى انى انا كمان موجود
:D
و انا مش من الانواع دى الحمدلله
هههههههههههههه

اعشق فى الليل ضوء القمر يقول...

السلام عليكم ورحمه الله وبركاته
تقبل الله منا ومنك
ووفقنا للصالحات فى رمضان و بعده
وجعل عملنا له خالصا متقبلا
كل سنه و انت طيب

ahmed_k يقول...

ههههههههه
أيه المآسي دي كللها
وبصراحه حماده معاه حق ميصليش هو فاضي
بس تلاقيه في مكان مفيهوش جامع تؤ تؤ ظلمناه هههههههه

كل سنه وأنتي طيبه يا مرمر
وبعوده عليكي رمضان بكل الخير والصحه والسعاده
رمضان كريم

الازهرى يقول...

كل سنه وأنت وكل أحبابك فى خير وإيمان وأمان وسلام وطمأنينه

صدى الصمت - عاشقة الورد - يقول...

ايه يا ميرو يا حبيبة قلبى انتى غايبة ليه كتير كدة وأخبارك مقطوعة ؟؟؟؟
عاملة ايه ؟ وماتنشريش جديد ليه بقالك كتيييير
لعل المانع خير
ياريت تطمنينى عليكى
سلام

صدى الصمت - عاشقة الورد - يقول...

كل سنة وانتى بألف خير وصحة وسعادة
ورمضان كريم

MaNoO يقول...

انتى فيييييييين واخبارك ايه ولا الصيام متوهك فى الدنيا طمنينا عليكى ويارب تكونى بخير

mahasen saber يقول...

كل البوست رائع بالذات اخر جمبه ده ايه الحب ده

تخرج فى عز البرد طبعا متخرجش ليه

بس قوليلى هو انتى اتجوزتى قبل كدا ولاا ايه

كتابتك فى البوست ده تحفه ورائعه بجد

mahasen saber يقول...

شهر كريم عليكى يا حبيبتى وعلى كل من تحبين

رمضان كريم

About Me

صورتي
تقدروا تقولوا بنوتة متواضعه بحب كل الناس مجنونه و عاقله حزينه وفرحانة طفله وكبيرة طيبه وشريرة فيا كل الصفات بس اولهم واخرهم رومانسية وحالمة وده عشان بحب ابتسامه كل حد. وبحب اشوف ضحكه اي طفل وفرحتو على وشوا وضحكه اي ست على وشها بحب اشوف الفرحه في عيون الناس بحب اضحك اي حد مضايق واسمع همومه يحكيلي واحكيلو .