سنين الماضي خدعتنا وبلياليها وايامها عودتنا
على حاجات معلومات تفاهات شغلتنا عن بعضنا توهتنا
يا ماضي اصحى وفوق واصحى لدنيتنا
الهم واجع دماغنا دي الايام علمتنا
نكدب ونخدع دي الايام هدتنـا
يا ماضي انكتب الحق عل جبين ونسيناه من وقاحتنا
غفلنا عنه ورميناه ورا ضهرنا دي الناس شجعتنا
ناكل الحق ونغش يمكن بكده الدنيا رجعتنا
لزمن ملهوش أماااان دي الناس بجد صدمتنا
هناك 6 تعليقات:
ناكل الحق ونغش يمكن بكده الدنيا رجعتنا
لزمن ملهوش أماااان دي الناس بجد صدمتنا
الكلام كله تحفة بكل معنى الكلمة ...ودي اكتر حتة عجبتني بجد يا توتة ..فعلا الناس بجد صدمتنا ..دلوقتي الابن بيقتل ابوه والاخ بياكل حق اخوه ومفيش رحمة في قلب حد ..دنيا...فعلا يا قلبي كلامك رائع لدرجة اعجز عن التعبير عنها بالكلام..سلم ايديك يا قمر ..ومستنية جديدك
dr.shiry : الله يسلم قلبك وعمرك كله يا فاكهة البلوج .. حال الدنيا بجد بيصدم الايام دي والزمن الاغبر ده زمن يعجز اللسان عن التعبير عنه بجد ربنا يرحمنا ويرحم جيلنا الي بعدنا ياااااارب من حال الدنيا الفظيييع
ربنا يخليكي ليا ويخليلي ردودك الي بتحمسني اكتر على الرد يا دكتورة شيري الصغنونه . شدي حيلك عشان هاجيلك كمان خمس سنين تظبطيلي سناني ان شاء الله هههههههههه
بجد الناس في الايام دي ملهاش امان والي تفتكرو موسى فعلا بيطلع فرعون
لا فيها صاحب وفي ولا جار قريب حتا الحبيب بقا موجود بصعوبة
والي بيلاقيه بيمسك فيه بايديه وسنانو لانه بجد صعب يعرف يثق او يلاقي حد بسهولة يكون بيحبو بجد ومتأكد انه مش حيخدعو في يوم ..
انا عن نفسي شفت كتير وعلى الصحاب دلوقتي بقيت اعرف اختار لانه اتخدعت كتير ..
any thing's .. need's love:
الخداع مش بس في الصحوبيه صدقيني لو جت على اد الصحوبية هتبقى بسيطه وسهلة دلوقتي بنشوف الخداع في جميع مظاهر الحياه بسم الله مشاء الله الاخت بتخدع والاخ والصاحب والحبيب والاب والام والكل ولله حتى الانسان بقى يخدع نفسه مش عارفه امتى الانسان هيفوق من الغيبوبه اللي هو فيها دي بجد من وقاحتنا بقينا ننسى كل حاجة حتى الحق بقينا ننساه بسهولة شديدة والخداع اللي مريتي بيه يمكن ميجيش واحد من عشره من الخداع اللي مر بيه ملايين وملايين وملايين غيرك الحمدلله على كل شئ..
عندك حق يامرمر
عارف أنا جايه هنا ل يه عشان حاسه كلامك
فعلا بجد احيانا بننصدم بناس وزي ما قلتي بنفتكرها بشر بس بيتضحلنا بعد كده انهم للاسف ميستاهلوش يعيشوا
مش بس غش وكدب لا وخداع وظلم وخيانه وغدر بجد ناس ياااااه عليهم
تعرفي مع انك بتديهم كل حبك وكل ما تملكيه من حنان وحب وعشق وهما بيستغلوا حبك ويكدبوا
بجد ناس ربنا ينتقم منها
منوراني دايما بجد يا زوزو الجميله
ربنا يحميكي
إرسال تعليق