أحلام أنتهت

تدرون انه يرمسني عن الخيانه بس بإي حق يتكلم وهو الي ما صان الامانه

امانه الحب اللي في قلبي اللي سود حياتي ودربي

وااااه لو نرجع مثل زمان اللي حبيته فيه بهالمكان

كان دوم يجي بأحلامي ويسمع صدى الانفاس بأيامي وهي تناديه وتقوله لا تغيب

وكان يبتسم ويقوللها انتي النصيب

الله عليك اي نصيب اللي تترمس عنه خلاص الهجر يه وجته وعن الحب بطلنا

احلام الماضي الخادعه انتهت وحياتي في بعادك ألتهت

كنت دوم أريد أحلم واشتكي على صدرك ما كنت اخاف من شي الا هجرك وصدك

ولو ما تبيني وتبي حياتي وحبي عنك

وما أحد يلومني على اللي هيصير يمكن ما اسوي شي ويمكن أسوي شي كبير

يلعن هالحب اللي خلانا بعاد وحط بنا مسافات وأماد

ما هبكي على شي الا الخداع اللي كانت دوم حياتنا في نزاع

نزاع على الحب اللي ضاع

بس من الحين سكرت قلبي بمفتاح لاني أبي السعاده وبالسعاده دوم أرتاح

لاني أبي أسير في حياتي وأجتاح , أجتاح الحياه من جديد

بس ما تكون انت ولا حبك فيها لان حبك ما يفيد

أبي أسير في هالحياه من جدة وجديد وأقابل حد يعاملني بصدق شديد

لان الصدق هو الباقي للامد الصدق اللي انت ما عرفته ولا شفته أبد

أبي أنساك لحد ما اموت لحد ما ادخل حياتي الجديده واخوض

أخوض فيها لمحه حب حقيقيه لا حب بأوهام وبخياليه

اللي تترمس وتسولف عنه في كل مسرحيه

مسرحياتك الفارغه اللي ما الها اساس ولا الها لا حب ولا احساس

ولا مجرد شي يدخل ويمر في الانفاس

أباك ترحل عني وتغيب لان هذا هو طلبك وهذا هو النصيب...