حب الدنيا والتلذذ بهذه الدار الفانيه
ما هيا الا صوره عاريه من الفهم الصحيح لما يجب ان يكون عليه الانسان
نسيان الوالدين وعقوقهم ونسيان طاعتهم ورحمتهم
ما هيا الا صوره عاريه من الاخلاص والود والوفاء
السعي في الفساد ليلا ونهارا واكل حقوق الاخرين
ما هيا الا صوره عاريه من مخافه الله عز وجل والخوف من عقابه
ترك الصلاه وعدم التعبد لله وحده
صوره عاريه من عدم الخوف منه والحذر من عظيم سطوته وشديد انتقامه
تجاهل دمعه طفل بكى على أخذ أصفر وأتفه الاشياء لديه
صوره عاريه من رقه القلب والاحساس بالاخريين
صديق مقرب لك عاتبك في يوم وزعلت منه زعل شديد وقررت عدم مكالمته
صوره عاريه من التسامح والاخلاص والعفو عند المقدره
كلمه من اربع حروف "أحبـــك" قالتها لك حبيبتك وتجاهلتها فكان الفراق هو مصيركم صوره عاريه من رقه القلب والاهتمام والخوف على حبكم
كلمه احبك يا امي تقولها كل يوم 21 مارس
صوره عاريه من رضا الام والرقه في التعامل معها والحنيه عليها
كلمه احبك يا امي تقولها عندما تأخد المال منه
صوره عاريه من رضا الاب والرقه في التعامل معه والحنيه عليه
....
صور عارية من الوفاء ورد الجميل فهل جزاء الإحسان إلا الإحسان !!
فهنيئا لكم هذه الحجارة التي تحملون بين أضلاعكم وتسمونها القلوب!! هنيئا لكم
هناك 9 تعليقات:
والله يا ريمووووو كلامك صح
كله
بس نتمنى من ربنا ان يهدينا للطريق المستقيم ويهدينا لما فيه الخير
دايما يارب
معاكى حق
الدنيا كتير بتشغلنا فعلا
محتاجين وقفة
ربنا يسعدك دايما
السلام عليكم
يالهوى يا مرمر
انا اول ما شوفت عنوان البوست فى الريدر قولت ايه ده البت مرمر جرالها ايه صور عاريه ايه دى اللى حطاها فى البوست
وقعدت افكر وافكر ادخل ولا مدخلش
قولت لاء مرمر بت محترمه اوى وانا عارفاها من زمان مش معقول تكون حاطه فعلا صور عاريه
وفعلا دخلت يا قمر ولاقيت بوست حلو اوى
كنا فعلا كلنا محتاجينه
وجه فى وقته بجد
تحياتى ليكى حبيبتى
مرمر القمرة بجد البوست جميل اوي وعندك حق فى الكلام اللى بتقوليه وربنا يصلح احوالنا والمهم طمنينى عليكى عاملة ايه وايه اخبارك في المزاكرة ويارب تكونى بخير دايما مسنياكى تطمنينى عليكى يا قمرة سلام
فعلا يا مرمر كل ده صور عاريه لارواح فارغه تتمسك بالهوى وتهوى به الى النهايه
دايما فيه جمل فى كل ما تكتبين يا مرموره
آآآآآه
قولى كدة يا شيخة
أنا قولت برضة البت مرمر جرى لها إية من بعد مارجعت من السفر
ههههههه
نتكلم جد بقى
فعلاً عندك حق مواقف كتير بنعملها فى حياتنا وبتكون خالية من أى صدق أو حب حقيقى أو إخلاص وبتكون أغلبها تملق أو خداع للآخرين أو مصالح
ياريت نحب من قلبنا ونتمنى الخير لكل الناس
وحشتينى موووووت
السلام عليكم
اول مره ازورك يا مرمر بس مش هتكون اخر مره وبالنسبه للبوست فهو مهم جدا وكمان بيتكلم عن حاجات بتحصل كتير اوى فى الدنيا فى ناس كتير قلوبها ماتت اصلا ربنا يحنن قلوبنا كلنا يارب اتمنى تزورينى دمتى بكل الخير
يارب يهدينا للطريق المستقيم يا مرمر
اذيك ياجميل
اخبراتك
والله ليكي وحشه يابنتي
ربنا يسعدك ويكرمك
جزاكي الله كل خير
شركة تخزين اثاث بالرياض
شركة كشف تسربات المياة بالرياض
شركة مكافحة حشرات بالرياض
إرسال تعليق