تحت معطفي تذكرت يداك وهيا تلتف حولي
تشعرني بالدفء في ايام الشتاء
تشعرني بهيمان بحنان بصفاء
شعرت بحرارة الصيف طلبت يداك مره اخرى
فكانت تلك المره أجمل المرات
أسمعتني عذوبة الكلمات
أجمل ما في حبنا انه ليس لديه منطق
أجمل ما في حبنا انه ليس لديه منطق
يسبح في الماء ولا يغرق
يمشي على الطرقات ولا يعرق
لأجلك فقط تعلمت الحب و أخترعته
نقشت العشق على شفاهك وبالقبلة طبعته
سرقت قلبك وفي قلبي خبأته
هذا الحب الذي أنتظرته
حب مختلف عن ما عرفته
عن ما سمعته
عن ما قرأته
عن ما رأيته وتعلمته
حب يعرف للرومانسية عنوان
حب يخلق المعجزات في قلب إنسان
يشعل قلبي كالبركان
كأمواج الطوفان
حب تحدى الأزمان
براءة في عينيه
حنان في يديه
عبير على شفتيه
أرتمي بين زنديه
أخبره بحبي وأنا على كتفيه
يطلب مني الصمت
أشعر بالدفء من جديد وأنا بين يديه
أريد الرجوع إلى أحضانه أريد الرجوع إليه
إلى حضنك أرميني
في البرد دفيني
عانقني وأحميني
حبك الذي يجري في شراييني
في دمي وفي المنام يأتيني
يجعلني امرأه في حبي
يجعلني كالطفلة بين يداك
يجعلني أسرح في عيناك
تذكرت يداك تحت معطفي مجدداً
أخذتهما
قبلتهما
ضممتهما
وبين يداي خبأتهما
لا أزال أتذكر رائحتهما
فقد كانا مثل الأوركيد في عبيرهما
وحدك أنت ورده كل الحريات
وحدك أنت فرعون الكلمات
وحدك أنت أحتاجه في كل الأوقات
وحدك أنت حبيبي اليوم غداً وبعد ألاف السنوات
هناك 53 تعليقًا:
ايه يا بنت يا عسوله انتى الاحاسيس الجميله دى يعنى تسرقى قلب الراجل وتخبيه فى قلبك
طب يا ستى أهو اشعل قلبك كالبركان
وكأمواج الطوفان ..
ويعنى كمان مش حتقدرى على كدا على طول
يا مرموره هذا الحب الجميل وهذا الاحساس المرهف ينبع من صفاء ونقاء وطهارة وبياض قلبك الصغير والذى لا يعرف غير الحب وغير العطاء
اما من ناحية تعليقك وتحميل نفسك مسئوليه ما جرى لى من فارس .. فلا تحملى نفسك اكثر من طاقتك واكيد ما قلته عندك كنت سأقوله فى اى مناسبة اخرى وفى اى مدونه اخرى .. وكان حيحصل حيحصل من اى حد .. اصل الحكايه يا مرموره ان انا ليبرالى ولا احب الديكتاتوريات ولا اى ديكتاتور يتحكم لوحده فى بلد طبقا لعقله هو لا بعقل البلد ورجالاتها ..
تحياتى يا مرمر العزيزه
عمي الطيب فيشووووو :
شفت قلبي يا عمي بيحمل ايه جواه من مشاعر رومانسيه ده انا معرفتش اطلع ربع الكلام حتى من لهفتي وسرعتي في احاسيسي دائما
قلبي مشكلتو يا عمي فيشو بيحب كل الناس ومعرفش ولا اتعود عل الكره ابدا قلبي اتعود على اسعاد جميع من حواليا بجد بقلب طاهر وصافي زي قلب حضرتك بالظبط او ربع قلب حضرتك الطيب
وانا فعلا بتأسف لحضرتك لو كان نقد فارس جاء من ورا كلامي وتعليقاتي
يا عمي حضرتك راجل محترم وزي العسل والكل بيحبك لقلبك الطيب وروحك الطيبه بعيدا عن كونك ليبرالي وتكره الديكتاتوريه التي اعتبرها فن من فنون تعب القلب في زمن تجب فيه الديمقراطيه وتغلب على اهل الشعب التفكير بقلبهم لا بعقلهم
عمي فيشو رأيك وكلامك جميل بعيدا عن ناصر وبعيد عن اي سياسه خااااااالص
دمت طيبا وبخير يا عمي
طيب اقول انا ايه بقى على الكلام الحلو ده
وحدك أنت حبيبي اليوم غداً وبعد ألاف السنوات
حب يطول ويتحدى الزمن
الا فليصمت قائل ان الحب فناء
لم يكن الحب يوما غى الدهماء
لم يكن الحب تسلية للفقراء
الحب نماء
ينتشر حثيثا يملأ كل الأنحاء
الحب صفاء
يشعلنا من داخلنا فيكون الدفء فى ليل شتاء
لمن تكتبين
لملاك ام لبشر فكم تمنى كل عاشق على وجه الارض ان يسمع ذلك الكلام من محبوبه ومن عاش له طوال عمره
مرمر
كلماتك جميله قوى غلبتى رومانسى والله
حب يعرف للرومانسية عنوان
حب يخلق المعجزات في قلب إنسان
يشعل قلبي كالبركان
كأمواج الطوفان
حب تحدى الأزمان
روووووووووووووعه بجد حركتني من جوايا بجد
كلماتك إستوقفتنى وقرأتها أكثر من مرة
(أجمل ما فى الحب أن يكون بلا منطق أو قواعد تحددة
لأ بجد تجنن وبتقولى عليا أنا ال رومانسية ؟!!!
أمال انتى تبقى ايه بقى بعد الكلام الأكثر من رائع دة
ربنا يسعدك ويديم عليكى المحبة وخدى بالك انتى كمان من عيون الناس وبطلى تكتبى فى الحب
هههههههههه
سلام يا قمرة
الأزهري :
الحب عمره فعلا ما كان فناء لان طالما قلبنا بينبض يبقى لسه في حب بيحركنا
وبيشعلنا نار الغيره والاخلاص والعشق بداخلنا ..
أشكر إطرائك الجميل يا أزهري
دمت في حفظ الله
**********************************
romansy :
أنا بكتب عشان قلبي اللي بيقلي اكتبي قلبي اللي بيديني كل المشاعر دي كلها والاحاسيس عشان اكتب بيهم
غلبتك ايه بس يا رومانسي هو احنا اهلي وزمالك بس بما اني اهلاويه بالروح بالدم فسته صفر بقى
"وش بيطلع لسانه"
دمت رومانسيا بكل خير ..
كيـــــارا :
الحب فعلا لازم عشان يكون صادق وحقيقي يتحدى كل الأزمان ويتحدى اي انسان في اي وقت في اي مكان لان الحب ده اكبر نعمه ربنا سبحانه وتعالى ادهالنا
انا الكلام كله حركني يا كيارا عشان طالع من قلبي ومن جوا جوا قلبي كمان
تحيااااااااتي ليكي
صدى الصمت :
مقدرش ابطل اكتب عن الحب يا رورو طول ما قلبي بينبض وطول ما انا لسه حية لان الحب ده بيجري جوانا كلنا وبيجري جوا دمنا صعب نقدر نبطل نتكلم عنه ونكتب عنه كتب ومجلات وخواطر او حتى قصايد على ادنا كده
انا اجي جمب بحر الرومانسيه والعطاء والاخلاص ايه بس يا رورو "وش بيغمز"
ربنا يديم عليكي حب كل الناس وحب من احببته دائما والى الابد
منوراني فين ما بروح ..
انا سعيدة جدا لانى اول مرة ازورمدونتك وان شاءالله مش اخر مرة انا حبيت اقولك الكلمات بجد جميلة جدااااااااااواحساسك رائع وربنا يديم عليكي الحب والسعادةومزيدامن التالق في كتاباتك القادمةانا مش عارفة هتعرفينى ولالاانا اخت دردشةعلى الماشى وصدى الصمت مع خالص تحياتى
مرمرتى
بجد راااااائعة
ايه دا يا بنتى ؟؟
على فكرة اعملى حقوق طبع
كدا ما ينفعش
هههههههههههههههههه
بجد كلمات رائعة
و احاسيس صادقة
ربنا يديم عليكى الحب
و يرزقك باللى يقدره
سلام يا جميل
ما شاء الله
بالفعل يا ريم إستمتعت بكلماتك إنهارده جدا
فموسيقاها جميله وسهله
أدام ربنا عليكي الحب الطاهر دوما
أريد أن أنتقي من الكلمات والجمل ما شد إنتباهي أكثر فوجدتهم كثر
فآثرت التنويه بالعموم
لأن العموم يستحق
تقبلي خالص تحياتي
كلماتك زى روحك من اجمل وارق
ما يكون
استمتعت بكمية الحب والرومانسيه اليى فيها
لسه جايه حالا من اجتماع مع المدونيين من اجمل اجمل اجمل واروع ما يكون يا مرمر
ان شاء اللله لما تنزلى مصر لازم تحضرى لقاء معانا عشان تتعرفى على البشر الراقيه والرائعه دى
مرمر حبيبتى على فكرة أنا كنت جايه بس عشان أقولك و حشتينى و الله لكن اتفاجئت ببوست جديد بس ايه تحفه و روعه
بجد جنااااااااااااااااااااااااااااان يهبل و يسحر
ايه الروعه دى يا مرمر
مش عارفه بجد ايه ده كله
حسيته قوى يا مرمر
تحياتى
مرمر الجميله
انا قرأتها تانى و جيت عشان أقولك بجد روعه
ايه الإحساس الافظيع ده بجد قمة الرومانسيه
أخبره بحبي وأنا على كتفيه
يطلب مني الصمت
أشعر بالدفء من جديد وأنا بين يديه
أريد الرجوع إلى أحضانه أريد الرجوع إليه
إلى حضنك أرميني
في البرد دفيني
عانقني وأحميني
حبك الذي يجري في شراييني
في دمي وفي المنام يأتيني
يجعلني امرأه في حبي
يجعلني كالطفلة بين يداك
يجعلني أسرح في عيناك
تذكرت يداك تحت معطفي مجدداً
أخذتهما
قبلتهما
ضممتهما
وبين يداي خبأتهما
لا أزال أتذكر رائحتهما
تحياتى لقلمك المبدع و لإحساسك الرائع
mimi :
حبيبتي ميمي الدلوعه الصغنتوته الجميله كلامك انتي وقلبك وتعليقك اجمل الف مره من البوست بجد
شدي حيلك بقى وعايزين نعمل بلوج يكسر الدنيا ااااه رورو و رودي ومراكبي مش احسن مننا يعني
هههههههههههههههه
انا سعيده جدا جدا بزيارتك الجميله دي يا ست البنات يا مرمر
ربنا يسعدك وينجحك في دراستك
اسعدني تواصلك وتعليقك الجميل
دمتي بكل خير
***********************************
Soul.o0o.Whisper :
حقوق ليه يعني يا شيخه خلي الشعب يعيش ههههههههههههههههه
تعليقك هو اللي جميل يا سول بجد
ربنا يقربك من اللي بتحبيهم وينور قلبك يا جميله التدوين
اشكرك على الدعا الحلو ده يا سول
دمتي بكل حب يا حبيبتي
ahmed _k :
دايما بتخجلني بتعليقك الرائع يا احمد وكلامك اللي كتير على البوست بجد
انا الحمدلله بكتب كل الكلام من قلبي عشان كده بيوصل لقلوبكم كلكم
ربنا يبارك فيك يا احمد
ويكتر كل محبينك وحبايبك يااااااارب
سعدت جدا جدا جدا بتواصلك معايا وتعليقاتك الاكثر بكثير من رائعه
دمت بكل احترام وخير في حفظ الرحمن
mahasen saber :
ميسووو روحك هيا الطيبه والجميله عشان كده شافت البوست والكلام حلويين لان قلبك هو الجميل بجد يا ميسووو
ربنا يديم عليكي حب بيرو وحب كل المدونيين وكل اللي تعرفيهم لانك انسانه تستاهلي كل خير واحترام
وحشششتيني يا ميسووووووووووووو ياللي النت بتاعك مش عارفه اعمل في ايه هنتحررررررررر منو
"وش بيعيط"
mahasen saber :
لا بقى انتوا كده بضايقوني انا عايزة اااااااااااااااااااااااااااجي
هعيييييييييييط بقى
عايزة اشوفك واشوفهم كلهم بجد
غيظيني غيظيني يا ميسووو اوكي
هنزل مصر وهعد على قلوبكم بقى
"وش بيطلع لسانه وفرحان فيكم"
ههههههههههههههه
هاااااااااااانت
تحياتي ليكي يا سكرة
zainab :
زوزتي حبيبتي وحششششااااااني يا جميله
كلامك انتي اللي جميل زي قلبك بجد
وقلبك الطاهر والابيض ده لازم يطلع كلام ابيض زيه بجد يا زوزو
البوست اقل من العادي بس عشان عينيك الجميله شافتوا حلو فلازم يبقى حلو بنظرهم
كلامك اخجلني بالفعل يا زوزو
ربنا يسعدك ويريح بالك ويديم الحب والسعاده عليكي يارب يا أحلى زوزتي
دمتي في حفظ ورعايه الله
اختك مرمر
حب يعرف للرومانسية عنوان
حب يخلق المعجزات في قلب إنسان
يشعل قلبي كالبركان
كأمواج الطوفان
حب تحدى الأزمان
حركتى مشاعرى اللى مش بتهدى يابنوته ياجميله
عندى سؤال من زماااان نفسى اسئله لكى
ليه يامرمر صورة العجوزه دى وانتى كلك على بعضك يادوب 19 سنه؟
بجد والله جميلة جدا جدا كلمات فى غاية العذوبة والاحساس
تحياتى لقلمك
احمد الشاعر
السلام عليكم
الحب قمة اللامنطق
عاشقه الرومانسيه :
اهلا بمنبع الرومانسية يا جميلة
ادام حركت مشاعرك يبقى الكلام وصل لقلبك وده المطلوب اما بقى ليه انا حطا الصور دي كلها بتاعت الستات العواجيز فده عشان انا بعشق وبمووووت في حاجة اسمها
"ابتسامه على وجه العجوز"
يا الله لو تعرفني اد ايه بتريح قلبي تلك الابتسامه على وشوشهم او على وشووش الاطفال بس على العواجيز اكتر لاني بحس بأحاسيس غريبه اوي بحس ان برغم كل معاناتهم وتعبهم وألمهم بيفرحوا للدنيا ويضحكهولها قمه الامل اللي في الدنيا عندهم
دي ملهاش علاقه بعمري خالص يا رورو
بجد انا بحب بلوجي عشانهم وعشان صورهم وعشان تعليقاتكم انتو كمان
وصل المعنى يا رومانسيه
دمتي بكل ود ومحبه..
elsh3er :
ربنا يخليك على كلامك وتعليقك الجميل
ده كتير على البوست المتواضع ده
تسلم يا شاعرنا
دمت برعايه الله وحفظه
***********************************
hasona :
وعليكم السلام ورحمه الله وبركاته
بالنسبه لتعريفك لمعنى كلمه الحب
فأنت اخطأت الهدف وتعريفك يكاد يشبه تعريف الحب من طرف واحد
في هذا انا معك "حب قمة اللامنطق"
اما حبي واللذي أظنك لا تعرف معنى تلك الكلمه جيدا فهو حب خالص تعلوه كلمه الاخلاص وتتوسطه كلمه الاحترام وتنهيه كلمه حب الى الابد
تحياتي لقلمك اللامنطقي
السلام عليكم
حبيبي
وحدك أراه بين جواتحي
وحدك أحضته بين ضلوعي
وحدك أحرسه بقلبي
يجمعنا حلم واحد
الله عليكي
ايه الرقة والجمال والاحساس المرهف ده
كلام جميل جدا جدا
اما عن المدونة فعلا من احسن المدونات اللي شفتها من حيث الذوق والرقة وتناسق الالوان
وانت كمان واحشة مصر قوييييي
شكلها باظت
انظر حولك
د. خالد عزب
hasona :
وعليكم السلام ورحمه الله وبركاته
كلمات جميله ولكنها تحتوي على العديد
من الاخطاء الأملائيه التي تفقد الكلمات بريقها ولمعانها
أنصحك بأن تظبط ايقاع قلمك
وتوضح معنى كلماتك لأنها ليست مفهومه
تحياتي
daktara :
اخجلتم تواضعنا يا ريس "وش مكسوف"
الكلمات اذا طلعت من القلب هتوصل للقلب والحمدلله انها وصلت معناها واحساسها لجميع من قرأها
تسلم على كلامك الجميل واطرائك الاجمل
ولزيارتك الاولى لمدونتي المتواضعه ويارب متكونش الاخيره يا دكتور
دمت في حفظ ورعايه الرحمن
مرمر
واضح من تعليقك الاخير
انك مش متابعه المدونه بتاعتى كويس
او انك بتثبتى حضور وبس
ابقى اقرى البوست اللى عنوانه حكايه غرامى وانتى تفهمى قصدى
marmar يقول...
عاشقه انا مختلطش عليا الامر ولا حاجة انا البوست اللي فات مقرتهوش اصلا ومش رديت عليه لو تلاحظي يعني اني مردتش عليه
عشان انتي بتنزلي بوستات بسرعه وانا ملحقتش ارد
واظن اخر صفه تقدري تحطيها فيا اني مش بقرا البوست واثبت حضور وخلاص زي كتييييييير ما بيعملو لان الحمدلله الصفه دي مش فيا
يعني شكلك بتحبي العربي كتير والفلسفه بالزات
عل عموم حصل خير
ورحم الله والدك واسكنه فسيح جناته
اللهم اجعلنا ممن يمشي على الصراط سريعاً ، فينجو من حرها ولهبها إلى جنات النعيم،ولا
تجعلنا ممن يزحف على الصراط،ثم يهوي فيها برحمتك ياأرحم الراحمـــــــــــــــــــــــين..
marmar
اسفه جداااا جداااا
لو كنت ضايقتك او كتبت لك بطريقه تبان منها انى عصبيه
بس انتى جيتى على جرح مفتوح وضغطى جامد
سامحينى يااختى
اسفه بجد
حبيبتي اعذري دودو لان الموضوع دا صعب ولما انتي قلتي ربنا يشفيه دا سبب لها الم نفسي وعشان كدا انفعلت في الرد عليكي
بس والله هي طيبه وانا بحبك وبحبها ومش احب يبقي في اي سؤ تفاهم
كل سنه وانتم طيبين
عاشقه الرومانسيه :
تصدقي وتأمني بالله انتي تعليقك ده واللي قبله خلاني ادمع جامد لسببين الاول عشان انا فعلا ولله العظيم بقرا كل حرف فكل بوست ليكي ولكل اللي بعلق عندهم حتى اللي مش بيقرو بوستاتي كامله بقرالهم بردو والسبب التاني اني حسيت اني انا ضايقتك بطريقه غير مقصوده ولله العظيم
انا اللي بطلب منك تسامحيني يا حبيبتي لاني بجد بحبك في الله ومش بحب اي حد يزعل مني ولا بحبك تزعلي ابدا
• اللهم اغفر ( لوالدك) وارحمه , وعافه واعف عنه , وأكرم نزله ووسع مدخله , واغسله بالماء والثلج والبرد ونقه من الذنوب والخطايا كما ينقى الثوب الأبيض من الدنس, اللهم جازه بالحسنات إحسانا وبالسيئات عفوا وغفرانا , اللهم عبدك أن كان محسنا فزد في حسناته وأن كان مسيئا فتجاوز اللهم عن إساءته, اللهم افتح أبواب السماء لروحه وأبواب رحمتك وأبواب جنتك أجمعين برحمتك ياأرحم الراحمين, اللهم هذا عبدك خرج من روح الدنيا وسعتها , ومحبوه وأحباؤه فيها إلي ظلمة القبر وماهو لاقيه , كان يشهد أن لا إله إلا الله وأن محمد عبدك ورسولك وأنت أعلم به , اللهم يمن كتابه , وهون حسابه , ولين ترابه , وألهمه حسن جوابه , وطيب ثراه وأكرم مثواه واجعل الجنة مستقره ومأواه.
اللهم امين يارب العالمين
كيـــــارا :
انا عارفه يا كيكي اني انا الغلط عشان مقرتش البوست اللي فات بسبب شوية مشاغل عندي
وبتشكر رحبه صدرك وطيبتك العاليه
ومفيش اي سوء تفاهم خالص
احنا كلنا اخوات وحبايب واصحاب
ونقف جمب بعض في الشده ونفرح لبعض في الفرح لاننا ولاد بلد وهما دول الشعب المصري الاصيل
دمتي بكل ود واحترام
الحمد لله ان مفيش سوء تفاهم بينا
والله غصب عنى سامحينى ياقلبى
بحبك بجد
السلام عليكم
marmar
في تعليقي الاول عندما
كتبت عن أن الحب قمة اللامنطق
قصدت أنه لا يمكن توجيه الحب
ولا يمكن توقع ما بين الحبيبين
الي أين سيحلقي في السما
وفي أي مكان يحطا بأحلامهما
لا منطق في أفعالهم وتصرفاتهم
لم يكن تعريفا بقدر أن يكون حال أغلب المحبين
لا تخضع لتفسير ولا عقل
انه عالم بين القلب والقلب
فقد جانبك الصواب في فهم ما أردت
،،،،
أما التعليق الثاني
أشكرك علي التوجيه
وأسف علي ما به من أخطاء املائية
التسرع في الكتابة عندما لا أملك الوقت( الوقت الضيق) تكون هذه النتيجة
أخطاء وعدم فهم للنسق والمضمون
كتبت كلمات معدودة من وسط ما أحببت أن أكتب
وبسرعة لأتذكرها عند عودتي
وأكملها
تحياتي
عدنا
حبيبي تجمعت فيك كل الخصال
وبقربك أشعر بكل الفصول
يذوب جليد حياتي بلمستك
ويهتز كياني بهمستك
حبيبي
وحدك أراه بين جوانحي
وحدك أحضنه بين ضلوعي
وحدك أحرسه بقلبي وفي قلبي
أنت في القلب نبضي
وأنت في الشريان دمي
وأنت في الروح غذائي
أنت في الظلمة يقيني
منك أتعلم المعاني الجديدة للحب
أقرأها بشفتيك
أحسها بقلبك الذي بين أضلعي
حبيبي حين أنطقها تغار مني الحروف
لأننا نضيف كل يوم معني جديد
حبيبي حين تلمسني
أشعر بالدفء من جديد
وأنا بين يديك أريد الرجوع إلى أحضانك أريد الرجوع إليك
حبيبي يسود الصمت حتي يصبح لغتنا
فأتذكر الشتاء
فأعيد الكرة من جديد
فأهمس ليديك وأناديها
فتجيبني مسرعة الي
بحنين تصهرني
فأذوب بين راحتيك
حبيبي
وحدك أنت أحتاجه في كل الأوقات
وحدك أنت حبيبي بالامس واليوم وغداً
حتي في منامي
أنام ليجمعنا حلم واحد
وأراك في تفاصيلي
تحياتي
عاشقه الرومانسيه :
يا حبيبتي مفيش اي حاجة حصلت خاااااالص وانا مقدره انك مضايقه وقلبك تاعبك وبطلب منك طلب واحد بس
تفكري في اللي جي تفكري وتخططي في حياتك واوعي تزعلي يا حبيبتي لان الزعل مش هيرجع اي حاجة انتي ادعي واصبري وان شاء الله ربنا هيريح قلبك
اللهم ارحمنا جميعا يا رحمن يارحيم
بحبك في الله
hasona :
وعليكم السلام ورحمه الله تعالى وبركاته
هو فعلا وصفك للحب لا منطقي بردو يا فندن لان الحب اهم نقطه بتميزه وبتخليه حب ناجح يكون من مصدرين
العقل ثم القلب
انا اختلف معاك في وجهة نظرك
لان الحب اللي يخرج من قلب فقط بدون العقل سوف يكون مؤقتا وفترته سوف تنتهي يعني سوف تنتهي
ولازم الحب يكون له تفسير ومنطق وناخده بعقلنا قبل قلبنا عشان يكمل على خير وعلى نهاية سعيده
اما النقطه الثانيه
لا يهم الاخطاء الاملائيه اذا كانت على وجه السرعه اهم من هذا هو
معنى الكلمات اللتي ذكرتها لانها بالفعل كلمات جميله
بارك الله فيك وفي قلمك
hasona :
حبيبي حين أنطقها تغار مني الحروف
لأننا نضيف كل يوم معني جديد
احلى ما في الحب اننا كل يوم بالفعل بنضيفله معنى جديد وكلمه اجمل وارق
في معناها وفي وصفها واحساسها
ويمكن حروفي مش بتغير مني اوي لاني اشعر في حبي اتجاه حبيبي انني كالطفله الخجوله استحي في وصف حبي له
واكفي بقول احبك واحتاجك بقربي
ولكنني اظنها لا تكفي ولا توصف بعشره في المئه من حبي الابدي له
دام الله علينا هذه النعمة للأبد
وصفت خاطرتي بكلمات جميله تكاد تشبه كلماتي الي درجه لا معقوله ولكن الاسلوب يختلف والوصف واحد
فضولي أعرف لماذا لا تتجه الى التدوين
فلديك قلم ناجح وتفكير انجح
انصحك بالاتجاه فورا الى الكتابه فالكتابه هي غذاء الروح لنا جميعنا
دمت في رعايه الله
أنا أول مره أزور مدونتك وبجد أستوقفتنى كلماتك الجميله جدا وأحساسك الرقيق المرهف أنا كنت سعيد وانا أقرا الكلمات . سعيد بجد. ديما فى مزيدمن الحب والسعاده والتألق.
الاخت العزيزة marmar
السلام عليكم ورحمة الله وبركاته
فى يوم ميلاد المصطفى صلى الله عليه وسلم ادعو الله لى ولك بالخير وجميع اهلك ومن تحبين بالسعادة والسرور
لك تحياتى والسلام عليكم ، ولا سلام مع اليهود
السلام عليكم
مرمر القمرررررر
ازيك حبيبتى
كل سنه وانتى طيبه بمناسبه المولد النبوى
يبدو انى اتاخرت عليكى
بس كنت تعبانه معلش اعذرينى بقه
المهم ان البوست ده جميل اوى اوى
جو البوست ماشى اوى مع جو الشتا ده
لا بجد روعه
وجميل اوى الاحساس ده
خليتينى اعيش فى عالم تانى
كل سنه وانتي بالف خير
اللهم صلي علي سيدنا محمد وعلي اله وصحبه وسلم
اكثروا من الصلاه علي حبيبنا محمد صلي الله عليه وسلم انهارده اقل حاجه نعملها
اللهم ارزقنا حبه
تحياتي ليكي يا مرمر يا عسل
بجد هايل
كلماتك كلها إحساس
دمتى فى سعادة
المرموره العزيزه .. تحياتى
كل سنه وانت طيبه وتكونى السنه الجايه فى الف خير وسعاده
دمت بكل الخير
وعجبي :
ربنا يخليك يارب على كلماتك الجميله والرقيقه دي واحساسي طالع من قلبي والحمدلله انه وصل لكل اللي قروه وحبوه لقلبهم
كل سنه وانت طيب يارب
***********************************
Beram ElMasry :
كل سنه وحضرتك طيب يارب وبخير ويعوده عليك يوم مولد النبوي الكريم بالخير والبركه ياااارب
خالص تحياتي
ريمان :
وعليكم السلام ورحمه الله وبركاته
يااااااااااااااااه انتي لسه فاكره تردي يا ريمي ده انتي جيتي متأخر بوستين اهو يلا مش مشكله يا جميله ربنا يكون في عونك
كل سنه وانتي طيبه وبخير وبسعاده دايما ياااارب وحبيبنا صلى الله عليه وسلم يكون في منامك كل يوم ياااارب
دمتي بكل خير
***********************************
سمكه واحده :
سموووووووووووووووووووكة فينك يا شقيه كل ده يارب تكوني تمام يارب
كل سنه وانتي طيبه يا حبيبتي
اللهم صلي على حبيبنا محمد صلي الله عليه وسلم ياارب
دمتي بكل خير يا حبيبتي
mohamed ghalia :
ربنا يكرمك يارب ويقربك من الطريق الصح والسعاده دايما
كل سنه وانت طيب يا محمد
دمت في رعايه الله
fashkool :
عمي الطيب كل سنه وحضرتك بخير يارب
ربنا يخليك لكل الشعب البلوجري يا عمي ولكل الاسره الكريمه
كل سنه وحضرتك طيب
وحدك أنت ورده كل الحريات
وحدك أنت فرعون الكلمات
وحدك أنت أحتاجه في كل الأوقات
وحدك أنت حبيبي اليوم غداً وبعد ألاف السنوات
اهنئيك على المشاعر الحلوه
والعاطفه اللي عندك
بس كان عندي ملاحظه
ياريت لو تكتبي بخط كبير
عشان يكون النص اوضح
وشكرا لك
إرسال تعليق