مش عارفه اقول ايه ولا ابتدي منين ولا اعيط ولا اسكت وخلاص بس كل اللي اقدر اقولو انكم بجد
هتوحشووووني جدا
وكل حته فيكي يا بلدي هتوحشني زحمتك ودوشتك وروحك وشعبك وكل حاجه فيكي بجد هتوحشني اوي لحد ما ربنا يسهل واشوفك
في نص السنه او في اخر السنه الجيا بأذن الله :( بجد انا زعلانه اوي وحسا اني خلالالالالالالالالالالالالالالاص
هرتكب جريمه في اي حد اشوفو قدامي كلهم بيقولولي اني بدلع وبحب مصر زياده عن اللزوم
وانها متستحقش الحب ده كلو بس عايزه اقولهم طب لو متستحقش الحب ده كلو مين اللي يستحق بس ؟ :(
انا مسافره في طياره بكره الساعه 11 الصبح بأذن واحد احد وهرجع للدراسه والغم والنكد
وربنا يستر لاني متأخره عل دراسه اسبوعين وشكلي في الضياااااااااااااااااااااااااااااااااااااع خالص
بس هعمل ايه كلو فداكي يلا بلادي وعلى رأي اللي قال يا بلادي يا بلادي يا احلى البلاد يا بلاااااااااااااااااااادي ..
بجد بحبكم جدا جدا جدا ومش عارفه هدخل تاني امتى بس ان شاء الله هدخل من الجامعه اول ما اروح
عشان النت اكيد اتقطع من عندنا يلا بقى طولت عليكم ووجعت دماغكم
بس اعرفو حاجه واحده انكم كلكم في قلبي وكل واحد له مكانه خاصه في قلبي
هناك 8 تعليقات:
ترجعى بالف سلامه للدراسه
وبإذن الله تعالى نفرح كلنا بالنتيجه
ويبقى احلى تقدير
مش بحب لحظه الوداع بس اللى اقدر اقوله
توصلى بالسلامه يا ريمووووووو
لا نكد ولا حاجة
ربنا يسعد ايامك كلها يا قمر
وهتبقى حلوة ان شاء الله
ترجعى بالسلامة وخليكى متأكدة انك فى بالى وقلبى
هتوحشينى لحد ما تيجى
اتمنى لك ايام سعيدة
يا حبيبة قلبى يا قمراية هتوحشينى موووووووووت يا شقية
هستناكى تدخلى نت تانى أول ما تسمح ظروفك وإنشاءالله ترجعى مصر تانى السنة الجاية بألف سلامة
لا لا متفكريش فى الوداع فكرى انك ان شاء الله ترجعى السنة الجاية وبالنجاح كمان وحبك لبلدك عكره ماكان عيب انتى روحك مصرية وهو دا اللى بقيلنا منا لبلد الروح نفسها شدى حيلك فى المذاكرة ونتقابل فى نجاحك بقى ان شاء الله
طيب بما انى متأخرة
يبقى اقول طمنينى عليك و يارب تكونى بخير
^_^
وحشانى قوى على فكرة و وحشانى الرخامه بقى مش فى حد ارخم عليه ولا يرخم عليا
عاااااااااااااااا
اتصرفى بقى و تعالى تانى معانا ياوحشة انتى بقالك كتير قوى مش موجوده
v_v
تروحى وترجعى بالف سلامه يا مرمر والامارات بلد عربى جميل واهله طيبين ومن اقرب الشعوب فى طيبيتها للمصريين يعنى انتى مش متغربه جامد برضه
بس انا زعلانه منك جدا جدا وبجد فعلا زعلانه نزلتى مصر ولاا عرفتينى ولاا قولتيلى عشان ااقابلك
مش كنا متفقين اشوفك لما تنزلى كدا يا مرمر حد قالك عليا بعض ولاا ايه
انا زعلاننننننننننننننننننننه جدا جدا جدا وبس
هلا بالبنوتة الرقيقة وعاشقة بلادي
أولا شكرا بجد علي زيارتك لمدونتي
وأتمني خواطري اللي كاتبها تعجبك يا مرمر
وبالنسبة لتعليقك
فراق الخديعة أو الخيانة أو النفاق هو ده اللي ممكن فعلا مش نزعل عليه
لكن فراق القدر زي ما في خاطرتي هو ده بجد اللي نزعل ونفضل في حزن عشانه
ومرة تانية بشكرك علي زيارتك وأتمني دوام الصداقة
إرسال تعليق