نظرية الحب

المعنى الوحيد للحب الطاهر هو الاحترام هتقولولي لا الاحساس والاخلاص والراحة وووو... هقولكم على عيني وعلى راسي

صح كلامكم بس المعنى الرئيسي للحب النابع من القلب عشان يوصل للقلب هو الاحترام احترام اللي قدامك احترام رأييه احترام كلامه احترام مشاعره وبدقق على مشاعره دي اوي .. تعالوا شوفوا معايا النظريه الخطيرة اللي اكتشفتها دي عشان تعرفوا معنى الحب في الدنيا هو الاحترام :

*الدنيا سعادة والسعاده فرح والفرح حياه والحياه إخلاص والاخلاص عشق والعشق إبتسامة والابتسامة إحساس

والاحساس مشاعر والمشاعر اشتياق والاشتياق راحه والراحة دفئ

والدفئ أمان والامان حضن والحضن إدمان والادمان قبلة والقبلة شفاه والشفاه عبير

والعبير حنان والحنان عاطفة والعاطفة غيره والغيره خوف والخوف قلق والقلق سهر والسهر رعايه والرعايه إهتمام

والاهتمام مسؤؤلية والمسؤؤلية تحمل والتحمل ضغط والضغط قدرة والقدرة تحدي والتحدي عزيمة والعزيمة إصرار

والاصرار ثقه والثقة احترام والاحترام يعني الحــــــب...

حبيبتي يا أم الدنيا... جـ (1)

بصراحه ملقتش أحلى ولا أجمل من اني ابدأ موضوعي النهارده بمنظر للنيل الساحر وغروب الشمس عليه بجد منظر خيالي وجميل اوي

هسيبكم تتفرجوا على جمال مصر أم الدنيا بمناطقها الجميلة جيبهالكم من شرقها لغربها بجد ده من أجمل المواضيع في الدنيا اللي ممكن أكتبها عشان بلدي اللي هكتب عنها جيبهالكم بصورها ملكوش حجه بقى أتفرجوا وادعولي...

النيل الفظييييع بمراكبه وجماله الشاسع...

مصر زمااااان بأهرامتها ونيلها الجمال كله هنا في مصر

شايفين سحر النيل والشمس الي حواليه والغيوم بجد منظر ولا الف ليلة وليله

النيل الي حواليه فنادق وشجر ونجوم ياااااه

أتفرجوا واسرحوا معايا

الله عليك يا نيل مصر,,

القاهرة بقى بليل ليها سحر تاني خااااالص لا تقلي دبي ولا تقلي كوالالمبور

النيل اللي شاغلنا وتاعبنا من جماله بجد..

برج القاهرة والنيل السااحر منظاران يضيئان سماء القاهرة

جمالك يا نيل ساحرنا وساحر ملايين وملايين من الناس أعذروني بقى بحب النيل حب أبدي..

مترو الانفاق "تحت الارض"

مبنى الاذاعه والتلفزيون ماسبيرووو

أما بقى أسوان فليها سحر من نوع خاص كتاراكت أسواااان..

النيل اللي مدوخني بجماله

فندق مصــــر.

قصر الباروووون..

شوية صور عن مدينة أسوااان الساحرة...

اهرامات مصر الحبيبة... ست الكل

ده من احلى فنادق الجميلة جدا جدا في شارم الشيخ وهو سوليمار مرابل كلاب

و ده فندق سافوي بردو في شرم الشيخ..

جمال وسحر فندق جراند روتانا شرم

يا جمالك يا غردقه ويا جمالك يا هيلتون غردقة...

و ده كراون بلازا ريزورت في شرم اللي واخدانا في عالم تاني من سحرها وسحر جمالها..

قصر البارون في مصر اللي يعتبر بجد تحفة فنية رائعه وجميلة ويقع تحديدا في القاهرة في مصر الجديدة في شارع العروبة..

اما المنظر الجميل ده فهو فندق الباتروس ريزورت الواقع في مدينة الغردقه....

من منا لا يعرف فندق ألف ليلة وليله وبردو في الغردقة اللي للأسف مش لاقيين ديكورات في الامارات فبيحاولوا يقلدوا في الصورة اللي تحتها وهو قصر الامارات

شايفين قمه التقليد ..

وبكده نكون خلصنا جزء بسييييييط من اللي في قلبي بس هوعدكم أكملكم جزء تاني ان شاء الله لجمال مصر الساحر وصورها اللي بتاخد عقلك وقلبك وروحك .. بحبك يا مصر أعمل ايه .. بحبك يا أم الدنيا

صعبانة عليا يا دنيا...

حد فاهم حاجة ؟؟ بالظبط الصورة دي زي دنيتنا المتلخبطه اللي ماشيين فيها واحنا مش عارفين اخر الطريق هيودينا فين بالظبط , سواد ولا نور جهل ولا علم . بصيرة ولا عمى. طريق صعب ولا طريق سهل وبسيط

يمكن يودينا على مكان كويس نتمناه كلنا ويبقى طريق خير وسعادة وفرح ,ويمكن يودينا على طريق صعب وشاق زي ما الدنيا بقت صعبه وغريبة وعجيبة, صعبانة عليا الدنيا بجد مشكلتها انها عامله زي الصورة اللي رسمتها دي محدش عارف فيها حاجة واللي بيعرف فيها حاجة بيتحطلوا ملايين من علامات الاستفهام حواليه .. والناس بتفتكروا هو اللي غريب الأطوار مع إن الدنيا هيا اللي غريبه بجد زي ما قلت وهقول ولسة بقول

"الزمن غدار تقسى عليه مره يقسى عليك مليار" فعلا لو قسيت عل زمن وكشرت عن أنيابك هتبقى دنيتك سودة وهتقضيها

سواد في سواد

بجد عايزة أعرف هو فيه كده ؟؟ فيه دنيا زي اللي احنا فيها وبنعيشها بالشكل ده ؟ يااااااااااه بجد صعب أوي اننا واقفين وحاطين ايدينا على خدنا وبنقول هتعدي طيب إزاي هتعدي وإحنا بنتفرج على اللي بيحصل أكنه مسلسل مش من جزء ولا جزئين ولا تلاته ده مسلسل اجزائه مبتخلصش ابدا ده مسلسل كل يوم بتزيد عدد حلقاته واحنا كالعادة من بعيد لبعيد أكن الدنيا مرض معدي هيا فعلا مرض معدي ومش معدي بس لا ده مستعصي كمان .. قلبي مليان اَهااات نفسي أكتب وأخرجهالكم في كتاباتي بس حسا السواد اللي احنا فيه خلانا مش بس مش قادرين نكتب لا مش قادرين نتكلم ولا نوصف ولا نعبر على اللي إحنا فيه . صعبانه عليا يا دنيااااا بجد

أصحى يا حق وفوق ده الفقر هد حيلنا بجد هدنا ولسه هيهدنا أكتر . مش فقر الجيب ولا الماديه لا فقر القلب والمشاعر والحنيه

فقر البصيرة والاخلاص يااااه بجد فيه كده ؟؟ كل يوم الدنيا بتسود أكتر من اللي قبله مش في نظري بس لا في نظر كل اللي حوالينا قدامنا وورانا طريق أسود طويييييييل أطول من طريقنا اللي عايزين وبنخطط عشان نوصله ,عارفين ايه الطريق ده ولا مش عارفين؟

طريق الجهل والعمى طريق الأنانيه اللي موجودين في الزمن ده .بس خط النهايه قرب بجد والمسلسل ذات الاجزاء اللامنتهيه قرب من حافه الهاوية .المشكله مش بس فينا احنا المشكله في اللي حوالينا في الدنيا في الجرح في الاسى في العناد في الظلم في كـــــــــــــــــــــــل اللي حوالينا مش بس احنا الغلط اللي قدامنا واللي ورانا غلط في غلط .حسا نفسي بتكلم الغاز بس اللي عايش في الدنيا دي أكيد هيفهم قصدي ويعرف ان الدنيا باللي فيها متستحقش نزعل عليها ,إن الدنيا وما فيها قصه واتكتب اللي فيها واللي ليها , بجد الدنيا دي أكبر قصه في الدنيا

عامل زي حدوته المسلسل اللي مبيخلصش, الدنيا بردو نفس النظام قصه ..حدوتة.. رواية . لالا أكبر من كل ده ولله .. الدنيا عامله زي الطفل , أزاي وليه ؟؟ ايوة عامله زي الطفل اللي لو ضحكت عليه بكلمتين هيسكت ويبطل بكاء , زي ما بتعمل مع الطفل أعمل مع الدنيا أضحك عليها وسكتها بكلمتين وهيا هتعدي وتمشي وتبقى كويسه , لو وجعت دماغك ودققت على كل كلمه وكل حركه وكل فعل وكل موقف هتاخد فوق دماغك وتتعب نفسيا وجسديا وهتكره اليوم اللي أتولدت فيه ولله , ف ليه منختصرش الموضوع ونحاول نخلي الروايه قصه والقصه حكايه والحكايه حدوته عشان المسلسل بدل ما هو لا متناهي يبقى مية جزء والمية جزء يبققوا عشره والعشرة يبقو جزء لحد ما نخلص كل حاجة في حلقتها وفي يومها , بكده هنعيش صح وهنفهم صح وهنرتاح أخر حاجة .بدل ما جهلنا يعمينا على اللي قدمنا كفاية انه عمانا على اللي ورانا متخلهوش يعمينا تاني عشان متلومش نفسك بعد اللي هيحصلك من وراه الجهل. كان فيه حديث عن الرسول

- عليه أفضل الصلاة والسلام - بيقول في ما معناه إنك لما تقول كلمة حاول تفكر في معناها الاول عشان تشوف هيا كدة محلها صح ولا غلط .. طبعا كلنا بنغلط ومش معصومين عن الغلط بس معصومين عن الاستمرار في الخطأ والشاطر اللي بيصلح من نفسه مش اللي مستمر على هو فيه ده .الحمدلله على كل حال .. في حلقة "المعز مسعود" مع الدمرداش كانوا بيتناقشوا عن حال الدنيا والي فيها فقال المعز مسعود كلمه حلوة أوي فرحت قلبي وقلوب ناس تانيه كتير اوي سمعوها ولما هيسمعوها دلوقتي بردو هيفرح قلبهم وينشرح من سماحة الله لنا . قال ايه بقى الاخ مسعود . بيقلك لما تكون مكتئب ومضايق من دنيتك ومن حالها قول الحمدلله واقرأ سورة الفاتحه هتلاقي ربنا بيرد عليك في كل كلمة بتقولها يعني لما تقول الحمد لله رب العالمين ربنا هيقول "حمدني وشكرني عبدي " لما هتقول مالك يوم الدين ربنا هيقول " أثني على عبدي" لما هتقول اياك نعبد واياك نستعين ربنا هيقول "عبدني عبدي واستعان بي فأغفر له وأشرح له صدره" يااااااااااااااااااااااااااااه بجد حاجة بتخلي جسم البني اَدم يقشعر لما تعرف ان كل كلمة بتقولها وانت بتقرا القران ربنا بيرد عليك فيها بجد بجد شعور رهييييب أنتابني وأنا أكتب ما قرأتموه , حتى وانت بتتشهد وبتقول السلام عليك أيها النبي الرسول الحبيب المصطفى عليه أفضل صلاة وأفضل التحيات رحمه الله ونوره عليه بيرد عليك وبيقلك وعليك السلام ورحمة الله وبركاته !! تخيل إن رسولنا الحبيب الكريم بيرد علينا احنا البشر وربنا سبحانه وتعالي كمان بيرد علينا ياااااااااه بجد كلام ولا أحلى وشعور ولا أجمل منه لما تعرف إن ربنا سبحانه وتعالي رحمن رحيم علينا وبيغفرلنا ذنوبنا كلها .. "اللهم أرحمنا يَوْمَ تَبْيَضُّ وُجُوهٌ وَتَسْوَدُّ وُجُوهٌ , اللهم أرحمنا يَوْمَ يَقُومُ النَّاسُ لِرَبِّ الْعَالَمِينَ ,

اللهم أرحمنا يَوْمَ يَكُونُ النَّاسُ كَالْفَرَاشِ الْمَبْثُوثِ , اللهم أرحمنا يا عَلِيمٌ بِذَاتِ الصُّدُورِ . اللهم أغفر لنا خطيئاتنا، وجهلنا، وإسرافنا في أمرنا، وما أنت أعلم به منا. اللهم أغفر لنا جدنا وهزلنا وخطأنا وعمدنا، وكل ذلك عندنا. اللهم اغفر لنا ما قدمنا وما أخرنا، يا ذا الجلال والإكرام....

صفاء الشمطاء....

صفاء الشمطاء ..صفاء البلهاء ولا صفاء الحمقاء ؟؟؟؟؟ كل ما بشوفها بحس انها مخلوقه من مخلوقات الفضاء ..

قصيرة .. سخيفة ونحيفة بس قوتها ونشافتها شبه ورقة الصحيفة..

ولا صوتها يا حرااااام اللي مش طالع من كُبر سنها ولا لبسها اللي ملزق في كل جسمها

ريحتها ريحة "إل ام" واما بشوفها بحس اني هتجن , فاكرة نفسها يا حرااااام بني اَدمة

ايه حكايتها بقى ؟؟ ايه الكلام ده؟؟؟

كل ما بشوفها أكني بشوف عفريت .. اللي محبوس من زمان في علبة كبريت

يا ناس ارحمووووني منها لاني شكلي منها أتجنيت

فينك يا مريم يا لبنانيه .. أرحمينا من صفاء الانانية

اللي فاكره نفسها بقت مديرة .. وهيا حيالله حتة وكيلة

بجد لما بشوفها بحس إني هضربها

بس متستاهلش إني أكلمها أو أبصلها أو حتى أعبرها

لانها زباله وخنيقة وحقارتها الدنيئة

ويارب السنة تخلص على خير بدل ما أوريها ريم في الحقيقة

أرحمينا يا صفصف من شرك

اللي محدش هيعرف غيري يلمك

ولو مش هتحترمي نفسك ملعون ابوكي لابو جدك

حواااارات حمضانة

عايزة أحكيلكم حدوتي مع الاساتذة والعيال البنات صحابي أيام المدرسة وشقاوتها:

*كله كوم وشعرك الأبيض كوم .. عمري ما شفتك بتضحك في ولا يوم

حصتك كلها أصفار ونوم في نوم

كلمتك المشهور " ما رح تعدي التمانين" يمكن يا حرام متعقد لان شكلك يدي في السبعين

ويا فاروق باشا حن علينا ولو دقيقة..

*ولا "كوثر" اللي عاملالنا فيها رقيه .. المشكله إن الكل عارف الحقيقة

إظهري وباني على حقيقتك الدنيئة

وغرورك وحقارتك اللي الناس كلها شايفنها

*ويا "بشرى" حرام عليكي تفضلي في المنار

أمنيتي الوحيدة نفسي أنشرها في الجرنار

لانها ببساطة الوردة الوحيدة اللي حبتها

والنسمة الرقيقة اللي عيني شافتها

ويا " بشرى " بحبك موووووت

وفي بعدك ولله أموت لا كلام ولا حتى سكوت هيعبر عن اللي في قلبي لحد ما أموت

من حبي ليكي كتبت بحر كلمات مره مليان حب ومره مليان اَهااااات

*ويا "غادة" بطلي كلام فارغ وحوارات

دي الناس عرفتك من الافلامانات

ذلتينا بإنك مشهورة يا أم الافشخنات

الحمدلله جوزك مات وأرتاح من كلامك كلام التمثيليات

*ويا "متولي" أناقتك الزايدة خنقتنا

بس ضحكتك وابتسامتك علمتنا

إن الدنيا بنكدها ودعتنا

زهقتنا أنت وكلامك عن الوراثة

كلها حوارات حمضانه وإفتكاسة

* أبوس أيدك يا "عمران" حن علينا أنت وإمتحاناتك الاسبوعية

ولبسك اللي بتغيره في المناسبات الشهرية

ولا مراتك اللي بنشوفها أكتر منك في حصصنا اليومية

وطززززز في المنار والمديرة وصفاء

الله يحرقهم بحوارتهم الفارغه لا خلوني انام لا في الصبح ولا في المساء

ويا "رانا" خفي علينا من الدح بتاعك

دي لما الناس تشوفك أو تسمع كلامك

تحس بالذكاء والشطارة حتى في أفعالك

وخلصنا من رانا جتلنا "فدوى" الذكية

شاطرة في كله حتى في حركاتها الشقية

كله كوم و "عهد" الطيبة صاحبة القلب الحاني

اللي لما تشوفها أو تسمعها تحس انها من كوكب وعالم تاني

وفي صفنا بنت غريبه عجيبة اسمها "سووولي"

دي لما تبصلها تحس انها شبه الطفل المنغولي

من حركاتها وشقاوتها اللي قربوا يجننوني

والشعنونه المجنونة "اَن" الانونة بعشقها موووت هيا والمجنونه "بنونة"

والبت العصبية "هبة بدران" لما تشوفها تحس أنها بلوشية من الخران

مفهاش شبه في ولا حاجة من حبيبة قلبي "بان"

ولا "يارا عبدالله بنت نظامي"

لما تشوفها هتعرف اني صحيحه في كلامي

انها شبه الولد اللي بشوفه في منامي..

وربنا يهنيكم بالوردة السكرة "ريم " العسل

ويفك عنها عقدة النوم والضحك والكسل

و توته توته خلصت الحدوتة حلوة ولا بصل ؟؟؟؟؟؟؟

الحاجة ويندي

النهاردة موضوعي عن "ويندي براون" ذات الثلاثه وثلاثين عاما والشعر الأصفر والعيون الزرقاء , بجد تتصوروا ايه اللي عملتوا الست المحترمة دي ؟؟؟

المهم .. جبتلكم صورة ليها عشان الموضوع شدني جدا من كتر ما هو غريب..

حكايه الأم دي بقى غريبه اوي بجد أم مش زي أي أم الحكايه بقى بتقول :

أتجهت هذه الأم أسمحولي أن أطلق عليها لقب الأم لكنها وبكل أسف لا تستحق هذا اللقب العظيم الذي نطلقه على أمهاتنا , أمهاتنا من حملونا في بطونهم تسعة أشهر . هذه الأم التافهة عقليا أستولت على لقب أبنتها !!! كيف ذلك ؟؟؟

دعوني ابدأ برواية تفاصيل هذه الحادثه التي شغلت بال جميع مواطنين مدينة غرين باي في ولاية ويسكونسون الأمريكية مسقط رأس الحاجة ويندي .. في صباح اليوم المشؤوم أتصلت إداره مدرسة ""أشووبينون"" بالجدة أم الحاجة ويندي بعد أن زعمت الأم انها تدرس في مدرسة "باهرومب فالي " قبل أن تنتقل إلى مدرسة اشووبينون , تسرب القلق بداخل إدارة المدرسة بسبب عُمر الطالبة الجديدة التي أصرت أن تصبح طالبه ذات خمسة عشر رببيعا وتشترك أيضا في فريق الفتيات المراهقات المشجعات العاريات بل والمبتذلات أيضا..

كان حلم هذه الأم أن تشترك منذ نعومة أظافرها في فريق المشجعات في مدرستها ولكن لم يحالفها الحظ في هذا وبدلا من أن تسكت فعلت ما أستغرب منه جميع مواطنين مدينتها بل والمدن الاخرى المجاورة لمدينة غرين باي وهو أستغلال صفة أبنتها ذات الخمسة عشر عاما وسجلت في المدرسة الجديده على أنها هيا أبنتها !!!!! وحققت حلم الطفولة بإشتراكها في فريق الطالبات الراقصات أيضا وقبل أن تبدأ الدراسة أخذت دروس بمبالغ ضخمة في التشجيع الراقص حتى حين تشترك في المدرسة يقبلوها .. ولكن مالا تعرفه أن المدرسه أتصلت وبسرعه شديدة بالجدة وأخبرتها بتفاصيل هذه الواقعة الغريبة فما كان من الجدة إلا أن تخبرهم بحقيقة الموضوع وهو أن الأم مزورة وأستغلت إقامة الطفلــة مع جدتها لتفعل الأم هذه المهزلة الفظيعـة وتستغل اسم الابنة لتأخده هيا وتسجل في المدرسة البعيده عن محل إقامة البنت وجدتها .. فما كان من المدرسه إلا أن تخبر الشرطة على هذه الأم المريضة عقلياً وبهذا أجبرت الشرطة الأم بدفع غرامة قدرها 10 الاف دولار وسجن لمدة ست سنوات ... هذه الأم كان يجب أن تُعرض على مشفى للأمراض العقلية قبل أن تُسجن لان هذه الافعال ليس بشخص عاقل ذهنيا أن يفكر في عملها , فكيف أن الأم التي ربت وحملت وتعبت أن تفعل هذا ؟؟؟ الحمدلله على نعمة العقل ونعمة الإسلام .

نفسي اسأل الحاجة ويندي دي عن سببها الي دعاها لإرتكاب هذه الجريمة البشعة , معقولة السبب يكون في أن تلبس تنورة قصيرة وتتمختر وتتمايل على الشباب اللذين هم في أعمار أولادها !! ولا حبها الشديد في الرقص والتعري والابتذال هو الي خلاها تعمل كدة !!!

طيب لو الحاجة دي بتعرف ترقص ما تشترك في برنامج هزي يا نواعم النسخه الامريكيه منه وتفرجنا على المواهب ولا انشالله ترقص لجوزها ولا الراجل ملهوش من الطيب نصيب يعني ؟؟؟ لا وفي أمريكا مبيطلقوش على العرب الا كلمة المتخلقين , إحنا فعلا متخلفين عشان فاكرين إن الغرب دول ناس كويسة وشعب جامد جدا بس هم في الحقيقة ناس تافهه بجد ولله , اللي خلا الأم ويندي تعمل كده وأكيد فيه مئات والاف غيرها كتير بيعملوا أفظع منها يبقى ده شعب مجنون ومريض بالدرجة الاولى ..أذكر حينما كنت في الثانوية العامة زميلة ليا كان وهمها وعشقها الأول والأخير هم الشعب الغربي وكانت بتاخدهم قدوة في كل حاجة لدرجة أنساها العرب وإخلاصهم للإسلام ودفاعهم عنه . لدرجة أنستها ماذا فعلوا الغرب حينما اساءوا الى رسولنا الحبيب - محمد صلي الله عليه أفضل الصلاة والسلام - ووصفوه بأبشع الصفات بل ولم يكفهم هذا فقد رسموا أحقر الكاريكاتيرات عليه .. اللهم أحفظنا وأحفظ نعمة العقل والإسلام لدينا..

بجد الاسلام أكبر نعمة علينا وعلى كل المسلمين عشان بيحفظنا وبيعلمنا الصح من الغلط وبنكبر في عيون الناس جميعهم بإسلامنا وأحترامنا وثقافتنا وعلمنا مش بتزويرنا وإنتحال شخصيات أخرى زي اللي أرتكبته الحاجة ويندي في بنتها ده

حتى الغرب مستائين من اللي بيحصل في شعبهم والسخرية منهم ومن تفاهتهم الشديدة طيب ليه إحنا بقى بعد ده كله فخورين بيهم وبنقول يااااااااه دول الاجانب دول أحسن ناس , طيب أنا راضيه ذمتكم أحسن ناس ازاي وهم تافهين كدة وعقلهم أتفه من أي عقل أخر !!! مش هنكدب وننسى العلم والتطور والنظام اللي عندهم بس إحنا كمان عندنا علم أكبر من اللي عندهم بمراحل ومش عايزين ننسى أن كل الاختراعات اللي شيفنها حوالينا دي أصلها وأصل اللي عملها هم عرب وهم اللي فكروا في كيفيه أختراعها الأول بس بفضل التطور اللي عند الغرب هم اللي انشأوها وعرفوا ازاي يعملوها على رأي الاخت الفاضله دندن "إحنا الأصل وهم التقليد"

بردو هرجع وأقول مش كل شخص ناجح بقى كويس من برا ,لأن في ناس ناجحه وكويسة بس للأسف متستاهلش النجاح والشهرة اللي هم فيها و على رأي المثل المصري:

""من برا هالله هالله ومن جوا يعلم الله""

ثقافة فارغة

سوف ابدأ بسرد التاريخ الانجازي العالمي لأبطالنا لقصة اليوم ...

البطل الاول الذي حصل على اوسكار الفن العظيم "محمد قماح ابن الفلاح" والبطلة

الثانيه التي حصلت على جائزة نوبل

في فن الرقص الشرقـــي "أستيـل"

هل هذا ما يسمى بالثقافه الاعلاميه ؟؟ هل صار أبن قماح هو رمز مصر الاول ؟؟

هل صار هو ممثل مصر العالمي ورمز من رموز العنصرية ؟؟؟

أم أصبح ""هزي يا نواعم"" هو هفدنا وغايتنا الوحيده في النظر الى أجساد العاريات.

يا ألهي كم في هذه الدنيا من عجائب وغرائب تضحكنا بالفعل من تفاهتها ..

كم في هذا العالم من عقول بشرية لا تستحق أن تحيى على وجه الارض ..

أتذكر عندما كنت أرى البرنامج العملاق في تاريخ البرامج الهادفه والواعية الذي يحضره

كم من المشاهدين لا يقلون عددا عن مشاهدين ناصر والملك فاروق ,, لا كنت أصدق

عيني أن كل تلك المشاهدين فارغين عقليا .. فقط أريد أن أعرف ما هي وجه الاستفاده من مشاهده مثل تلك البرامج التي لا تعود علينا بفائده الا أثـمها فقط لا غير .. أين فلسطين والعراق والصومال من كل هذا الهراء ؟؟؟؟؟

أين هم من كل هذا ؟؟ سوف أعود الى محمد قماح هل صار بالفعل سعد زغلول أم جمال

عبد الناصر عندما كاد أن يحرز كأس الفوز والنصر في هذا البرنامج الضخم انتاجيا

واعلاميا ؟؟ ولله إن في جنازتكم يا عمالقه القرن العشرين ما حضره هذا الكم من البشر

اللذين سوف أطلق عليهم وبكل فخر ورأس مرفوعه ""تافهين""" هل فازت "أستيل"

الفائزة في هزي يا نواعم 2007 بكأس رئيسه الجمهورية ؟؟

أم أن هذه الراقصات كأسهم هو العري والابتذال و "بدلة الرقص" ؟؟ أريد أن أعرف

بصدق شديد أي أم ترضى أن يرى جميع الناس جسد بنتها وهي عاريه لا يسترها سوى

بضع ملابس خفيفه شفافه ؟ لا بد ان تكون هذه الام هي أيضا راقصه من وسط فني

راقص مثل الشريفه

"نجوى فؤد" والاشرف "دينا وفيفي عبده " اللذين تباع شرائطهم الجنسية من افلام وصور وفيدوهات على أرصفه الشارع العربي منه والغربي .. نعم هذا هو الفن الاصيل الجميل الذي يستهوينا بالفعل ويشغل بالنا وعقولنا ....

ليس كل شخص أشتهر على سبيل الشهرة الفارغه والتافهه هو شخص ناجح .. فالمرأه التي أشتهرت عن طريق الرقص هي شيطان لعين يتجسد في صورة امرأة ألعن وأضل سبيلا ..

فجميعنا نتذكر المثل الياباني الشهير : "الشيطان أستاذ الرجل وتلميذ المرأة"

أحلام أنتهت

تدرون انه يرمسني عن الخيانه بس بإي حق يتكلم وهو الي ما صان الامانه

امانه الحب اللي في قلبي اللي سود حياتي ودربي

وااااه لو نرجع مثل زمان اللي حبيته فيه بهالمكان

كان دوم يجي بأحلامي ويسمع صدى الانفاس بأيامي وهي تناديه وتقوله لا تغيب

وكان يبتسم ويقوللها انتي النصيب

الله عليك اي نصيب اللي تترمس عنه خلاص الهجر يه وجته وعن الحب بطلنا

احلام الماضي الخادعه انتهت وحياتي في بعادك ألتهت

كنت دوم أريد أحلم واشتكي على صدرك ما كنت اخاف من شي الا هجرك وصدك

ولو ما تبيني وتبي حياتي وحبي عنك

وما أحد يلومني على اللي هيصير يمكن ما اسوي شي ويمكن أسوي شي كبير

يلعن هالحب اللي خلانا بعاد وحط بنا مسافات وأماد

ما هبكي على شي الا الخداع اللي كانت دوم حياتنا في نزاع

نزاع على الحب اللي ضاع

بس من الحين سكرت قلبي بمفتاح لاني أبي السعاده وبالسعاده دوم أرتاح

لاني أبي أسير في حياتي وأجتاح , أجتاح الحياه من جديد

بس ما تكون انت ولا حبك فيها لان حبك ما يفيد

أبي أسير في هالحياه من جدة وجديد وأقابل حد يعاملني بصدق شديد

لان الصدق هو الباقي للامد الصدق اللي انت ما عرفته ولا شفته أبد

أبي أنساك لحد ما اموت لحد ما ادخل حياتي الجديده واخوض

أخوض فيها لمحه حب حقيقيه لا حب بأوهام وبخياليه

اللي تترمس وتسولف عنه في كل مسرحيه

مسرحياتك الفارغه اللي ما الها اساس ولا الها لا حب ولا احساس

ولا مجرد شي يدخل ويمر في الانفاس

أباك ترحل عني وتغيب لان هذا هو طلبك وهذا هو النصيب...

ابراهيم والذئــــــب

اسوأ احساس لما تحس انك مظلوم بجد مش بس في بلدك اللي ليها فضل على كل مواطن عايش فيها لا من شعبها وحكومتها واهلها وناسها بجد احساس بشع لما تتظلم وتتهان وانت في بلدك اللي كبرتك وعلمتك , ايه الحل طيب وفين كرامتنا من كل ده !!

منذ عدة أشهر أستمعنا جميعا عن حادثة التعذيب في الاسكندريه من قبل ظباط الشرطه

المحترمين جدا واللي رافعين راس مصر اكتر واكتر الظابط ده اخترق كل المبادئ

الانسانيه والمشاعر النبيله والقيم الدينيه عمل حاجات بجد مش عارفه فين القوانين والحكومه ولا دول كمان انقرضوا زي انقراض رغيف العيش والمياه الصالحه للشرب تتصوروا ايه اكتر حاجة ممكن يعملها ظابط شرطه في مواطن فقير غلبان مصري ؟؟

تعذيبه وضربه ياااااااريت الحكم عليه ظلم كمان يااااااااااريت .. لبسه قميص نوم حريمي وذهب به الى منطقته الشعبيه "الورديان" وجرجره على الارض من القميص الحريمي الي لبسهولوا كل ده وهو يضع عصا غليظه في مؤخرته سخريه منه امام جميع مواطنين هذه المنطقه وفخرا بنفسه وبمهنته التي يظن هو وغيره إن بهذا سيجعل الخوف يسري في قلوب الناس اللذين لا تتردد على افواههم غير كلمه " وانا مالي " ليس فقط العصا كان محلها مؤخره المواطن المصري بل وإصبع الظابط ايضا .... وامعتصماااااااااااااااااااااااااااااااااااااااااااااااااه

مشكله الشعب العربي وأخص الشعب المصري بهذا ,هو شئ واحد فقط "الخوف" كل واحد خايف على بيته وولاده وعياله ومراته واهله مش قدامه غير كلمه واحده بس يقولها "وانا مالي " ياترى اللي بيعملوا ده صح ؟؟؟ لما كل واحد يهرب من اللي بيشوفه قدامه من ظلم وفقر واغتصاب واحتلال ونصب ويقول وانا هعمل ايه يعني هو انا الي هحل أزمه مصر ؟؟

هي فعلا مش هتتحل أزمه مصر بالكلام عشان كل واحد مش قادر يقول ولا عارف يقول غير وانا مالي بس لو فكرنا صح هنحلها صح مشكله زي مشكله الظابط يسري لو شفناها في الشارع المصري هنعمل ايه ؟؟ كله هيقول ده ظابط واحنا مش اد الحكومه عايزة اقولكم حاجة الحكومه نفسها هيا الي ادت الظابط المحترم الشريف ده خمس سنين سجن .. طيب ليه مش احنا كمان نتصرف بدل ما احنا حاطين ايدينا على خدنا وواقفين نتفرج على المهازل الي عماله تزيد في بلادنا دي ..؟؟ هيحصل ايه لو عشره عشرين مواطن مصري اجتمع على الظابط ده وانهالوا عليه بالضرب المبرح الى ان يتوقف عن فعل هذه المناظر الشنيعه في حق اولاد بلده . كفايه عليه اتنين صعايده بالشومه وهو مش بس هيتوقف عن الي بيعمله ده مش بعيد يبطل شغلانته دي . بس هنرجع لنقطه البدايه نقطة الصفر وهي """الخــوف"""

متتصوروش فرحه الشعب الاسنكدراني المصري الحبيب بحبس الظابط اللعين وعزله من الوظيفة , زغاريد وزينه وفرحه وبكاء وهيصه والامل في بكره كل المشاعر الطيبه دي عشان كرامة المواطن المصري الغلبان ابراهيم الذي يعمل في كراج بسيط "بيوميه تتراوح من عشره الى عشرين جنيها مصريا" رجعتله واسترد كرامته من الظابط عديم القلب والمشاعر والاخلاق ... والام الغلبانه التي كادت ان تموت حسرة على ابنها وهو يستهان بكرامته امام خلق الله وأغشى عليها عندما سمعت بل ورأت ايضا منظر ابنها الشنيع بجد منظر يقطع القلب استضافوها هيا وابنها كلا من المذيع الحبيب "معتز الدمرداش" في 90 دقيقة , والاخت الفاضله "منى الشاذلي" في العاشر مساء.

وبدأت الام في روايه الحادثه وتسرد الجريمه وكإنها رواية تنتهي بنصر بطلها الثانوي اما بطلها الرئيسي وهو الظابط اللعين فقد أخذ حكمه من محكمه جنايات الاسكندرية وقريبا سنتظر حكم الشعب المصري له. هنيئا لك يا أبراهيم بالنصر ...

(((الله أكبر فوق كيد المعتدي الله للمظلوم خير مؤيد)))

فلسطين عربية

فلسطين يا أمنا في ارض العروبه تضمنا
المسلم تلاقيه هنا والمسيحي كمان مننا
أغتصاب واحتلال في أرضنا
وحرق ودمار وقتل في اولادنا
كل ده وإحنا في ارضنا وفي بلادنا !!
طيب هنعمل ايه ونروح فين يا ربنا ؟

جرحوا كرامتنا وعيالنا وقبل ده كلوا جرحوا قلبنا
يهود وكفار دخلوكي يا أقصى يا طاهرة
وحرقوكي ولاد الناس الفاجرة
ودخلوا علينا حتى واحنا في بلادنا
وحطموا احلامنا واحلام ملايين غيرنا وامالنا
فينك يا رافع رايتنا فينك ياللي هتحقق غايتنا ؟؟
بس غصب عنهم احنا في ارضنا وفي بلادنا
وراجل فيهم لو قدر يغير كلامنا
اللي بنقوله من 48 ومش هنغيره
حتى لو جابولنا بوش بإيدينا هنفجره
فينك يا صلاح يا ايوبي أصحى من تربتك
تعالا وحرر بلادنا وساعد أهلك وامتك
شوف الظلم اللي احنا فيه..
والامل والحلم اللي عشنا ليه...
عشنا عشان اولادنا من سنين
ومش لو هنعيش عشانهم أمال هنعيش لمين ؟؟
فينك يا رافع رايتنا فينك ياللي هتحقق غايتنا؟؟
عايشين يوم را يوم واحنا حاطين ايدنا على قلبنا
لان هيجي اليوم اللي هيقتلوا فيه أهلنا وأمنا
بس ربنا كبير وليه موجود ..
ومحدش هيقدر يطلعنا لو مين ما كان في الوجود..

حال الدنيــا

سنين الماضي خدعتنا وبلياليها وايامها عودتنا
على حاجات معلومات تفاهات شغلتنا عن بعضنا توهتنا
يا ماضي اصحى وفوق واصحى لدنيتنا
الهم واجع دماغنا دي الايام علمتنا
نكدب ونخدع دي الايام هدتنـا
يا ماضي انكتب الحق عل جبين ونسيناه من وقاحتنا
غفلنا عنه ورميناه ورا ضهرنا دي الناس شجعتنا
ناكل الحق ونغش يمكن بكده الدنيا رجعتنا
لزمن ملهوش أماااان دي الناس بجد صدمتنا