الاثنين، 25 يناير 2010

صعبانه عليا نفسي

كل الحلوين اللي سألو عليا عايزه اقولهم اني لسه في المووود اللي رايح شمال
حتى نتيجتي طلعت من يومين ونجحت في كل المواد وجبت تقدير جيد جدا مرتفع
وعاااااااااااااااااااادي جدا حتى الابتسامه معرفتش طريقها
يارب مصر تفوز النهارده
بحبــــــــــــــــــكـــــــــــــــــــــــــــــم اوي
طق حنك :::: نتيجتي النهارده ادعولي ربنا ينجحني في كل المواد
لاني مخرفه في ماده ولا مادتين ولا تلاته كمان ولله ما انا عارفه
ادعولي بجد لاني قلقانه وتعبانه
الف مبروك لأم الدنيا
عايزه اقولكم اني مش مبسوطه معرفش ليه حالي مش عاجبني
انا يعتبر نسيت حاجه اسمها التدوين والبلوجز والكلام ده كلو
حتى الاغنيه حاولت اغيرلها يمكن تغيرلي مودي في البلوج بتاعي معرفتش
طب تصدقو الانيل اني كنت ناسيه منين اكتب الرسايل
ومنين اشوف التعليقات وناسيه كل حاجه بجد..
فعلا انا مش مبسوطه ومش عارفه ليه اتقطعت عل تدوين وهتقطع تاني عنو
بس حسا انكم وحشتوني وفي ناس كتير نفسي اتكلم معاها واعرف اخبارها واحوالها
انا عارفه ان الكل زعلان مني ومضايق مني وعليا بس انا بجد الفتره اللي فاتت
كان حالي مش ولا بد ومازلت
ده انا كلمه مصر اللي بعشقها اكتر من روحي بقت دلوقتي شئ اقل من العادي عندي لدرجه اني فيها حاليا من اقل من يومين ومش حساها
يا ترى حد مر بالشعور الغريب ده قبل كده ولا انا اللي بهيس؟؟

هناك 14 تعليقًا:

romansy يقول...

الله انتى فيكى عرق منوفى ولا ايه
يا مرمر فينك يا ريمووووووو انازعلت دلوقتى اكتر واكتر لما عرفت انك فى مصر ومش بتقوليلى ماشى ماى
كله محسوب عليكى
م كفايه كلتى علينا العزومه
ماشى ماشى
على العموم انتى مودك مش متظبط بس عندى الحل اسمعىالماتش النهارده فى مكان عام فى وسط الناس وشفى فرحتهم وحسى بقيمه مصر عندهم اكيد هيقدوا يعملوا ريفريش عندك
بس انتى وحشتينا

زى الهوا يقول...

ربنا يفك كربك

لأ ان شاء الله هتبقى احسن

ويهونها عليكى

وترجعيلنا بألف سلامه ياقمر

dramaqueen يقول...

ازيك يا مرمر
واحشانى يا قمر
ان شاء الله النتيجة تطلع حلوة متقلقيش
وبعدين الحالة اللى انتى فيها ممكن من القلق والامتحانات
حياتك بس محتاجة شوية تجديد
حاولى تنزلى اى مكان بتحبيه حتى لو نص ساعة
او اقولك اعملى شوبينج هتلاقى مودك اتغير تماما

ربنا يسعدك يا قمر

الازهرى يقول...

ترررررررررررررررررن

انا وصل بالسلامه وبيهنى جميع المدنين على ان مرمر ناويه تغيب من تانى ونخلص منها

ربنا يا رب ينجحك فى كل المواد بس بلاش طمع وتقولى عايزة تقدير كمان
التسعيره تختلف

ربنا معاكى

romansy يقول...

بقى انتى مخرفه انتى
هتلاقيكى بتاكلى الكتب
اكل
على العموم من قلب صافى بدعيلك ان ربنا يوفقك وتنجحى علشان تخرجى من الحاله اللى انتى فيها دى

ريمان يقول...

انتى واحشاااااانااااااا اوووى

فى ايه بس مالك كده؟

وليه هتسيبنا كده وتغيبى

طب ليه بس؟

ان شاء الله النتيجه هتطلع كويسه وتنجحى يا قمر وتفرحى


مش تقلقى ابدا

حاولى تتخلصى من المود ده عشان مش يقلب بحاله اكتئاب خدى بالك

وطمنينا عليكى ومش تتاخرى عننا


خلى بالك من نفسك اوى يا مرمر

شاب فقرى يقول...

ان شاء الله خير

ويارب تنجحى فى كافة المواد
وتجيبى تقدير عالى يارب :)

ابتسمى للحياة

ان شاء الله خير

طبعا صعب الفقرى يقول ابتسمى للحياة

بس هنعمل ايه
ظروف بقى :)

ان شاء الله التدوين مش هيسيبك ويمشى وهيفضل مستنيكى

المهم الكلية تنجحى وتتفوقى

ربنا معاكى

اللى تخاف منه ميجيش احسن منه

:)

ربنا يسعدك يارب

فقرى

romansy يقول...

الف الف الف مبروك يا قمر
اخبارك ايه
وحشانا
الف الف مبروك النجاح
الف الف مبروك فوز مصر
على فكره بقى اللى هيخرجك من المود دا
انك تيجى اللقاء بكره الساعه 10.30
فى الدقى فى نادى الزاعين
ان شاء الله هنكون هناك
ووياريت بقى تخرجى من اللى انتى فيه

mohamed ghalia يقول...

هههههههههه
لا مش تهييس دى مجرد حالة وبتعدى
حمدا لله على السلامة
والف مبروك على النجاح

mimi يقول...

ازيك يامرمر وحشتيني مووووووووت يارب تكوني بخير والف مبروك علي النتيجةوبالتوفيق يارب ايماوحمد الله علي سلامتك ورجوعك للتدوين ومش عايزينك تغيبي تاني علينا وابقي طمنيني عليكي دايما وخلي بالك علي نفسك0سلام ياقمر

صدى الصمت - عاشقة الورد - يقول...

مرمر الجميلة حبيبة قلبى وحشتينى مووووووت
فينك يا وحشة يا هربانة من زمان ؟
بعدتى قوى قوى وبجد قلقتينى عليكى جداً
مالك بس مش مرمر ال أنا أعرفها خالص حصلك اية غيرك كدة ؟
طمنينى عليكى

صدى الصمت - عاشقة الورد - يقول...

ألف مبروك لمصر وألف مليون مبروك لنجاحك وتفوقك يا حبيبة قلبى
فى إنتظار رجوعك للتدوين يا قمراية

ahmed_k يقول...

اولا يا مرمر ألف مبروك عالنجاح
ولو إنها متأخره حبتين
ومصر فازت والحمد لله وأخذت الكاس كمان
بس أهم حاجه انك ترجعيلنا بسرعه فالبلوج يناديكي
منتظر عودتك إلينا سريعا
في امان الله

ahmed_k يقول...

يا مرمر مادمتي بتغيبي عن المدونه كتير
ياريت تلغي الإشراف على التعليقات حتى تنزل مباشرة وتكون مدونتك مجدده دوما

تحياتي

About Me

صورتي
تقدروا تقولوا بنوتة متواضعه بحب كل الناس مجنونه و عاقله حزينه وفرحانة طفله وكبيرة طيبه وشريرة فيا كل الصفات بس اولهم واخرهم رومانسية وحالمة وده عشان بحب ابتسامه كل حد. وبحب اشوف ضحكه اي طفل وفرحتو على وشوا وضحكه اي ست على وشها بحب اشوف الفرحه في عيون الناس بحب اضحك اي حد مضايق واسمع همومه يحكيلي واحكيلو .